VUAANA 12:43 - Northern Tepehuan Bible

⁴³ Xioma buamï ïrhidi ïgai ix kaiti odami ix bhai ix kaiti Diuxi.

Tepehuan Northern: Diuusi ñiooquidʌ utuducami oodamicʌdʌ

⁴³ Vaamioma oojoidi ʌgai isʌoodami cʌʌgacʌrʌ nʌijadagi siʌDiuusi.

VUAANA 12:43 Referans Kwoze

VUAANA 5:44

Daiñi, gïdioma Diuxi ix toma xorai dïï aapimï bamioma buamï gïn ïrhidi ix odami kïïgakïrï gïn nïijadagi dai mai pokaxi buamï gïn ïrhidi ix Diuxi kïïgakïrï gïn nïijadagi. Kaxkïdï xadïrï gin buaboitudana aapimï.

VUAANA 5:41

Daidi Suxi oi aatagidï daidi itïtïdai go judidiu, —Daiñi aanï mai buamï in ïrhidi tomaxi soi dukai gin nïijadagi aapimï.

Lukas 16:15

Daidi Suxi potïtïdai, —Aapimï fariseos naana maaxi aaduindagai ibuadana ix makïdï buañixikami maaxi odami buitapi ipïrhiditai sai odami buañixikami ïrhiadagi gïn iibhïdaga gïn nïiditai. Dïï gia Diuxi kïïga nïidi ix maaxi gïn iibhïdaga dai mai xu xi mosïkaxi nïidi ïgai ixtuma buadagi aapimï. Kïïga gï maatï tudu sai Diuxi tukuragai dukai nïidi naana maaxi ixtumaxi ix makïdï odami buañixikami dai namïakami aagai— itïtïdai.

2 Korintios 10:18

Diuxi mai kïïgakïrï nïidi odami ix makïdï pokaitadagi sai ïïgi kïïga idui tudu. Dai bhaiyoma mosïkaxi Diuxi ïgai dai bhaiga xi aagadagi xorai kïïga idui dai xorai kïïga nïijada agai ïgai.

Mataibo 6:2

Maiti abïr ibuada ix dukai ibuayi go odami ix makïdï kïï tutiakami gïn dadasai dai mai kïï tutuiga tudu. Xïïxkadï soikïda agadagi ïgai ïmo soitigami gïgïr ibaiña trompetakïdï sai bïïxi go óídakami maatïkana. Po buayi ïgai ipïrhiditai sai kïïga gïn tïgito nïijadagi jaa dai kïïga ñokada ïgai bïïtarï tudu. Dai kïïga ïr buaboi sai kïïga ñokada antaada jaa aagaitai ïgai dïï mosïkaxi gobai ïr maitïkidïka agai ïgai. Diuxi mai maaki agai ïmai maitïki tudu— itïtïdai Suxi.

1 Korintios 4:5

Kaxkïdï abïr mai ïïgi aagada aapimï ïmai ix bhai kïïga aatabuayi mai kia dibiakai Suxi Kristo. Dagitobïrai bhaiyoma Gïr Nukadakami sai ïgai aagana dibiakai ïgai. Ïgai tudu maaxi aagamu ixtumaxi ïxtotai ibuadana odami dai asta tïgibudadï bïïxi maaxi aagamu ïpï dibiakai. Aidï gia Diuxi ïgai dai aagidamu ñoki bïïxi pipioñigadï ïïgi ix makïdï ñoki ajïakagi ïgai. Aagidamu ïgai bïïxkatai sai kïï idui aidï.

VUAANA 12:26

—Daiñi xorai gin soikïdamika ïrhiadagi gï agai ix gin oijadagi bai podukai gin ïmadï dakana ïgai toma xako imïdagi aanï. Dai gin Oga kïïga namïakami dukai nïijadamu bïïxkatai ïgai ix makïdï ïr gin soikïdamikagi— itïtïdai Suxi.

VUAANA 8:54

Dai Suxi potïtïdai aidï, —Daiñi, ix ïïgi aanï potïiyagi saidi ïr ïmo gïï namïakami aanï, ¿Tumaxi ïr soiñikana gobai? Dïï gia Diuxi gin Oga ïgai ix makïdï ïmo namïakami gin aagai. Daiñi, pokaiti aapimï sai buaboitudai aapimï Diuxi

Lukas 19:17

—Dai go rey potïtïdai, —Kïï tuiga aapi in pioñi, kïï dui aapi. Lïïchi gï maa aanï dai sïïrhi aatadui aapi gokïdï xi kaxkïdï xibi gï maakimu aanï sïïrhikami sai tïanïda aapi bhaibuxtama gïgïr kiiki— itïtïdai.

1 Pedro 3:4

Gï agai bhaiyoma sai kïï tutiakagi aapimï gïn ibhïdagïrï. Ix xigian tutiakagi aapimï gobai ïr ïmo kïïgadukami ixtumaxi ix makïdï mai ugiti agai daidi ïr ïmo bhai ïrhiaragai Diuxi bïïtarï. Ix mai oomarhigakagi aapimï toma lïïchi tudu dai mai ñiñokidaragakagi aapimï.

Romanos 2:7

Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

VUAANA 7:18

Daiñi, kïïga gï maatï sai ïïmo odami ix makïdï ïïgi tïgibudadïkïdï gamaakai ñoki bupuirumadai odami ïïgi gïn bïïtarï ñokaitai dai ipïrhiditai ix odami kïïgakïrï gïn nïijadagi kaïkatai aatagidï. Dïï gia ix makïdï ïr ojotoxikami mai pomaaxi ibuayi. Ïgai ñokaiña ïmai bïïtarï ipïrhiditai ix odami kïïgakïrï nïijadagi ix makïdï gaotoi dai mai xu ix kïïgakïrï nïijada ïïgi ïgai ix makïdï ñokai, kaxkïdï kïï sïïrhi ñokai ïgai dai mai bupuirumadai odami. Podukai tudu ñokai aanï ipïrhiditai ix odami kïïgakïrï nïijadana Diuxi ix makïdï gin otoi dai mai xu ñokai aanï ipïrhiditai ix kïïgakïrï gin nïijada odami aanï. Kaxkïdï kïïga gï maatï sai aanï mai bupuirumadai odami.

Romanos 2:29

Dïï gia ix makïdï ïma dukai gïn tïtïgitoagi, ïgai gia ibhïgadïkïdï kïïgakïrï ïr judiu dai ïr Diuxi ïko bubaidadï. Ïgai gia ibhïdagakïdï maaxitudai sai ïr Diuxi tuidadï dai mai xu mosïkaxi tukugadïkïdï maaxitudai ïgai. Mosïkaxi Diuxi Ibhïgadï ïgai daidi ïr ïmapïduu ibuadami odami iibhïadï xi podukai ïkobai bubaidadïkagi ïgai Diuxi. Diuxi Ibhïadï ïgai dai ïkobai bubaidi odami Diuxi bïïtarï saidi ïr aaduñdïkana. Dai go sïïrhikami gobai mai ïkobai bubaidi tomarhi ïmo odami saidi Diuxi aaduñdïkagi ïgai. Diuxi ïkobai bubaidadï biaka agai ïmo xadutudaragai Diuxiañdïrï tudu dai mai xu odamiañdïrï.