Romanos 8:11 - Northern Tepehuan Bible

¹¹ Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

Tepehuan Northern: Diuusi ñiooquidʌ utuducami oodamicʌdʌ

¹¹ Diuusi duaacali Suusi Cristo coidadʌ saagidaiñdʌrʌ daidʌ isDiuusi Ibʌadʌ gʌnʌʌmadu daacagi aidʌ gia siʌʌscadʌ coiya aapimʌ Diuusi gʌnduduaacaldamu. Diuusi Ibʌadʌ gʌnʌʌmadu daja cascʌdʌ.

Romanos 8:11 Referans Kwoze

2 Korintios 4:14

Kïïga maatï aatïmï sai Diuxi duakaturhi go Suxi ïpamu mukukai ïgai. Dai buaboitudai aatïmï sai aatïmï gïr duduakatulda agai ïgai ïpï ïmadï aapimï ïpï. Dai maatï aatïmï ïpï sai baan gïr tutusa agai ïgai amïka xako daja ïgai, bïïxkatai aatïmï ix makïdï ïr buaboitudadami tudu.

2 Korintios 4:11

Mai biïga ixdukatai gïr aiyagi mukigami oiditai aatïmï Suxi tudu. Dai ïkobïrakoga kïkïrhiokorïi aatïmï ïpï. Pomaaxi gïr oidakaraga tami oidigi daama. Dïï gia gobai gïr maakai oigaragai saidi Suxi gubukarhigadïkïdï óídakagi aatïmï, mai gupukatai aatïmï tudu. Dai podukai mui óídakami nïijadamu sai Suxi gubukarhigadïkïdï óídaga aatïmï dai maatïkamu ïgai sai kia oidaga Suxi, ïgai gubukarhigadïkïdï óídakatai aatïmï tudu.

Romanos 8:9

Dïï gia ix gïn ïmadï daja Diuxi Ibhïadï aidï gia ka maiti gïn tïanïi gïn tïgibudaga ïkidadï. Bhaiyoma xibi Diuxi Ibhïadï ïgai dai gïn tïanïi. Xorai mai biakagi Diuxi Ibhïadï ix makïdï Suxi Kristo gïr otoxi, ïgai gia maiti ïr aaduñdï Suxi Kristo.

1 Korintios 6:14

Kïï maatï aatïmï tudu sai ïïgi gubukarhigadïkïdï duduakatulda agai ïgai gïr tukuga ïpïan dukai ix duakaturhi ïgai go Suxi. Kaxkïdï maatiga maaxi sai gia buamï ïrhidi Diuxi ix dukatai gï buadagi gïr tukuga.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

Filipenses 3:21

Ïgai tudu bia gubukarhigai xi tïanïdagi bïïxi ixtumaxi dai bïïxi ixtumaxi bia xi ïïgiadagi. Dai go galbaaxi gubukarhigakïdï ïma maaxtuda agai Suxi gïr tukuga aidï dibiakai ïgai. Xibi mai xii gubuka gïr tukuga dai otoma ugiatïi. Dïï aidï gia gïr maakimu ïgai gïr tukuga utudui ix makïdï ïpïan maaxkamu ix makïdï bia ïgai. Dai ïgai tukugadï gia kïï gubuka dai kïï tiodi dai mai ugiti agai. Pomaaxika agai gïr tukuga utudui tudu.

VUAANA 5:21

—Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

Apokalipsis 11:11

Dïï gia nïidi aanï tïïtïkiïrï dukai sai baika tasai dan tajukami abhiadïrï xi koi ï goka ojotoxikami bai Diuxi duduakaturhi dai ïpamu ibhïiba gukiba ïgai. Dai mui odami nïiditadai dai kabami duduadimu.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

VUAANA 14:17

—Ïgai ïr Diuxi Ibhïgadï dai ïr gamaatïturhiadami ixtumaxi ïr buaboi. Dïï gia go gaa óídakami ix makïdï adaimïi mosïkaxi odami tïgibudadï mai bhaiga ix ïïgiadagi Diuxi Ibhïgadï. Ïgai mai buaboitudai Diuxi Ibhïgadï mai maatïkatai xorai ïgai dai mai maatïkatai ïpï ix dukatai aatabuayi ïgai. Dïï aapimï gia kïïga maatï Diuxi Ibhïadï gïn ïmadï dajatai ïgai. Gïn ïmadï daja ïgai tudu dai gokiïrioma gïn ïrana oidaka agai ïgai ïpï— itïtïdai.

