VUAANA 14:17 - Northern Tepehuan Bible

¹⁷ —Ïgai ïr Diuxi Ibhïgadï dai ïr gamaatïturhiadami ixtumaxi ïr buaboi. Dïï gia go gaa óídakami ix makïdï adaimïi mosïkaxi odami tïgibudadï mai bhaiga ix ïïgiadagi Diuxi Ibhïgadï. Ïgai mai buaboitudai Diuxi Ibhïgadï mai maatïkatai xorai ïgai dai mai maatïkatai ïpï ix dukatai aatabuayi ïgai. Dïï aapimï gia kïïga maatï Diuxi Ibhïadï gïn ïmadï dajatai ïgai. Gïn ïmadï daja ïgai tudu dai gokiïrioma gïn ïrana oidaka agai ïgai ïpï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁷ Ʌoodami maivaavoitudadami maimaatʌ Diuusi Ibʌadʌ tomali maimaatʌ istan daja ʌgai cascʌdʌ maitistutuidi isdagituagi isʌʌmadu daacagi. Dʌmos ʌgai cadaja aapimʌ gʌnʌʌmadu daidʌ gʌnʌʌmadu daaca ʌgai tomastuigaco cascʌdʌ aapimʌ maatʌ Diuusi Ibʌadʌ.

VUAANA 14:17 Referans Kwoze

VUAANA 16:13

Dïï gia dibiakai Diuxi Ibhïgadï aidï gia gïn soikïdamu ïgai ix maatïkagi bïïxi ix tumaxi ïr buaboi. Ïgai tudu ïr mamaatïtuldiadami ix tumaxi ïr buaboi. Dai mai xu ïïgi tïgibudadïkïdï ñokai ïgai tudu. Bhaiyoma mosïkaxi ixtumaxi kaïkagi ïgai gin Ogañdïrï gobai gïn aagidamu ïgai. Dai gïn aagidamu ïgai ix tumaxi daibuña agai gokiïrioma.

1 Juan 2:27

Daiñi, Suxi Kristo gïn maa Diuxi Ibhïadï sai gïn ïmadï oidakana. Ïgai gïn maatïtulda agai bïïxi ixtumaxi ix makïdï gï agai ix maatïkagi aapimï dai bïïxi aïkatai ixtumaxi gïn maatïtuldagi ïgai kïïga ïr buaboi. Xadïrï gïn yaatagidana ïgai tudu. Kaxkïdï mai aagai aapimï ïmai xorai gïn maatïturhiadagi. Diuxi Ibhïadï gïn maatïturhiadamu kaxkïdï. Ïïgiadabïrai ixtumaxi gïn mamaatïturhiadagi Diuxi Ibhïadï tudu dai podukai urabakatai óídaka aapimï Suxi Kristo.

VUAANA 15:26

Daiñi— itïtïdai Suxi. —Gokiïrioma dibiagai ïgai ix makïdï Ga Soikïdami tïgidu. Aanï otosamu ïgai mïkadïrï xako daja Diuxi gïr Oga. Ïgai ïr Diuxi Ibhïgadïkamu dai ïgai gamamaatïtulda agai ixtumaxi ïr buaboi. Ïgai maakimu ñoki go óídakami gin aagaitai aanï.

1 Juan 4:6

Gin aaduñi, aatïmï gia ïr maamaradï Diuxi dai kaxkïdï odami ix makïdï kïïga maatï Diuxi ïïgida kaïkana gïr ñoki ix makïdï gatïtïïgidi aatïmï. Kïïga ïïgidiña ïgai Diuxi Ibhïadï kaxkïdï. Dai Diuxi Ibhïadï ïgai dai soikïi odami sai maatïkana ixtumaxi ïr buaboi. Dïï gia go odami ix makïdï mai maatï Diuxi mai ïïgida kaïkana gïr ñoki. Podukai gï maatï odami xorai ïïgidi ïgai, ix Diuxi Ibhïadï xi go diabora tïgibudadï ïpï.

1 Korintios 3:16

Gin aaduñi, kïïga maatï aapimï sai aapimï ïr Diuxi bakidï dukai xako oidakami ïgai. Kaxkïdï tudu Diuxi Ibhïadï aapimïrï daja.

