Santiago 5:6 - Northern Tepehuan Bible

⁶ Daiñi, baan tutusaiña aapimï odami dudunukamiana mai biakatai ixtukïdï dai gataanïiña kodagi ïgai tomaxi maiti ïr soimaaxi ibuadamikana. Dai mai biakatadai ïgai ix dukatai ïïgi gïn soiñagi gïpiïrï bupaitai aapimï. Agia soimaaxi taata agai aapimï gïn bipidakami soimaaxi buididitai aapimï go soititigami tudu.

Tepehuan Northern: Diuusi ñiooquidʌ utuducami oodamicʌdʌ

⁶ Aapimʌ van tutusaiña ismaacʌdʌ maitʌristuma ducami dai gatʌaanʌiña coodaragai dai maidadagitoiña aapimʌ isʌʌgi gʌnsoiñagi ʌgai.

Santiago 5:6 Referans Kwoze

Santiago 4:2

Ipïrhidi aapimï ix biakagi naana maaxi ixtumaxi dai kaxkïdï asta kodaiña aapimï jaa. Ïgamukïiña aapimï jaa tudu dai kaxkïdï gïn bupui ñokaiña aapimï dai gïn kokodaiña dïï modukai mai kia bia aapimï ixtumaxi gaagai. Maita taanïiña aapimï Diuxi kaxkïdï.

Hechos 8:32

Daidi go dunukami aagaitadai Diuxi ñokidïrï xako ikaiti ojai sai, Mai taada jii ïgai aidïxi gï baidakatu ïgai dai gï muatu. Ïgai ïpïan dukai jii ïmo kañiru dai mai suakai xudu gï muatudagi. Mos mai taada daja ïgai ïpïan dukami ïmo kañiru maara ix makïdï mai suakaiña xuduku gï ikidagi.

Mataibo 5:39

Dïï gia xibi aanï pokaiti sai, maiti gï agai xi bui gïgïsïdagi aapimï xorai soi gïn buidadagi. Aanï aagai sai bhaiyoma gï agai sai ix ïmo odami kapiñatugi gï kama, gï agai xi gï dagitoagi aapi xi ajadïrï gï kapiñtudagi ïpï— itïtïdai.

Isa 53:7

Odami soi buididi otosadï Gïr Nukadakami dai gïikarai bïïxi. Dïï ïgai mai taadaga. Gï muatu ïgai ïpïan dukai kañiru dai ïgai mai ñokai. Mos dodorhi bii. Ix maaxi kaatïkana kañiru xudu odami ikidagi popodï podukai dodorhi bii otosadï Gïr Nukadakami.

Hebreos 10:38

Dai gin aaduñi ix makïdï buañixi iibhïadï gin buaboitudadamu dai podukai kïïgakïrï óídakamu. Dïï gia ix makïdï ka maiti ipïrhiadagi ix gin buaboitudagi, ïgaikïdï gia mai bhai gin ïrhiadamu aanï, ikaiti Diuxi ñokidïrï.

Hechos 22:14

Dai ïgai pobai gin tïtïdai ïpï, —Diuxi ix makïdï aatïmï judidiu xadutudaiña ïïki abhiadïrï kaxi ïkobai gï busaitu aapi Saulo pai aapi maatïkana Diuxi tïgibudadï. Ïkobai gï busaitu ïpï pïsai nïijadana aapi gïr Bhaitï Kïakamiga, go ix makïdï kïï buañixi ibhïadï tudu. Dai ïkobai gï busaitu Diuxi pïsai aapi Saulo kaïkagi ixtumaxi gï aagiadagi ïgai ïpï—.

Santiago 2:6

Diuxi mai soi dukai nïidi soititigami tudu. Dïï aapimï gia soi dukai nïidi dai bamioma xadutudai aapimï ix makïdï bamioma kïïga gïn bipidaka. ¿Maiti ix ïr go gïn bipidakïdï ix makïdï soi gïn buididiña gïpiïrï gïn bupaitai dai baan gïn tutusaiña dudunukamiïrï? Go soititigami bhaitoma mai pobuayi tudu.

Hechos 7:52

Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

Mataibo 27:20

Dïï gia go tïtïanïdamigadï go dadaxdadami abïnakidi go óídakami sai aagidana ïgai go Pilato sai dagitona go Barabás. Dai abïnakidi ïgai go odami sai tanïna ïgai muaragai Suxi ïpï.

Mataibo 21:38

Dïï gia aidïxi go nunukadakami go ïxikami tïï go maradï ix ka bhodïrï imïi saidi pobai gïn tïtïdai ïgai aipakoga, —Gobai bïïtarï bii agai buxtuidadï ogadï— ikaiti. —Gï agai tïx muagi sai podukai aatïmï gïr bïïtarï biiyagi gobai— ikaiti.

1 Pedro 4:18

Daiñi, Diuxi ojadïrï ikaiti sai, Odami ix makïdï ïïgidi Diuxi bïïxkïrï soimaaxi taatamai tomaxi kïïgakïrï bubuakïi ïgai. Dai kaxkïdï gï maatï sai go soimaaxi ibuadami ix makïdï mai ïïgidi Diuxi bamioma soimaaxi taatamada agai, ikaiti Diuxi ojadïrï.