VUAANA 14:23 - Northern Tepehuan Bible

^23-24 Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

Tepehuan Northern: Diuusi ñiooquidʌ utuducami oodamicʌdʌ

²³ Taidʌ ʌSuusi itʌtʌdai: ―Sioorʌ giñoigʌdai ʌgai gia ʌʌgiditai caʌcamu giññiooqui. Daidʌ gʌrooga oigʌadamu ʌgai. Dai giñooga ʌʌmadu aanʌ daraajamu ʌgai ʌʌmadu.

VUAANA 14:23 Referans Kwoze

VUAANA 14:21

—Gin aaduñi, gï agai odami ix kïïga gin ïïgiadagi. Podukai maaxitudamu ïgai ix gin oigïdai dai aidï gia aanï ïmadï gïn gin Oga oigïdadamu ïgai ïpï dai aanï kïïga tïtïgidamu ix tuiga aanï ipïrhiditai ix kïïga gin maatïkagi ïgai— itïtïdai.

VUAANA 14:15

Dai Suxi apia oi go aatagi go mamaatïrdamigadï ïmadï dai potïtïdai, —Gin aaduñi, gin oigïdabïrai dai aidï gia gin ïïgiadamu aapimï bïïxi aïkatïrï kïïga gin oigïdaitai.

1 Juan 2:24

Gin aaduñi, gï agai sai gïn tïgito ajiopada aapimï Diuxi ñokidï ix makïdï kaïkana aapimï aidï abhiadïrï xi buaboitu aapimï. Ix apia buaboitudada aapimï gobai aidï gia biakamu aapimï urabaragai Diuxi ïmadï dai Diuxi Maradï ïmadï ïpï bïïxkïrï bïïtarï.

1 Juan 4:4

Gin aaduñi, maamaradï aapimï Diuxi dai kïïga gïn oigïdai aanï. Dai maiti gïn dagito aapimï ix gïn bupuirumadagi go gatïtïïgiadami yaatagi. Mai bhïiyi aapimï buaboidaradï ïgai tudu. Diuxi gïn ïmadï daja kaxkïdï. Dai ïgai bamioma gubuka xi bhai ïgai ix makïdï ïmadï daja go odami ix makïdï mai buaboitudai. Bamioma gubuka Diuxi xi bhai go diabora tudu.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

VUAANA 10:30

Dai mos ïr ïmo odami aanï ïmadï gin oga— itïtïdai.

VUAANA 6:56

Odami ix makïdï ugiagi gin tukuga dai iiyagi gin ïra gin bïnakami bipiïyi dai aanï bïnakami biïyi ïgai ïpï.

VUAANA 14:17

—Ïgai ïr Diuxi Ibhïgadï dai ïr gamaatïturhiadami ixtumaxi ïr buaboi. Dïï gia go gaa óídakami ix makïdï adaimïi mosïkaxi odami tïgibudadï mai bhaiga ix ïïgiadagi Diuxi Ibhïgadï. Ïgai mai buaboitudai Diuxi Ibhïgadï mai maatïkatai xorai ïgai dai mai maatïkatai ïpï ix dukatai aatabuayi ïgai. Dïï aapimï gia kïïga maatï Diuxi Ibhïadï gïn ïmadï dajatai ïgai. Gïn ïmadï daja ïgai tudu dai gokiïrioma gïn ïrana oidaka agai ïgai ïpï— itïtïdai.

Genesis 1:26

Bhodïrï ïïgi gï tïtïdai Diuxi —Xibi gia tïtai gïr ïpïamaaxi iduñi odami sai Bhodïrï tïanïna ïgai oidigi dama bïïxi ixtumaxi oidaga— itïi Diuxi. —Sai tïanïna ïgai go batopa, dai go ujurugi, dai bïïxi go oidigi dama ajiopadami tomaxi oidigïrï ajiopadamikagi xi sosiaxikamikagi ïpï dai modukai go gïïgïrdukami saagida aarhidukami bïïxi— itïi ïgai.

Apokalipsis 21:22

Dai ami go gïï kiikiïrï mai tïï aanï tomarhi ïmo kiupai. Ka mai biïga gobai tudu ami dakatai Diuxi Gïr Nukadakami ix makïdï bïïxi adaama ïr gubuakïdï dai ami dakatai go Arhi Kañiru tïgidukïdï ïpï.

Genesis 11:7

—Gï agai tïxi mïï taana ajiagi aatïmï dai ïjïkobai maakiagi ñokidï odami. Kaxkïdï tudu mai maatï gïn kaïkagi aipakoga— itïi Gïr Nukadakami.

Apokalipsis 22:3

Ami go gïï kiikiïrï mai tipukamu tomarhi ïmo ixtumaxi ix makïdï bia gïgïbidaragai abhana. Dai ami kïakamu go gïï daikarui xako darakatai gatïanïi Diuxi ïmadï go Arhi Kañiru tïgidukïdï. Dai ami go buaboitudadami xadutuadamu Diuxi

VUAANA 8:51

—Daiñi, aanï aagai sai xorai ïïgiadagi gin ñoki mai muki agai tomarhi ïmo imidagai dai gobai gia ïr buaboi— itïtïdai.

VUAANA 8:52

Daidi go judidiu itïtïdai aidï, —Aa gia ïr buaboi sai bia aapi ïmo diabora tïañikarudï— itïtïdai. —¿Tuixi pokaiti aapi sai xorai ïïgiadagi gï ñoki ka mai muki agai? Daiñi, go Abraamkaru ïmadï bïïxi go gaa aagadami Diuxi ñokidï ka bïïxkatai koi ïïki di.

VUAANA 15:10

Ix gin ïïgiada aapimï aidï gia kïïga maatï taatamu aapimï xïï kïïga gïn oigïdai aanï aapimï. Aanï podukai oidaga ïpï Diuxi gin Oga ïmadï di. Aanï bïïxi aïkatïrï ïïgidiña gin Oga dai kïïga maatï taatakana ix ïgai gin oigïdai ïpï.

VUAANA 16:27

—Daiñi, aapimï kïïga gin oigïdai dai kïïga buaboitudai sai aanï Diuxi gin Ogañdïrï dibia, kaxkïdï gïn oigïdai gin Oga.

Efesios 3:17

Daanïi aanï sai Suxi Kristo kïïga biakagi oidagakaradï gïn iibhïdagïrï kïïga buaboitudaitai aapimï. Dai sai kïï kabakami dukai gukibana aapimï maatïkatai xïï kïïga gïn oigïdai Diuxi.

1 Juan 2:5

Dïï gia ix kïïga ïïgiadagi ïmoko podukai mamaaxidi ïmoko sai kïïga oigïdai Diuxi. Podukai gï maatï ix bhai kïïga urabaka ïmoko Diuxi tudu.

1 Juan 5:3

Dai xïxkadï ïïgiadgi Diuxi gokïdï gamamaaxidi aatïmï ix oigïdai aatïmï ïgai ïpï. Dai mai xijaiga ïïgiadagi ïgai.

2 Juan 1:6

Daiñi, aidï abhiadïrï xi buaboitu aapimï ka maatïkana aapimï sai Diuxi gïr tïjai tïsai gïr oigïdada aatïmï aipakoga. Dai xïxkadï ïïgiadagi aatïmï Diuxi ixtumaxi gïr tïjai ïgai gobai maaxitudai sai oigïdai aatïmï Diuxi.

Apokalipsis 21:3

Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.