VUAANA 13:3 - Northern Tepehuan Bible

³ Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

Tepehuan Northern: Diuusi ñiooquidʌ utuducami oodamicʌdʌ

³ ɅSuusi maatʌcatadai isDiuusi oogadʌ ʌgai ootoi tami oidi daama tʌvaagiaiñdʌrʌ dai isʌpamu gaamu aa gʌsiagi Diuusi ʌʌmadu. Dai ʌgai maatʌcatadai ʌʌpʌ isʌoogadʌ camaa guvucadagai sai tʌaanʌiña vʌʌsiaʌcatai.

VUAANA 13:3 Referans Kwoze

VUAANA 3:35

Dai Diuxi gïr Oga sïïrhikïdï oigïdai Maradï dai maa gubukadagai ix tïanïna bïïxi aïkatai.

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Hebreos 1:2

Dïï gia xibiapioma Diuxi otoi ïmai kïïrhi bamioma namïakami xi go ñiñokituldiadamigadï Diuxi. Otoi ïgai Maradï tudu sai gïr aiturhiña ñoki xibi karhioga ugiti agaitai oidigi. Diuxi Maradï ïgai tudu ix makïdï idui go oidigi. Dai Diuxi ka aagai sai Maradï ïr tuidadïka agai bïïxi ixtumaxi ix makïdï idui ïgai.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

VUAANA 8:42

Daidi Suxi itïtïdai, —Cho daiñi— itïtïdai. —Ix buaboikïdï ïr Diuxi maamaradïkamudai aidï gia gin oigïadamudai aapimï. ¡Diuxiañdïrï dibia aanï di! Dai mai xu ix ïïgi gin bhai ïrhiarakïdï— itïtïdai. —Diuxi ïgai ix makïdï bhaigobai gin otoi tudu.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

1 Korintios 15:27

Podukai buaboi busaimu Diuxi ojadï xakoga ikaiti sai, Diuxi maakimu gubukarhigai Maradï sai gatïanïna bïïxi aïkatïrï, ikaiti go ojai. Dïï gia gobai mai itïiya ïrhidi sai tïanïda agai ïgai Diuxi gïr Oga ïpï. Maatiga maaxi gobai tudu. Kaxkïdï tudu Diuxi ïgai dai maakai gubukarhigai Maradï sai ïgai gatïanïna.

Hechos 2:36

Dai apia gamamaakai ñoki go Piduru daidi ikaiti, —Kaïkabïrai bïïxkatai aapimï judidiu. Gï aagai mïx kïï maatïkagi sai ï galbaaxi Suxi ix makïdï xixa aapimï kuruxiana ïr Diuxi Otosadï Gïr Bhaitï Kïakamiga. Ïgai tudu ïr gatïanïdamika agai oidigi daama— itïtïdai Piduru.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 7:33

Daidi Suxi potïtïdai go odami, —Mosïkaxi chïki tasai dakamu aanï tami gïn ïmadï dai bhodïrï ïpamu noragimu aanï dai ïmadï dakamu ïpamu go makïdï gin otoi bhaigobai— itïtïdai.

VUAANA 7:29

dai aanï kïï maatï ïgai. Ïgai ïmadï dajatadai aanï tudu dai ïgai bhaigobai gin otoi— itïtïdai.

VUAANA 3:13

Mai tipu ïmai xorai tïsai mïï daana tïbagiana tudu, mosïkaxi ïïgi aanï— itïtïdai. —Aanï tudu ïgai dai tïbai mïï daana tïbagiañdïrï dai kïïgakïrï odami busai. Kaxkïdï aanï gia maatï ixtumaxi daibuskïi tïbagiana.

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

Lukas 10:22

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.

VUAANA 8:14

Dai Suxi potïtïdai aidï, —Namïga aba gin ñoki. Daiñi, kïïga maatï aanï sai tïbagiañdïrï dibia aanï dai sai ïpamu tïbagiamu imimu aanï kaxkïdï kïïga gï maatï saidi ïr buaboi gin ñoki tomaxi mosïkaxi ïïgi aanï aagai saidi ïr buaboi. Aapimï mai maatï xajadïrï busaikami aanï dai tomarhi xajako imïdami aanï dïï aanï gia maatï— itïtïdai.