VUAANA 1:49 - Northern Tepehuan Bible

⁴⁹ Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁹ Amaasi Natanieli itʌtʌdai: ―Mamaatʌtuldiadami, aapi apʌrDiuusi maradʌ ismaacʌdʌ tʌvai tʌvaagiaiñdʌrʌ. Aapi apʌrraígadʌ ʌjudidíu ―astʌtʌdai Natanieli.

VUAANA 1:49 Referans Kwoze

VUAANA 1:34

Nïidi aanï Diuxi Ibhïgadï ix tïbai Suxi Kristo daama. Kaxkïdï kïïga maatï aanï sai ïgai ïr Diuxi Maradï dai xibi gïn aagidimi aanï sai ïgai ïr Diuxi Maradï sai aapimï kïïga maatïkagi ïpï— itïtïdai Juan go odami.

Lukas 19:38

Daidi adukai ikaitimi ïgai, —Ipïrhidi aatïmï sai kïïga biakana bhai ïrhiaragai idi gïr Reyga ix makïdï gïr dibiji xibi. Otosadï gobai Diuxi gïr Tïanïdmiga kaxkïdï. Dai xibi ka bhai duñimu gobai sai ka mai ïko darakagi aatïmï Diuxiañdïrï ix makïdï tïbagiana daka. Agia gï agai xi oidakagi gïdukami xadutudaragai Diuxi bïïtarï ami tïbagiana— ikaitadai go odami.

Mataibo 27:42

—Kïïgakïrï as bubaitu gobai mui odami dïï gia maiti ixtutuidikïi ïgai xi ïïgi kïïgakïrï gï busaidagi— ikaitiña. —Gobai as ïr reygadï go judidiu ix makïdï óídaga tami Israelïrï tudu. Tï nïida xibi sa bhai tïbanïna kuruxiañdïrï. Aidï gia buaboituda antaada aatïmï— ikaitiña.

Mataibo 21:5

Aagidabïrai go Jerusalenïrï óídakami sai ka bhodïrï iimïi Reygadï. Kïï tuiga ïgai dai mai gïdukïdï gï ïrhidi. Ïmo axñitu daama dai ïmadï ïmo axñitu maradï daama daitugai ïgai. Po duu oja go ñokituldiadamigadï Diuxi ïïki.

Mataibo 2:2

Daidi potïtïdaiña ïgai go óídakami, —¿Xako daja ïgai ix makïdï xibiapï busai dai ïr Reygadïka agai go Judidiu?— itïtïdaiña. —Tïï aatïmï ïmo xabugai amïï xarhi amakoga ix makïdï ïr ïmo maaxidaragai sai ka busai go Rey ix makïdï go Judidiu nïnïraka ix busiagi dai kaxkïdï dada aatïmï dai gaagai. Tïïgia rïrhidi dai iduña rïrhidi ïmo xadutudaragai ïgai bïïtarï tudu— ikaitiña go mamaatïkami.

VUAANA 1:38

Daidi kia no imïi go Suxi dai aa nïnïaba dai tïï ï goka mamaatïrdami ix oidi daidi potïtïdai, —¿Mïx tuma agaimi?— itïtïdai. Bai go ix makïdï oiditadai itïtïdai, —Aapi mamaatïtuldiadami, ¿Pako gï urhiñaka aapi?— itïtïdai.

Mataibo 27:11

Go dudunukami ka mïï kaigi buidïrï baan kïsakatadai go Suxi aidï. Pilato tïgidukatadai go kaigi tudu. Daidi potïtïdai ïgai Suxi, —¿Aapi pïxi ïr Reygadï go judidiu?— itïtïdai. Daidi Suxi potïtïdai, —Podukai aba ix dukai aagai aapi— itïtïdai.

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

VUAANA 18:37

Daidi go kaigi itïtïdai, —¿Aidï gia ïr buaboi saidi ïr ïmo Rey aapi?— itïtïdai. Dai go Suxi itïtïdai, —Ïjï, kïïga aagai aapi saidi ïr Rey aanï. Go maa bïïtarï tudu dibia aanï tami idi oidigi daama Rey iñagaitai— itïtïdai. —Ga maatïtulda iñagai aanï ix tumaxi ïr buaboi dai dibia. Dai odami ix makïdï ïïgida ïrhidiña ixtumaxi ïr buaboi kïïga ïïgida kaïkana gin ñoki— itïtïdai Suxi.

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Isa 9:7

Bhïimu ïgai gubukadadï ix makïdï biakana go Rey Dabid ïïki. Tomax tuigako mos bïïx tasai bamioma gubukan kïïkiadamu ïgai gubukadadï ixtukïdï tïanïi ïgai dai mos kïïgioma oidaka agai ibhïxtaragai tipukatai kokodi ami xako tïanïda agai ïgai. Kïï sïïrhi aataduñimu ïgai dai aagadamu ixtumaxi ïr sïïrhikami. Kïï kaban kïkibamu gubukadadï ix dukatai tïanïda agai ïgai tomax tuigako. Gïr Nukadakami kïïgakïrï oigïdai aaduñdï kaxkïdï bïïxi gubukadadïkïdï gï aagamu ïgai dai kabakami kïïsamu gubukadadï gobai ix makïdï gïr otoxi ïgai.

Mataibo 4:3

Dai bhodïrï ayi go Diabora ami buidïrï dai potïtïdai, —Aapi Suxi, ñokidañi go ojodai bai kuadagai naatona gobai pai biaka aapi ixtumaxi ugiagi. ¿Mai ix tudu ïr Diuxi Maradï aapi?— itïtïdai.

Mataibo 23:7

Ipïrhidi ïgai sai óídakami kïïga xadutudaitai biatuldagi xïïxkadï tïïgiagi kayana dai ipïrhidi ïpï sai ïmo gïï namïakami maatïtuldiadami aagaiña odami— itïtïdai Suxi.

Mataibo 23:8

—Dïï aapimï gia maiti gï agai xi dagitoagi xi ïmo gïï namïakami mamaatïtuldiadami gïn aagadagi óídakami— itïtïdai. —Ïmo xixïgïmï aapimï tudu dai mosïkaxi aanï ïr gïn maatïtuldiadamiga, aanï ix makïdï ïr go Kristo tudu.

Markos 15:32

—Diuxi otosadï gï agaiña ïïgi go Suxi dai reygadï go judidiu. Tï nïida xibi ix bhai tïbanïna kuruxiañdïrï. Aidï gia buaboituda antaada aatïmï— ikaitiña ïgai. Dai ï goka kïkïïrhi ix makïdï kukuruxiana nagiïjï galnaaxi ñoki surhigidi ïpï.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

VUAANA 1:50

Daidi Suxi itïtïdai aidï, —¿Mos ïï laachkïdï pïx kaxi gin buaboitu aapi?— itïtïdai. —¿Mos gï aagidakai aanï ix gï tïï aanï igoxi uta kïakatai aapi?— itïtïdai. —Aanï aagai sai kia gïgïrdukamioma ixtumaxi nïijadamu aapi ix bhai gobai ix makïdï nïidi aapi xibi.

VUAANA 4:31

Dai mai kia aïkai go odami bai go mamaatïrdami daañimi go Suxi daidi itïtïdai, —Gïr Mamaatïtuldiadami, ugañi lïïchi bhiayi— itïtïdai.