1 Korintios 2:14

Dïï go gaa odami ix makïdï mai bia Diuxi Ibhïadï mai maatï kaïkana gïr aatagi. Buirudagai dukai kaïkana ïgai bhaiyoma. Mosïkaxi go odami ix makïdï biakagi Diuxi Ibhïadï bhaiga ix maatï kaïkagi maatïtuldaradï Diuxi Ibhïadï.

1 Korintios 6:19

Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï.

2 Timoteo 1:14

Daiñi, Diuxi gï nukaturhi go kïïgadukïdï aatagi kaxkïdï maiti gï dagitoda aapi ix kuga imiagi gï aatagi xïïxkadï gatïtïïgiada aapi ñoki. Kïï sïïrhi aagada tudu. Dai Diuxi Ibhïadï ix makïdï gïr ïmadï daja gï soiñamu sai podukai kïï nukadakana aapi go aatagi.

VUAANA 14:16

Dai aanï daañimu gin Oga ix ïgai gïn otosdamu ïmai soikïdami ix makïdï gïn ïmadï dakamu bïïxkïrï bïïtarï— itïtïdai.

VUAANA 14:23

Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

1 Juan 3:24

Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

1 Juan 4:4

Gin aaduñi, maamaradï aapimï Diuxi dai kïïga gïn oigïdai aanï. Dai maiti gïn dagito aapimï ix gïn bupuirumadagi go gatïtïïgiadami yaatagi. Mai bhïiyi aapimï buaboidaradï ïgai tudu. Diuxi gïn ïmadï daja kaxkïdï. Dai ïgai bamioma gubuka xi bhai ïgai ix makïdï ïmadï daja go odami ix makïdï mai buaboitudai. Bamioma gubuka Diuxi xi bhai go diabora tudu.

Efesios 3:17

Daanïi aanï sai Suxi Kristo kïïga biakagi oidagakaradï gïn iibhïdagïrï kïïga buaboitudaitai aapimï. Dai sai kïï kabakami dukai gukibana aapimï maatïkatai xïï kïïga gïn oigïdai Diuxi.

Galatas 4:6

Dai kïï maatiga maaxi saidi ïr Diuxi maamaradï aapimï xibi. Daiñi, Diuxi gïn maa ïïgi Ibhïadï dai xadïrï gïn maakimudai Ibhïadï ix maiti ïr maamaradïkagi aapimï. Ïgai ïr ï galbaaxi Diuxi Ibhïadï ix makïdï Diuxi Maradï biakana ïpï. Dai xibi gïr maakai ïgai ïmo kïïgadukami ïmadaragai Diuxi ïmadï gïr ïrana dakatai. Gïr maakai ïmadaragai sai gïgïr ñokaiña aatïmï aatagaitai Diuxi dai sai —gïr Maama— dai —gïr Oga— aagaiña aatïmï Diuxi.

2 Korintios 13:5

Daiñi, aapimï ikaitiña sai maatïka ïrhidi ix bhai bia aanï ïmo sïïrhikami Diuxi amadïrï. Dïï gia gï agaitadai bhaiyoma saidi ïïgi gïn tïgitokagi aapimï ix bhai kïïgakïrï buaboitudai aapimï. ¿Mai ix gïn ïmadï daja Suxi Kristo? Ïjï tudu. Dai gï agai sai kïïga maatïkagi aapimï gobai. Ix maiti gïn ïmadï dakagi ïgai aidï gia gobai itïiya ïrhidi sai mai urabaka aapimï ïgai tudu.

Efesios 2:22

Dai xibi aapimï ix makïdï maiti ïr judidiu bïïna daraka Suxi Kristo ïpï. Xibi aapimï ojodai dukai gïn darasaka Diuxi kiidïrï ïpï. Podukai aatïmï bïïxkatai ïr tutuidadï Diuxi kiidï dukai xako oidaga ïgai gïr ïrana dakatai Diuxi Ibhïadï.

Apokalipsis 2:17

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

1 Korintios 14:15

¿Dukatai gï agai ix daanïdagi aatïmï tudu? Gïn aagidamu aanï ix dukatai gï agai ix ibuadagi. Gï agai ix daanïdagi dai ganïyagi gïr ibhïdagakïdï dai gïr tïgibudagakïdï ïpï bïï goka dai mai xu xi mosïkaxi gïr ibhïdagakïdï. Gï agai tudu xi kïïga maatï kaïkagi aatïmï ix tuma daanïdagi dai ganïdagi.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.