VUAANA 13:1 - Northern Tepehuan Bible

¹ Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

Tepehuan Northern: Diuusi ñiooquidʌ utuducami oodamicʌdʌ

¹ Dai cayoga aayitadai ʌsiaa duudagai istuigaco ʌjudidíu tʌtʌgitoiña aidʌsi Diuusi cʌʌgacʌrʌ vuvaitu Ejiipituaiñdʌrʌ, mosʌmo tasai viʌʌga. Camaatʌcatadai ʌSuusi iscaaayi istuigaco daivunu imia agai ʌgai idi oidigiaiñdʌrʌ dai ʌpamu noragia agai mʌʌca siaaco daja oogadʌ. ɅSuusi sʌʌlicʌdʌ oigʌdai vʌʌsi ismaacʌdʌ vaavoitudai ʌgai tami oidi daama, vʌʌsi gʌibʌdagacʌdʌ oigʌdai ʌgai.

VUAANA 13:1 Referans Kwoze

VUAANA 12:23

Dai Suxi itïtïdai ix makïdï ami darakatadai aidï, —Kïï maatï aapimï sai ïmo ïxtokai tïrhigi gï agai ix gï yaasapikagi dai ïbogiami podukai yaasapikatai iporïi gobai dai mumuidarïi. Dai pomaaxi aanï ïpï. Daiñi, Aanï bia ix mukiagi sai podukai Diuxi maaxitudagi xïïxi ïr gïdukami aanï ix makïdï kïïgakïrï odami busai— itïtïdai.

1 Juan 4:19

Daiñi, Diuxi ka ïïki abhiadïrï gïr oigïdaiña kaxkïdï oigïdai aatïmï ïgai ïpï dai kaxkïdï oigïdaiña aatïmï gïr aaduñi Diuxi amadïrï ïpï.

VUAANA 13:34

Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.

VUAANA 16:28

Buaboi tudu sai Diuxi gin Ogañdïrï dibia aanï tami oidigi daama. Dai xibi otoma imimu aanï tabhiadïrï dai noragimu amïka xako daja ïgai— itïtïdai.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 18:4

Dai Suxi kïïga maatïkatadai ix tumaxiïrï iimïitadai go sandadaru daidi mïï buidïrï ayi daidi itïtïdai, —¿Borai gaagai aapimï?— itïtïdai.

1 Korintios 1:8

Ïgai tudu gïn soiñamu xibi ix kabakan dukai gukibana aapimï gïn buaboidaragïrï asta go kugatïrï tasïrï ukami bai podukai xïïxkadï dibiagi Suxi Kristo Gïr Nukadakami mai tipukagi tomarhi ïmo ixtumaxi ixtukïdï gïpiïrï gïn bupadagi jaa.

VUAANA 17:1

Dai taiyakoga nïnïaba Suxi tïbagiamakoga ka kugaidakai aatagidï daidi itïtïdai ïgai Diuxi, —Gin Oga, ka ayi ix tuigako soimaaxi taatagi aanï dai mukiagi— itïtïdai. —Gï maara aanï dai xibi ipïrhidi aanï ix gamaaxitudagi aapi odami buitapi xïïxi ïr gïdukami aanï mukukai aanï, nai aanï maaxituldagi xïïxi ïr gïdukami aapi ïpï.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Hebreos 3:14

Gï agai xi gïr mamaakadagi aatïmï ñoki aipakoga dai xi gïr abïnakiadagi ix apia buaboitudada aatïmï tudu. Kaxkïdï tudu kïïga maatï aatïmï sai gï agai xi apia kïïga buaboitudada aatïmï asta xïïxkadï ukami óídakagi aatïmï. Gï agai xi mo ïxi buaboitudada aatïmï ix duu buaboitu aatïmï tukamïrï tudu sai podukai kïïga biakana aatïmï ïmo urabaragai Suxi Kristo ïmadï.

VUAANA 17:5

Xibi gin Oga, gin maaka ï galbaaxi sïïrhikami namïakami ix makïdï biakatadai aanï ïïki aidïxi gï ïmadï dakatadai aanï mai kia kïkibakai oidigi— itïtïdai Suxi.

Mataibo 26:45

Dai ka dibiakai ïpamu sai potïtïdai ïgai go mamaatïrdamigadï, —¿Kia mïx bïïtï dai kokoso? Nïnïababïrai tudu, aanï ïr Diuxi otosadï ix makïdï ïmo kïïrhi busai dai ka ayi kaduku xi gin tïgitotulda iñagai aanï go soimaaxi ibuadami.

1 Pedro 1:13

Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.

Hebreos 6:11

Ipïrhidi aatïmï sai apia kabami gïn aajagïda aapimï tudu oigïdaitai aapimï jaa dai kïïga oigïdaitai Diuxi ïpï asta xïïxkadï ukami óídakagi aapimï tami oidigi daama. Podukai abïr ibuada maatïkatai sai buimu aapimï gobai ix makïdï nïnïraka aapimï xi gïn maakiagi Diuxi.

Romanos 8:37

Dïï gia tomax pobï buadagi gobai aatïmï tomax dukai gamaitïkami gïr oigïdaitai Suxi Kristo.

