Romanos 8:18 - Northern Tepehuan Bible

¹⁸ Kïïga maatï aanï sai bïïxi go soi ïrhiaragai ix makïdï taataimi aatïmï xibi maiti ïr ixtumaxi bhaitoma maatïkatai sai Diuxi gïr maaki agai ïmo bhai ïrhiaraga ix makïdï mai bhaiga xi aiyagi gïr tïgibudagai xi maatiagi.

Tepehuan Northern: Diuusi ñiooquidʌ utuducami oodamicʌdʌ

¹⁸ Vʌʌscʌrʌ siʌʌscadʌ tʌtʌgitoda aatʌmʌ isDiuusi gʌrmaquia agai mui naana maasi cʌcʌʌgaducami dai istumaasi soimaa taatamai aatʌmʌ sivi maitʌristumaasi.

Romanos 8:18 Referans Kwoze

1 Pedro 4:13

Bhai gïn ïrhiadabïrai bhaiyoma. Gobai ix makïdï taatamaimi aapimï ïr ïmo urabaragai Suxi Kristo ïmadï kaxkïdï. Ïgai podukai soimaaxi taata ïpï tudu. Dai gobai itïiya ïrhidi sai gia kabami bhai gïn ïrhiadamu aapimï xïxkadï dibiagi ïgai ïpamu xïïxkadï gï maaxitudagi xïï xigiamaaxi ïgai dai xïï kabami ïr gubuakami ïpï.

Kolosenses 3:4

Dïï gia kïïga maatï aatïmï sai mosïkaxi bïïnakatai aatïmï Suxi Kristo bhaiga aatïmï xi kïïgakïrï óídakagi. Mai tipu ïma dukai. Kïïga maatï aatïmï gobai tomaxi mai maatï aatïmï kia ix maaxika agai gïr utudui oidakaraga. Dïï gia xïïxkadï ka kïïga gï maaxitudagi Suxi Kristo xïïxi ïr gïdukami ïgai dai ka biakagi gïdukami xadutudaragai amaxi biakamu aatïmï xadutudaragai ïgai ïmadï ïpï.

Hechos 20:24

Dïï aanï mai buamï in ïrhidi gokïdï. Aanï gin bïïtarï maiti ïr ixtumaxi ix gin aiyagi mukigami ix cho ïpï. Dïï gia nato in ïrhidi aanï go aaduindagai ix makïdï gin maa Suxi Gïr Nukadakami. Ïgai gin tïjai ansai aagaiña aanï go Bhai Ïrhiaragai Ñoki ix makïdï aagai xïï kïï tuiga Diuxi gïr bïïtarï.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.

1 Pedro 1:13

Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.

2 Tesalonicenses 2:14

Gïn báí ïgai sai kïïgakïrï bubuakïna aapimï gïn aagidakai aatïmï go bhai ïrhiaragai aatagi. Dai xibi ka buaboitudakai aapimï gïn ajiagai xi urabagi Suxi Kristo xïïxkadï bhïiyagi ïgai gïdukami xadutudaragai gï maaxitudakai xïïxi ïr gïdukami. Aidï aapimï bui agai gïdukami xadutudaragai ïgai ïmadï ïpï.

1 Pedro 5:1

Xibi ojamu aanï ïmo ñoki go bhaitï gukakamigadï go buaboitudadami bïïtarï. Gin kaïkabïrai, aanï ïpï ïr ïmo bhaitï kïakamigadï go buaboitudadami ïpï dai nïidi aanï aidïxi soimaaxi taatamaitadai Suxi Kristo. Aanï ïpï urabamu Suxi xïïxkadï dibiagi ïgai dai gï maaxitudagi xïïxi ïr gïdukami ïgai.

Hebreos 11:35

Ka mui aagai aanï ïïki óídakami ix makïdï kïïga buaboitudaiña Diuxi dïï kia biïga ïpï jaa. Daiñi, oidakatadai oki ix makïdï aaduñdï ïpamu gïn duduakatu ka kokai ïgai. Oidakatadai jaa ix makïdï óídakami soi buididiña ipïrhiditai sai dagitona buaboidaradï. Dïï ïgai bhaiyoma ipïrhidiña ix soimaaxi taatakagi maiti ipïrhiditai ix dagitoagi buaboidaradï. Buaboitudai ïgai sai biaka agai ïgai ïmo kïïgadukamioma oidakaragai gokiïrï xïxkadï gïn duduakatudagi ïgai ïpamu kaxkïdï.

Romanos 8:19

Xibi bïïxi aïkatai ix makïdï Diuxi idui mos nïnïraka xi aiyagi ixtuigako xi Diuxi gatïtïïgiadagi ix maaxi ka agai maamaradï.

Tito 2:13

Podukai gïr maatïturhimi Diuxi ix dukatai óídakana aatïmï xibi kia nïnïrakatai aatïmï xi aiyagi gïr bhai ïrhiaraga. Nïnïraka aatïmï xi dibiagi Suxi Kristo tudu ix makïdï ïr gïr Diuxiga. Aidï dibiakai ïgai gï maaxitudamu xïïxi ïr gïdukami.