VUAANA 12:36 - Northern Tepehuan Bible

³⁶ Go ñoki gobai itïiya ïrhidi sai aanï mai xii tïbïpi gïn ïmadï dakamu dai gï agai ix gin buaboitudada aapimï sai podukai biakagi aapimï go kudagi gïn ïmadï toma xakoga iimïdagi aapimï— itïtïdai. Podukai kugaitu Suxi aatagidï dai bhodïrï jii abhiadïrï dai gï ïxto baidi go odami ka mai tïï.

Tepehuan Northern: Diuusi ñiooquidʌ utuducami oodamicʌdʌ

³⁶ Aliʌsi gʌaagai isvaavoitudadagi aapimʌ istumaasi gʌnmamaatʌtuldi aanʌ quiaa daacatai aanʌ aapimʌ gʌnʌʌmadu vai poduucai cʌʌgacʌrʌ oidaca aapimʌ ―tʌtʌdai ʌSuusi. Caaagidacai ʌSuusi imaasi ii abiaadʌrʌ dai gʌʌʌsto taidʌ ʌoodami camaitʌʌ.

VUAANA 12:36 Referans Kwoze

Efesios 5:8

Ïkioma aapimï mos ïr ïï tukamudagaikana dïï xibi gia ïr kudagi aapimï buaboidakai Gïr Nukadakami. Kaxkïdï abïr bhai maaxkami dukai óídaka dai kïïga maaxituda xi gia ïr kudagiïrï óídakami aapimï xibi.

1Tesalonicenses 5:5

Daiñi, go soimaaxi maiti gïr tïanïi tomarhi aatïmï tomarhi aapimï ïpï. Mai tukarï dukai óídaga aatïmï tudu dai ïïgidi aatïmï bhaiyoma ixtumaxi ïr kïïga dai tasïrï dukai óídaga.

VUAANA 8:59

Daidi go gaa otoma bui ojodai mos kaïkai ïgai ix kaiti go Suxi dai maikarsa agaitadai dai mua agaitadai. Dïï mos go Suxi otoma gï ïxto dai otoma busai amïï go gïï kiupiañdïrï.

Lukas 16:8

Dai gokiïrï amudï go pioñi máí xïï kïïga gï tïgito nïiditadai ïgai gaagaitai ix dukatai duñagi sai kïïga ïldana oidakaradï. Dai amudï potïtïdai sai kïï iduitadai tomaxi mai sïïrhi ibuadamikatadai ïgai— itïtïdai Suxi. —Podukai aatabuayi odami ix makïdï adaimïi tïgibudadï tami idi oidigi daama óídakami tudu. Dai aanï aagai sai ïgai kïïga gïn tïgito nïidiña ix dukatai ibuadagi ïïgi aaduñdï buidïrï ix makïdï óídaga tami idi oidigi daama. Kïïga gïn tïgito nïidiña ïgai ixdukatai ibuadagi sai kïïga ïldana oidakaradï tudu. Dïï gia Diuxi maamaradï mai pokaxi gïn tïgito nïidiña ix dukatai ibuadagi.

VUAANA 11:54

Dai kaxkïdï ka mai aimïraiña Suxi xako nïijadagi go judidiu bhaitï gukakamigadï dai bhaiyoma maigobai jii xako Efrainïrï tïgidu oidigi. Ami Efrainïrï miadïrï kaatï ïmo gïï oidigi xako mai tipu óídakami. Dai ami Efrainïrï gïn urhi go Suxi ïmadï mamaatïrdamigadï.

VUAANA 1:7

Dai dibia ïgai dai gamaakaiña ñoki aagaitai go ix makïdï Kudagi tïgidu. Ga mamaakaiña ïgai ñoki ipïrhiditai sai odami buaboitudagi go ix makïdï Kudagi tïgidu.

1Tesalonicenses 5:8

Dïï mai podukai óídaga aatïmï. Tasïrï dukai óídaga aatïmï bhaiyoma. Kaxkïdï gï agai xi kïï sïïrhi gïr tïgitokagi aatïmï biakatai gïr buidïrï kaatïkami ix makïdï ïr go diabora. Gï agai ix apia buaboitudada aatïmï Suxi Kristo dai ix oigïdada ïgai ïmadï jaa ïpï. Gobai gïr soiñamu go diabora bui ïpïan dukai xi ïmo baiñomi nagiakarui soikïi ïmo sandaru kokodiïrï. Dai gï agai ïpï xi kïïga buaboidaitai nïnïrakagi aatïmï maatïkatai sai Suxi Kristo kïïgakïrï gïr bubiadamu. Kaxkïdï tudu gïr nïnïraragai ix makïdï bia aatïmï maatïkatai sai kïïgakïrï bubuakimu aatïmï gïr soiñamu sai mai soi gïr buidadagi go diabora. Gïr soiñamu gobai ïpïandukai xi ïmo kasko soikïi ïmo sandaru kokodiïrï.

VUAANA 3:21

Dïï gia odami ix makïdï ïïgidi Diuxi ïgai gia oigïdai go kudagi. Kïï ojoidi ïgai ix kudidakagi go kudagi sai kïï maaxkana sai ka bïïna daraka ïgai Diuxi dai kïïga ibuayi. Kaxkïdï ojoidi ïgai go kudagi— itïtïdai Suxi go Nikodemo.

Mataibo 21:17

Dai bhodïrï busai ïgai abhai kiupiañdïrï dai ïpamu jii Betaniamu dai ami bii ïgai ïmo tukagi.

Mataibo 5:14

Daidi Suxi aagidi ïmo maaxidaragai ñoki daidi potïtïdai, —Gï agai sai gïn tïgitokagi aapimï sai bïïxi óídakami gïn tïgito nïidiña ix dukatai óídaga aapimï. Daiñi, ïpïan dukai gobai xïïxkadï ïmo gïï kiiki kïï maaxkïrï kïïka ïmo gidana. Mai bhaiga ïxtoagi gobai tudu. Dai pomaaxi aapimï ïpï. Kïïga maaxi bïïxi óídakami buitapi ix dukatai óídaga aapimï tudu— itïtïdai.

VUAANA 8:12

Dai bhodïrï Suxi aatagidi go gaa odami ami darakïdï dai potïtïdai, —Daiñi, ix dukai kudagikïdï maaxkana oidigi podukai ïpï aanï maaxitudai odami bïïtarï tumaxi ïr buaboi. Kaxkïdï ïr kudagi gï dukami aanï. Dai xorai gin oijadagi kïïgakïrï óídaka agai bïïxkïrï bïïtarï dai ka mai tukapi ajiopada agai maatïkatai ix tumaxi ïr buaboi— itïtïdai.

VUAANA 12:37

Dai tomaxi Suxi iduitadai mui maaxidaragai oidakami buitapi bïïxkïrï go odami maiti ipïrhi ix buaboitudagi.

VUAANA 12:46

Ïmo kudagi dukai dibia aanï tami oidigi daama bai podukai bïïxi ix makïdï gin buaboitudagi ka mai tukapi ajiopadagi— itïtïdai.