VUAANA 12:38 - Northern Tepehuan Bible

³⁸ Pobï gï dui gobai bai buaboi busaiña ix tumaxi aagaiña go Isaiaskaru ïïki. Ïgai ïr ïmo aagadamikatadai Diuxi ñokidï. Dai aatagaitadai ïgai Diuxi ïmadï ïïki dai aagai ix tutiaka agai óídakami xibi. Daidi itïtïdai ïgai Diuxi, Gin Tïanïdamiga, ¿Tuixi mai tipu xorai buaboitudagi gïr ñoki? itïtïdai. Kïïga gï maaxitu aapi odami buitapi di. ¿Ix tuixi mai máí ïgai xïïxi ïr gubuakami aapi? itïtïdai Isaias Diuxi.

Tepehuan Northern: Diuusi ñiooquidʌ utuducami oodamicʌdʌ

³⁸ Poduucai ʌpʌdui istumaasi gaaagidiña Diuusi ñiooquituldiadamigadʌ Isaíacaru potʌtʌdai ʌgai Diuusi: GiñDiuusiga baitoma tomali ʌmaadutai maivaavoitu aidʌsi aagidi aatʌmʌ gʌñiñiooquituldiadamiga gʌñiooqui ʌoodami. Tomasi ʌoodami nʌidi issʌʌlicʌdʌ viaa aapi giñDiuusi guvucadagai vʌʌscʌrʌ maimaatʌ nʌidi istumaasi ʌpʌdui. Astʌtʌdai Isaíacaru.

VUAANA 12:38 Referans Kwoze

Romanos 10:16

Dïï mai xu bïïxi óídakami buaboitu go bhai ïrhiaraga aatagi. Go Isaiaskaru ïpï pokaiti ïki sai mai xu bïïxi óídakami buaboitudai. Ïgai gatïkaka Diuxi aidï daidi ikaiti, Gïr Nukadakami, ¿Oidaga xi ïmadutai xorai buaboida kaï gïr aatagi? ikaiti.

Romanos 10:20

Dai go Isaiaskaru mai duadimukai ño ïki ïpï dai aagai ix kaiti Diuxi. Pokaiti ïgai sai Diuxi ikaiti, Jaa odami gin tïïgimu ix makïdï tomarhi maiti gaagaiña urabaragai gin ïmadï. Tomaxi go odami ix makïdï maiti ïr judidiu mai gaagai urabaragai gin ïmadï aanï bïïxkïrï tïtïgidamu xorai aanï, ikaiti Diuxi.

1 Korintios 1:24

Muidu aatïmï ix makïdï ïr Diuxi bapaidadї. Ïïmoko aatïmï ïr judidiu dai jaa gia cho. Dai bïïxkatai aatïmï maatï tïï sai Suxi Kristokïdï gïr ayi Diuxi gubukadadï dai Diuxi tïgibudadï ix makïdï kïï saitudaga.

Galatas 1:16

maaxiturhi ïgai Suxi Kristo gin buitapi sai maatïkana aanï kïïga xorai ïgai. Podukai idui Diuxi ipïrhiditai sai aituldana aanï aatagi go ix makïdï maiti ïr judidiu aagaitai Suxi Kristo. Podukai gin maa ïgai go bhai ïrhiaragai aatagi tudu. Dai bhodïrï mai tïkakai aanï tomarhi ïmo odami ix dukatai iduñagi aanï dai bhaiyoma mos gin aaga aanï aagaitai go aatagi ix duu gin maatadai Diuxi gobai. Kaxkïdï gï maatï sai mai ïmo odamiañdïrï bhïiyi aanï go aatagi.

Mataibo 16:17

Daidi Suxi potïtïdai, —Agia bia aapi ïmo gïdukami bhai ïrhiaragai aapi Ximuñi aapi ix makïdï ïr maradï Jonas. Diuxi gin Oga ix makïdï tïbagiana daja ïgai dai gï tïtïgidi xorai aanï, kaxkïdï. Mai xu xi odami gï tïtïgidi gobai tudu.

VUAANA 19:24

Daidi potïi go sandadaru nïiditai go manta, —Maiti gï agai tïxi sarañagi gobai. Bhaiyoma gï agai tïxi tïtïïbiagi ïmo bolado dukai nïida as xorai aïna gobai— ikaiti go sandadaru. Podukai pobï dui ix dukai ojixi ïïki Diuxi ñokidïrï. Ami ikaiti, Gïn takogi ïgai gin yukuxi ïïgi gïn bïïtarï dai bhodïrï gin mantaga gatïki ïgai ïmo boladoïrï dukai, ikaiti go ojai. Ka podukai ojixikatadai tudu ix kaxkïdï pomaaxi idui go sandadaru.

VUAANA 17:12

—Xibi ukami ïmadï dakana aanï gin mamaatïrdamiga ix makïdï gin maa aapi dai gï gubukarhigakïdï kïïga nukadakana aanï sai tomarhi ïmadutai ïgai mai kuga jii. Mos arhi ïmoko ix makïdï ka ojixitadai ïïki sai biakatadai ix mukiagi dai podukai taatagi gïgïbidaradï, ïgai gia kuga jii dïï go gaa gia cho— itïtïdai.

VUAANA 15:25

Dai gin kïïdai ïgai sai po duna ixdukatai ojixi Diuxi ñokidïrï. Ami ikaiti sai, Mos ïgikïdï gin kïïdada agai óídakami, ikaiti go ojai. Ïïgi ïr duñidï odami tudu ix maiti gin ïïgidi ïgai— itïtïdai Suxi.

Mataibo 15:7

—Agia yaataboga aapimï fariseos. Xadutuadan kaiti aapimï Diuxi dai mai buaboikïdï xadutudai aapimï tudu. Kaxkïdï go ñokituldiadamigadï Diuxi Isaias tïgidukami ojai ïïki gïn aagaitai aapimï. Oja ïgai xako ikaiti Diuxi sai,

Mataibo 27:35

Dai ka xixakai ïgai go Suxi kuruxiana sai bhodïrï go sandadaru bhïiyi yukuxidï daidi idui ïmo totoidaragai dai nïida agai ix tuma yukuxi aïna ïïmadutai.

VUAANA 12:37

Dai tomaxi Suxi iduitadai mui maaxidaragai oidakami buitapi bïïxkïrï go odami maiti ipïrhi ix buaboitudagi.

VUAANA 12:39

Dai go Isaiaskaru oja ïpï ix tuixi maiti ixtui odami ix buaboitudagi.