Santiago 3:2 - Northern Tepehuan Bible

² Aatïmï ix makïdï ïr gatïtïïgiadami ñoki gï agai xi kïïga gïr tïgitokagi tudu. Kïïga maatï aapimï sai bïïxkatai aatïmï oidigi daama óídakami dudatai dai naana dukai mai kïïga ibuadana tudu. Dïï gia xi ïmo odami kïïga gï nukadatai tïanïdagi tïñidï sai mai soimaaxi ñokadagi ïgai gobai itïiya ïrhidi sai kïïga ixtutuidikïi ïgai xi kïïga tïanïdagi bïï sudakami tukugadï ïpï sai mai soimaaxi ibuadagi ïgai.

Tepehuan Northern: Diuusi ñiooquidʌ utuducami oodamicʌdʌ

² Vʌʌscatai aatʌmʌ muiyoco maicʌʌga ivuaadana. Isʌmaadutai tomali ʌmo imidagai maisoimaasi ñioocadagi ʌgai ʌrʌmo oodami cʌʌga gʌtʌgitocami dai cʌʌga istutuidi ismaisoimaasi ivuaadagi.

Santiago 3:2 Referans Kwoze

Santiago 1:26

Gï agai ix ïïgiada aatïmï gïr buaboidaraga tudu. ¿Ïma dukai dukatai gïr soiñana gïr buaboidaraga ix mai ïïgiadagi aatïmï? Dukami, ix pokaitadagi ïmo odami sai kïïga oidi buaboidaradï dïï gia ix mai buamï ïrhiditai aagaiña ïgai soimaaxi ñoki, podukai ïïgi gï buirumadai ïgai. Gï maaxitudai ïgai sai maiti ïr soiñi buaboidaradï tudu.

1 Pedro 3:10

Daiñi, Diuxi ojadïrï ikaiti sai, Ix ipïrhiadagi aapimï xi bhai gïn ïrhiadagi tami oidigi daama dai kïïga xioma oidakagi gï agai sai mai soimaaxi ñokadagi aapimï dai mai yaatagïdagi.

Mataibo 12:37

Aidï bïïxi nïijadamu Diuxi ix tumaxi aagaiña odami. Nïidamu ïgai asta bïïxi ixtumaxi aagaiña ïgai mai kïïga gïn tïgitokatai. Dai amaxi aagadamu Diuxi ix bhai ïr gïpiïrï bïïtïkami ïgai ix cho ïpï— itïtïdai Suxi.

Romanos 3:10

Diuxi ñokidï ikaiti, Mai tipu tomarhi ïmadutai ix makïdï sïïrhi aatabuayi.

Santiago 1:4

Maiti abïr gïn dagito ix gïn maitiagi go soi ïrhiaragai tudu dai podukai bïïx tasai bamioma kabakami dukai buaboitudamu aapimï asta xako ka maiti gïn biïgakagi ixtumaxi oijada bïïtarï gïr buaboidaraga.

Santiago 2:10

Daiñi, odami ix makïdï bhaitoma bïïxi aïkatai ïïgiadagi go sïïrhikami dïï gia xi mos arhi ïmo pakoga mai ïïgidi ïgai, podukai ka gïpiïrï bïïtïkami bipiïyi ïgai. Ka soimaaxi ibuadami bipiïyi ïgai buidïrï bïïxi go sïïrhikami tudu.

1 Korintios 9:27

Kïïga aagidiña aanï jaa ix dukatai óídakana sai bhïna go maitïki. Dai kaxkïdï kabami aaduinturhiña aanï gin tukuga dai soimaaxi taatamiturhiña sai gin ïïgiada gobai. Tadu gïpiïrï gïi aanï maiti ibuadatai ixdukatai aagidiña aanï jaa dai ka mai bhïiyagi aanï go maitïki.

Hebreos 13:21

Daanïi aanï Diuxi tudu sai gïn maakana ïgai bïïxi aïkatai ixtumaxi aapimï tïgito ixtukïdï ibuadana aapimï ixtumaxi ïgai ipïrhidi. Daanïi aanï saidi gïn soikïiña ïgai saidi Suxi Kristo gubukarhigadïkïdï ibuadana aapimï bïïxi ixtumaxi bhai ïrhidi ïgai. Gï agai sai bïïxi óídakami kïïga ñokadagi Suxi Kristo bïïtarï dai bïïxkïrï bïïtarï aagada xïïxi ïr gïdukami dai namïakami ïgai. Sai pogïduna gobai tudu.

