Romanos 7:6 - Northern Tepehuan Bible

⁶ Ïkioma maamaixapikami dukai gïr biakana go sïïrhikami gïr tïanïitai gobai dïï xibi ka kïïgakïrï bubuaka aatïmï. Koidadï dukami aatïmï go sïïrhikami bïïtarï kaxkïdï. Xibi ïma dukai óídaga aatïmï. Ka mai óídaga aatïmï gïr tïanïitai go sïïrhikami. Xibi utudui gïr oidakaraga. Xibi kïïgakïrï óídaga aatïmï gïr tïanïitai Diuxi Ibhïadï.

Tepehuan Northern: Diuusi ñiooquidʌ utuducami oodamicʌdʌ

⁶ Dʌmos sivi ducami iscacoimudai Cristo ʌʌmadu cascʌdʌ maiviaa isivuaadagi istumaasi aagai Moseesacaru sʌʌlicamigadʌ. Ʌʌquioma ivuaadatadai aapimʌ Diuusi aa duiñdadʌ ʌʌgiditai Moseesacaru sʌʌlicamigadʌ. Ʌgai ʌrcʌʌlimudadʌ sʌʌlicami. Dʌmos sivi ivueeyi aapimʌ Diuusi aa duiñdadʌ viaacatai ibʌdagai utudui Diuusi Ibʌadʌ guvucadadʌcʌdʌ.

Romanos 7:6 Referans Kwoze

2 Korintios 3:6

Diuxi gïr maa go gubukarhigai saidi gatïtïïgiada aatïmï go utudui sïïrhikami ix makïdï bhai dui ïgai óídakami ïmadï tudu. Dai go utudui sïïrhikami mai ïpïamaaxi go ïïkidadï sïïrhikami ix makïdï maa Diuxi go Moiseskaru ïïki. Go ïïkidadï sïïrhikami ïr ïmo ojixikami ix makïdï biakatadai ix ïïgiadagi go óídakami. Dïï maiti idui soiñi gobai go óídakami bïïtarï dai bhaiyoma go ïïgi gïgïbidaragai dai mukigami buapidi gobai óídakami. Dïï gia go utudui sïïrhikami ix makïdï gïr maakai Diuxi xibi bhobai aagai sai gïr maakai Diuxi ïïgi Ibhïadï. Dai kaxkïdï xibi ka kïïgakïrï óídaga aatïmï bïïxkïrï bïïtarï gïr maakakai Diuxi ïïgi Ibhïadï.

Romanos 7:4

Pomaaxi aapimïkïdï ïpï gin susukurhi. Aapimï ka bïïna daraja Suxi Kristo dai koi aapimï ïgai ïmadï. Koidadï dukami aapimï xibi go sïïrhikami bïïtarï. Ka bïïna bii aapimï Suxi Kristo ix makïdï gï duakatu mukukai. Kaxkïdï xibi kïïga ïr soiñi aapimï Diuxi bïïtarï.

Romanos 6:4

Dai podukai ïpï aatïmï gïr yaasatu ïpï ïgai ïmadï mos bïïnakai ïgai. Koi aatïmï ïgai ïmadï dai Diuxi Gïr Oga gïr duakaturhi ïpï ïpïan dukai ixdukai duakaturhi ïgai Suxi Kristo mos ïï gubuakatai ïgai. Podui ïgai xi podukai utudutudagi gïr oidakaragai xibi.

Galatas 3:13

Dïï gia Suxi Kristo taata go gïgïbidaragai gïr bïïtarï mukukai kuruxiana1 dai kïïgakïrï gïr bubaitu. ¿Mai ix podukai aagai go Diuxi ojadï? Ami ikaiti sai, Xorai uxiana nagiïkagi tukugadï ïgai maaxitudai sai bia ïgai ïmo gïgïbidaragai Diuxiañdïrï, ikaiti go ojai. Kaxkïdï gï maatï sai Suxi Kristo taata go gïgïbidaragai gïr bïïtarï.

