Santiago 4:12 - Northern Tepehuan Bible

¹² Mosïkaxi Diuxi ïgai dai bia gubukadagai ix gamaakadagi sïïrhikami dai aagagi ïpï ix bhai sïïrhi ibuayi óídakami. Mosïkaxi ïgai bia sïïrhikami ix maakadagi gïgïbidaragai odami xiïpï ix kïïgakïrï bubiadagi. Aapimï mai bia sïïrhikami xi bamioma gatïanïdan buadagi xi bhai Diuxi dai aagagi ix bhai kïï buayi gïr aaduñi tudu.

Tepehuan Northern: Diuusi ñiooquidʌ utuducami oodamicʌdʌ

¹² Ʌʌgi Diuusi gamaa gʌñiooqui. Ʌgai vaa ʌgai daidʌ ʌrdunucami. Ʌgai istutuidi iscʌʌgacʌrʌ vuviadagi oodami siʌʌpʌ ugititudagi. ¿Dai aapimʌ giñaaduñi, ¿moorʌ dai dudunucami duucai daraiva ʌlidi aa vʌʌtarʌ?

Santiago 4:12 Referans Kwoze

Romanos 14:4

Daiñi, aapi ix makïdï ïr pioñigadï Diuxi mai bia sïïrhikami xi potïiyagi sai ïmai ix makïdï ïr pioñigadï Diuxi ïpï mai kïï ibuayi. Mosïkaxi Diuxi bia sïïrhikami xi aagagi sa bhai kïï buayi pioñigadï. Dai Diuxi aagidamu gï pipioñi aidï sai ïr kïïga ibuadami ïgai. Kïïga ixtutuidikïi Gïr Nukadakami xi buadagi xi ïr kïï buadamikagi pipioñigadï kaxkïdï.

Romanos 2:1

Aapimï odami mai bia ix tuixi ñokadagi gïn aïkai gïgïdaragai. Daiñi, xi ïmadutai aapimï gïpiïrï buaja agadagi ïmai potïkai sai ïgai soimaaxi ibuayi, aidï gia ïïgi gïn abhana daitudai aapimï gïgïbidaragai mos potïkai. ¡Aapimï ïïgi ibuayi go baaxi soimaaxi tudu ixtukïdï gïpiïrï bupaimi aapimï go gaa!

Mataibo 10:28

—Gin aaduñi— itïtïdai. —Odami ixtutuidi xi mosïkaxi muagi gïn tukuga dïï gia gïn ibhïdaga maiti ixtutuidi ïgai ix muagi. Kaxkïdï maiti gï agai xi ïbhiadagi aapimï. Gï agai bhaiyoma xi ïbhiadagi aapimï Diuxi. Ïgai gia kïïga ixtutuidi xi xia duadiagi odami tukugadï ïmadï modukai ibhïgadï daitudakai ïgai go ibhïadï go gïï taiyïrï. Pokaxi gubuka ïgai tudu— itïtïdai.

Santiago 5:9

Gin aaduñi, maiti abïr naana kaï nïijada gïn aaduñi Diuxi amadïrï. Ix pobuadagi aapimï aidï gia Diuxi aagada agai sai mai kïïga ibuayi aapimï. Gïn nukadabïrai tudu tadu gïn ayi gïgïbidaragai. Karhioga ayi ix tuigako gïgïbitulda agai Diuxi xorai mai kïïga ibuadagi tudu.

Hebreos 7:25

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.

Romanos 14:13

Kaxkïdï ka maiti gï agai xi bui ñokada aatïmï jaa buaboitudadami pokaititai sai mai kïï buayi. Gï agai bhaiyoma xi kïï gïr tïgito nïijadagi xi maiti ibuadagi aatïmï tomarhi ïmo ixtumaxi ix makïdï sobhidagi ïmoko gïr susukurhi bai ka mai kïïga oijada ïgai Suxi.

Romanos 9:20

¿Dukatai bui ñokai aapimï Diuxi aidï? ¡Mos ïr odami aapimï di! Daiñi, xi ajayi ñokadamudai maiti gï agadamudai xi bui ñokadagi ïgai go ajatadami daidi itïdagi aidï, —¿Tui pïxi pomaaxi gin dui?—

Lukas 12:5

Dïï Diuxi gia kabami gubuka. Bia ïgai gubukarhigai xi kodagi odami dai xi taiyïrï surhigiagi iibhïadï ïpï ka kokai tukugadï. Diuxi tudu ïgai dai gï agai xi ïbhiada aapimï kïï gubuakamikatai ïgai.