Kolosenses 4:12

Diuxikïdï gïn biaturhi go Epafro ïpï. Ïgai ïr ïmo pioñigadï Suxi ïpï dai gïn urapïkïiña ïgai amïka ïpï. Ïgai bïïxi ibhïgadïkïdï gïn daanturhiña sai kïïga kaban gukakana aapimï gïn buaboidaraga. Dai gïn daanturhi ïgai ïpï sai kïïga biakana aapimï ibhïxtaragai kïïga maatïkatai aapimï bïïxi ixtumaxi ipïrhidi Diuxi saidi ibuada aapimï.

Kolosenses 1:28

Aipakoga aiturhiña aatïmï go aatagi aagaitai Suxi Kristo tudu. Aagdiña aatïmï bïïxi óídakami. Diuxi ïgai dai gïr mamaakai tïgibudagai ix dukatai aagidagi aatïmï odami dai podukai gatïtïïgidiña aatïmï ñoki. Ipïrhidi aatïmï sai bïïna darakagi ïgai Suxi Kristo sai podukai mai biïgakagi ïgai tomarhi ïmo ixtumaxi sai kïïgakïrï nïijada Diuxi xïïxkadï ami buitapi gukakagi ïgai. Kaxkïdï gatïtïïgidiña aatïmï ñoki bïïxi óídakami.

Romanos 7:21

Ka máí aanï tudu sai tomaxi iduña in ïrhidiña ixtumaxi ïr kïïga bhaiyoma mosïkaxi soimaaxkami ixtutuidikïi aanï xi buadagi.

1 Pedro 5:10

Kïï tuiga Diuxi gïn bïïtarï tudu dai gïn báí ïgai saidi aapimï ïpï gïn ajiagi go gïdukami xadutudaragai ix makïdï biakamu ïgai bïïxkïrï bïïtarï. Aapimï gïn aji agai go xadutudaragai gobai bïïnakatai aapimï Suxi Kristo tudu. Dïï gia gï agai sai soimaaxi taatamadagi aapimï kia dïï gia mai xii tïbïragaka agai go soimaaxi taataragai. Dai gokiïrï bhai gïn buadamu Diuxi sai maiti gïn biïgakagi tomarhi ïmo ixtumaxi gïn ibhïdagïrï. Kïïga gïn gupurtuda agai ïgai aidï gïn ibhïdagïrï saidi mai tipukagi ixtukïdï dagitoagi aapimï gïn buaboidaraga. Po duñimu Diuxi kïï tuigakatai ïgai gïn bïïtarï tudu.

Galatas 5:17

Daiñi, gïr ïrañdïrï imïi ïmo kokodi ix makïdï gïn bupui bïïtï ïïgi gïr tïgibudaga ïmadï Diuxi Ibhïadï. Ïïgi gïr tïgibudaga ipïrhidi xi ibuada aatïmï ixtumaxi Diuxi Ibhïadï maiti ipïrhidi. Dai Diuxi Ibhïadï ipïrhidi sai ibuada aatïmï ixtumaxi maiti ipïrhidi ïïgi gïr tïgibudaga ïpï. Gobai tudu ïr go kokodi ix makïdï gïr ïrañdïrï imïi. Gïr tïgibudagai ix makïdï gïr ïrañdïrï imïi ïgai dai maiti ipïrhidi xi ïïgiadagi Diuxi dai gobai gïr sobhikïi xi maiti ibuadagi aatïmï ixtumaxi kïïgakïrï iduña ïrhidi aatïmï.

Mataibo 12:34

Dai pomaaxi odami ïpï. Kïïga gï maatïkana ix tutuiga odami kaïkatai aatagidï. Dai aanï aagai sai kookoyi tutuiga aapimï fariseos. Kaxkïdï xadïrï kïïgadukana ixtumaxi aagadagi aapimï— itïtïdai. —Ixtumaxi bia aapimï gïn ibhïdagïrï gobai aagaiña aapimï tudu—.