VUAANA 17:26

Ga mamaaxidiña aanï gin mamaatïrdamiga buitapi ix tuiga aapi dai apia pobuadamu aanï xibi bhaitiakoga kia. Ga mamaatïtuldamu aanï ïgai ix tuiga aapi. Dai bhodïrï ka maatïkatai ïgai ix tuiga aapi aidï gia kïïga oigïdada agai ïgai go gaa óídakami. Oigïdadamu ïgai ïpïan dukai ix gin oigïdai aapi aanï. Dai podukai gaoigïdaitai ïgai ka oidakamu aanï ïgiïrï— itïtïdai Suxi daanïitai Diuxi go mamaatïrdamigadï bïïtarï.

VUAANA 14:28

Kaxi gïn aagidi aanï sai imimu aanï tabhiadïrï dïï gia gokiïrioma dibiamu aanï ïpamu ix dukai gïn aagidi aanï— itïtïdai. —Imimu aanï amïka xako daja gin Oga ix makïdï gïïpi bamioma ïr gïdukami ix aanï. Dai kaxkïdï ix kïïgakïrï gin oigïdai aapimï kïïga bhai gïn ïrhiadamu aapimï maatïkatai sai aanï ïmadï dakamu ïgai.

VUAANA 11:55

Aidïpïrï ka miadaimitadai go bagimigadï go judidiu ix makïdï Daibuñigïrï tïgidu. Dai mui aarhi kiikiañdïrï óídakami ka ijitadai Jerusalenamu mai kia aïkai go bagimi. Ami ibuadatadai ïgai naana maaxi xadutudaragai ix makïdï gïn biturhi ïgai dukami bakuanaragai maaxi sai podukai sai kïïgakïrï nïijadana Diuxi. Podukai bhai gïn buadana ïgai go bagimi bïïtarï.

VUAANA 7:30

Aidïpïrï go judidiu bhaitï gukakamigadï bhïiya ïrhiditadai go Suxi dïï maiti ixtui, mai kia ayitadai ixtuigako gï bhïituda ïgai kaxkïdï.

VUAANA 7:6

Dai Suxi itïtïdai susukurhidï, —Aanï in bïïtarï mai kia ayi ixtuigako imiagi gamoko. Dïï gia aapimï gïn bïïtarï kïïgadu ix iimia aapimï tomax xuduku— itïtïdai.

Lukas 22:53

Bïïx tasai gïn ïmadï dakana aanï go gïï kiupiana di. Kïï bhaigakatadai aapimï xi ami gin bhïiyagi tudu— itïtïdai. —Dïï maiti gin taata aapimï ami. Dai xibi gia ka ayi xuduku xi gïn maa oigaragai Diuxi xi gin bhïiyagi. Dai ka maa ïgai ïpï go diabora oigaragai ix makïdï tukapi dukai gatïanïi— itïtïdai.

Lukas 9:51

Daidi ka miadaimitadai ix imi agai Suxi tïbagiamu dai ka maatïkatadai ïgai sai Jerusalenïrï soimaaxi taata agai dai bïïxkïrï gï kabakatu ïgai dai imi agai gamoko.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

VUAANA 8:20

Go Suxi podukai maa ñoki go gïï kiupiana kïakatai ami go tuminxi bhai tuakaruïrï dai bïïxkïrï maiti gï bhïitu. Mai kia ayitadai ixtuigako gï bhïitudagi ïgai kaxkïdï.

VUAANA 2:13

Daidi bhodïrï bïïxi umiïrï ka tuigako go judidiu ibuayi ïmo gïï bagimi ix makïdï Daibuñigïrï tïgidu. Dai xibi ka karhioga ayitadai gobai ix kaxkïdï jii go Suxi Jerusalenamu go bagimi bïïtarï.

VUAANA 13:29

Ïïmoko pobïnïrhiditadai sai aagiditadai Suxi go Udaxi ix sabïdana ixtumaxi go bagimi bïïtarï ix ïpï sai maakana soiñi go soititigami. Go Udaxi nukadatadai go mamaatïrdami tuminxigadï kaxkïdï pobïn ïrhidi ïgai dïï maiti ïr buaboi.

VUAANA 14:31

kaxkïdï tomaxi gin tïanïda ïrhiada ïgai iduñimu aanï bïïxi aïkatai ixtumaxi gin tïjai gin Oga sai podukai maatïkana bïïxi óídakami sai aanï kïïga oigïdai gin Oga— itïtïdai. Daidi bhodïrï Suxi itïtïdai mamaatïrdamigadï, —Timïda tudu tabhiadïrï— itïtïdai.

VUAANA 19:28

Dai bhodïrï Suxi maatïkatadai sai kaxi bïïxi naatorhikatadai ix tumaxi biakatadai ïgai ix iduñagi. Dai kïïga iduña ïrhiditadai ix dukatai ojixi ïïki abhiadïrï Diuxi ñokidïrï daidi po tïi, —Tonomoka aanï— itïi ïgai. Podukai ojixikatadai ïïki abhiadïrï ix potïiya agai kaxkïdï potïi ïgai.