Apokalipsis 1:18

Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai bia aanï bamioma gubuka xi bhai go mukigami dai gobai bhaiga xi aiyagi mosïkaxi asta xako ukami dagitoagi aanï. Dai bia aanï gubukarhigai xi gatïanïdagi ami xakoga daraka koidadï ïpï— in tïtïdai.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.

1 Korintios 15:16

Kïïga ïr buaboi gobai ix gïn aagidi aanï xibiki tudu. Daiñi, ix ïr buaboikamudai sai mai tipu duakaragai aidï gia mai duakamudai Suxi.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Hebreos 13:20

Gin aaduñi Diuxi amadïrï, kïïga maatï aapimï sai Diuxi ïgai daidi gïr maakai ibhïxtaragai. Ïgai tudu duakaturhi go Suxi ix makïdï ïr gïr Nukadakami kïï tuigakami. Dai Diuxi ïr ïgai ix makïdï bïïxkïrï bïïtarï namïaturhi go utudui sïïrhikami ix makïdï bhai dui ïgai gïr bïïtarï mukukai Suxi Kristo dai aaxtakai ïradï.

2 Korintios 5:4

Maiti ipïrhidi aatïmï ix mai tukugakatai óídakagi aatïmï dïï gia aijiïgïitai óídaga aatïmï xibi mos ïï bïïtïkatai gïr oidakaraga tami oidigi daama. Ka otoma biaka rïrhidi gïr utudui tukugai tudu saidi ka mai tipukagi go mukigami ka kïïgakïrï óídakatai aatïmï bïïxkïrï bïïtarï.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

Romanos 8:12

Kaxkïdï xibi gin aaduñi, ka mai guguamakïdï bia aatïmï xi ïïgiadagi gïr tïgibudaga ïkidadï.

Romanos 16:3

Diuxkïdï abïr biatulda go Prisila ïmadï Aquila ïpï. Ïgai gin uurapïkïi Suxi Kristo aaduindadïrï.

Romanos 16:7

Diuxkïdï abïr biatulda Andronico ïmadï Junias. Ïgai ïr judidiu gin ïpïan dukai dai gin ïmadï maamaixapikana ïpï. Suxi Kristo ojotosadï ïgai, dai go gaa ix makïdï ïr ojotosadï Suxi kïïga xadutudai ïgai. Ïgai buaboitu Suxi Kristo ïpïgioma xi aanï.

Romanos 16:9

Diuxkïdï abïr biatulda Urbano ix makïdï gin ïmadï aatadui Suxi Kristo aaduindadïrï. Diuxkïdï abïr biatulda go Estakis ïpï ix makïdï kïïga oigïdai aanï.

Romanos 16:10

Diuxkïdï abïr biatulda Apeles. Ïgai mos apia buaboitu tomaxi kabami taata soi ïrhiaragai dai maiti gï dagito xi gï maitiagi go soi ïrhiaragai. Diuxkïdï abïr biatulda Aristobulo aaduñdï ïpï.

Galatas 6:8

Daiñi, xorai soimaaxi ibuadagi ïïgiditai ïïgi tïgibudadï ïgai ka ïxiandui soimaaxkami dai go ïï soimaaxkami yoobamu ïpï ïmadï go mukigami. Dïï gia xorai kïïga ibuadagi ïïgiditai Diuxi Ibhïadï ïgai gia gaïïxian dui ixtumaxi kïïgadukami dai go kïïgakïrï oidakaragai ix makïdï ïr bïïxkïrï bïïtarï gobai ïr yoobaradïka agai.