VUAANA 12:50 - Northern Tepehuan Bible50 Daiñi, kïïga maatï aanï sai bïïxkïrï bïïtarï óídaka agai odami ix makïdï buaboitudagi go ñoki ix makïdï gin tïjai Diuxi. Dai kaxkïdï mosïkaxi ix tumaxi gin tïjai ïgai aagaiña aanï sai podukai odami ix makïdï gin buaboitudagi bïïxkïrï bïïtarï oidakana— itïtïdai Suxi. Gade chapit laTepehuan Northern: Diuusi ñiooquidʌ utuducami oodamicʌdʌ50 Dai cʌʌ maatʌ aanʌ sai istumaasi giñaagidi giñooga ansai gaaagidana gomaasicʌdʌ cʌʌgacʌrʌ vuvacʌi oodami. Cascʌdʌ aanʌ angaaagidi mosʌcaasi istumaasi giñtʌjai giñooga ansai gaaagidana ―caiti ʌSuusi ʌoodami. Gade chapit la |
—Daiñi, Diuxi Ibhïgadï ïr ix makïdï gamaakai gubukarhigai sai kïïgakïrï óídakana odami bïïxkïrï bïïtarï. Ïïgi odami gubukarhigadï maiti ïr soiñi gokïdï. Dïï gia go ñoki ix makïdï gïn aagidi aanï ïr ñokidï Diuxi Ibhïgadï dai mai xu ïr ïmo odami ñokidï gobai. Kaxkïdï gï aagai ix buaboitudagi aapimï gin ñoki bai podukai kïïgakïrï óídakana aapimï bïïxkïrï bïïtarï.
Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.
Maaxituda ïrhidi ix xïï kïï tuiga ïgai xi kaxkïdï maiti gin ojodai ïgai soimaaxi buadamikatai aanï dai bhaiyoma gin soi ansai buaboitudaiña dai kïïgakïrï busaiña. Podui ïgai sai gï maatïkana sai toma xorai bhaiga ix buaboitudagi dai kïïgakïrï busiagi bïïxkïrï bïïtarï tomax xïï soimaaxi buadamikagi ïgai.
Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.
Kaxkïdï Suxi potïtïdai, —Daiñi, aanï ïr ix makïdï kïïgakïrï odami busai dai xïxkadï ïmo kuruxiana gin xixagi aapimï dai táí gin bañidagi aidï gia maatïmu aapimï sai aanï ïr Ga Tïanïdami. Maatïmu aapimï aidï sai aanï mai ïïgi ibuayi ixtumaxi gin tïtïitoi dai bhaiyoma ibuayi mosïkaxi ix tumaxi gin Oga gin aagidi— itïtïdai.