Kolosenses 3:10

Xibi ka bhïiyi aapimï go utudui oidakaragai dai ka utudutudaimi aapimï. Xibi Diuxi ix makïdï gïn idui aatabuayi aapimïrï dai ka ïpïan tuigakami bijimi aapimï Diuxi. Gïn utudutuldaimi Diuxi sai podukai kïïga maatïkana aapimï ïgai dai kïïga ïmadaiña aapimï ïpï.

Galatas 6:15

Ami tudu kuruxiana gïr utuduturhi Suxi Kristo. Kaxkïdï maiti ïr ixtumaxi ix circuncidadukagi ïmoko ix cho ïpï. Maiti ïr ixtumaxi namïakami gobai. Dïï gia Diuxi gïr utuduturhi dai gobai gia ïr ixtumaxi namïakami.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

Romanos 6:22

Dïï xibi go soimaaxkami ka mai bia gubukadagai xi gïn tïanïdagi. Xibi aapimï ïr Diuxi pipioñigadï bhaiyoma. Kaxkïdï xibi Diuxi bïïtarï óídaga aapimï dai kïïgakïrï óídakamu aapimï bïïxkïrï bïïtarï.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

Romanos 7:1

Gin susukurhi, aapimï kïï maatï ix dukatai aatabuayi go sïïrhikami. Kïï maatï aapimï sai go sïïrhikami mosïkaxi odami duduakakami bïïtarï tïanïi dai go koidadï bïïtarï gia cho.

Romanos 6:2

¡Cho! ¡Xadïrï! Bhaiyoma xibi ïr koidadï aatïmï go soimaaxkami bïïtarï. ¿Dukatai aapia adaimïiña aatïmï aidï?

Romanos 6:19

Xijaiga gïn bïïtarï xi maatï kajiagi gin aatagi. Kaxkïdï xibhï gïn aatagidamu aanï ixtumaxi mai xijaiga, ix makïdï bïïx tasai nïidiña aapimï. Daiñi, ïkioma ïïgidiña aapimï gïn soimaaxi tïgibudagai dai mos ïr pipioñigadï dukamikana go soimaaxkami adaimïitai gobai. Dïï xibi gï agai mïxi gatïïgidagi gïn tukuga bïï sudakami Diuxi xi ïr ïïgi ïgai bïïtarïkagi aapimï. Aidï gia Diuxi bïïtarï óídakamu aapimï kïïgakïrï.

Romanos 6:11

Podukai ïpï abïr tïgito ajiopada aapimï sai kaxi ïr koidadï aapimï go soimaaxkami bïïtarï. Dïï gia abïr tïgito ajiopada ïpï sai xibi bhai ïrhiatudai aapimï Diuxi gïn oidakaragakïdï ïpï bïïna darakatai aapimï Suxi Kristo.

Romanos 1:9

Aanï bïïxi gin bhai ïrhiarakïdï ibuayi Diuxi aaduindadï aagaitai go bhai ïrhiaragai aatagi aagaitai Suxi Kristo Diuxi maradï. Dai Diuxi ïr nïijadami xi aanï mai dagitokai daanïi Diuxi gïn bïïtarï.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Romanos 7:2

Dukami xi ïmo oki ïmadï biyagi ïmo kïïrhi, aidï gia ka maiti gï agai xi ïmadï boiyagi ïgai ïmai kia oidakatai aduñdï. Po kaiti go sïïrhikami tudu. Dïï gia xi ugitiagi aduñdï go oki aidï gia bia ïgai oigaragai xi ïmadï biyagi ïmai.

Efesios 4:24

Daiñi, Diuxi kaxi gïn utuduturhi. Odami utudui aapimï xibi. Kaxkïdï abïr dagito gïn ïkidadï ibhïdaga tïgibudadï dai gïn utudui ibhïdaga tïgibudadï abïr bhïiyi bhaiyoma. Utudui odami aapimï xibi tudu, ix makïdï Diuxi ïïgi ïpïamaaxkami idui. Gïn dui ïgai saidi ïr ïko darasadïkana aapimï ïgai, bai kïï sïïrhi óídakagi aapimï ïïgiditai ix makïdï ïr buaboi.