Romanos 2:19 - Northern Tepehuan Bible

¹⁹ Dai pobïnïrhidi aapimï judidiu ïpï sai gï agai xi jaa gïn tïkakagi ix dukatai kïïgakïrï óídakagi. Mai nïadami dukai nïidi aapimï odami ix makïdï maiti ïr judidiu. Aapimï kudagi gïn ïrhidi jaa bïïtarï ix makïdï mos tukamuga tïgibudadï.

Tepehuan Northern: Diuusi ñiooquidʌ utuducami oodamicʌdʌ

^19-20 Ʌgai maatʌ vʌʌsi istumaasi aagai Moseesacaru sʌʌlicamigadʌrʌ cascʌdʌ poʌlidi ʌgai saidʌ istutuidi ismamaatʌtuldagi ʌgai ismaacʌdʌ maimaatʌ Diuusi ñiooquidʌ.

Romanos 2:19 Referans Kwoze

1 Korintios 4:10

Daiñi, aapimï pupuirugami dukai gïr nïidi aagaitai aatïmï Suxi Kristo dai sastudakami gïn ïrhidi ïïgi aapimï. Soi dukai gïr nïidiña aapimï. Dai pobïnïrhidi aapimï sai ïr gïgïrdukami aapimï jaa bïïtarï. Kïïga gïn xadutudai odami tudu dïï aatïmï gia maiti gïr xadutudai ïgai.

VUAANA 9:34

Daidi go judidiu itïtïdai aidï, —Aapi mos ïr soimaaxi buadamikana aidïxi abhiadïrï busai aapi. ¿Dukatai gïr maatïtulda ïrhidi aapi di?— itïtïdai. Dai bhodïrï aadaji ïgai go kïïrhi abhai judidiu kiupaigadïañdïrï.

Mataibo 15:14

Daiñi, maiti abïr buamï gïn ïrhiada go fariseoskïdï. Mai maatïtai gamamaakai ïgai ñoki tudu mai maatïkatai ïgai ixtumaxi ïr buaboi. Ïpïan dukami ïgai ïmo mai nïayi ix makïdï bapaidi jaa ix mai nïadami ïpï sai oijadana. Baidatikan kaiti xako kïïgadu dïï ïgai ïmadï go ix makïdï oijadagi bïïxkatai ïmo gïï dïgakana surhigian dukai iduñimu bhaiyoma— itïtïdai.

Mataibo 6:23

Dïï gia xi mai maaxkagi gïn bupuji aidï gia tukagiïrï dukai ajiopai aapimï. Dai pomaaxi ïpï xïxkadï mai kïïgadukagi gïn tïgibudaga. Ix tïgito ajiopadagi aapimï dai buaboitudagi aapimï mosïkaxi ixtumaxi oidaga tami oidigi daama gobai gïn sobhikïi xi maatïkagi aapimï ixtumaxi ïr buaboi. Mai nïadami dukai bipiïyi gïn ibhïdaga tudu. Pomaaxi aapimï xïxkadï adaimuagi aapimï mosïkaxi ixtumaxi oidaga tami oidigi daama tudu— itïtïdai.

Mataibo 5:14

Daidi Suxi aagidi ïmo maaxidaragai ñoki daidi potïtïdai, —Gï agai sai gïn tïgitokagi aapimï sai bïïxi óídakami gïn tïgito nïidiña ix dukatai óídaga aapimï. Daiñi, ïpïan dukai gobai xïïxkadï ïmo gïï kiiki kïï maaxkïrï kïïka ïmo gidana. Mai bhaiga ïxtoagi gobai tudu. Dai pomaaxi aapimï ïpï. Kïïga maaxi bïïxi óídakami buitapi ix dukatai óídaga aapimï tudu— itïtïdai.

Filipenses 2:15

Podukai mai tïigimu jaa ixtukïdï gïpiïrï gïn bupadagi. Kïïga abïr buañixikami dukai óídaka tudu Diuxi maamaradïkatai aapimï. Abïr mai dagitokatai oijada go aatagi ixtukïdï kïïgakïrï óídakana odami sai podukai ïr kudagi dukaikana aapimï óídakatai aapimï saagida go soimaaxi ibuadami dai pupuirugami ix makïdï oidaga tami oidigi daama. Podukai abïr óídaka tudu sai biakana aanï ixtukïdï bhai gin ïrhiadagi xïxkadï dibiagi Suxi Kristo. Sai maatïkana aanï aidï sai mai mos ïïgikïdï aatadui aanï.

1 Korintios 3:18

Gin aaduñi, kïïga abïr gïn tïgito nïida dai bhïiyi go tïgibudagai ix makïdï ïr Diuxi tïgibudadï kaxkïdï tudu gobai kïïga ïr buaboi. Kaxi abïr mai oijada ïïgi gïn tïgibudaga tudu kaxkïdï tudu odami tïgibudadï gia yaatagïi. Ix saitudakami ïrhiada aapimï ïïgi gïn tïgibudaga ka bhïiyi aapimï ïmo yaatagi. Daiñi, mos ïr ïï buirudagai Diuxi bïïtarï go tïgibudagai ix makïdï óídakami saitudakami ïrhidi. Kaxkïdï gï aagai ix ïmadukai gïn tïtïgitoagi odami ix makïdï kïïga mamaatïkami gïn ïrhidi ïïgi oiditai tïgibudadï óídakami. Ïgai gï aagai ix ïma dukai gïn tïtïgitoagi dai buiyagi Diuxi tïgibudadï bhaiyoma tomaxi óídakami bupuirugami dukai nïijadamu gokiïrï. Ix bhïiyagi ïgai Diuxi tïgibudadï aidï gia sastudakami dukai biimu ïgai Diuxi bïïtarï. Daiñi, Diuxi ojadïrï ikaiti sai, Diuxi daadagitodai go odami sai bhaiyoma gïn bupuirumadaiña ïïgi go ix makïdï mamaatïkami gïn ïrhidi ïïgi.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Lukas 1:79

Daiñi, odami ix makïdï ïko daraka Diuxiañdïrï tukapi dukai óídaga. Duadikoitai ajiopai ïgai ïbhïiditai go mukigami tudu. Dïï gia aapi gïr Kïïgakïrï Bubiadamiga ïgai dai kudaidakan dukana óídakami bogïdï dai tïtïgidiña ixdukatai gïn ibhïxtakagi ïgai— ikaiti go Zakarias aagaitai ïmo Diuxiañdïrï ñoki maradï bïïtarï.

Markos 10:15

Daiñi aanï aagai sai ix makïdï mai aarhi maa tutuigakagi mai baakimu xako tïanïi Diuxi. Aarhi bïïtarï mai xijaiga buaboitudagi Diuxi di— itïtïdai Suxi.

Mataibo 4:16

Ami óídakami ïr koidadï dukai ibhïadïrï. Tukapi dukai óídaga ïkobai darakatai ïgai Diuxiañdïrï tudu. Dïï gia ami ayi ïmoko ix makïdï ïr ïmo gïï kudagi gï dukami go óídakami bïïtarï dai tïtïïgidi ïgai ix dukatai kïïgakïrï bubuakiagi, pokaiti ojadï go Isaiaskaru tudu.

Romanos 2:18

Aapimï judidiu kaïkana ix kaiti Diuxi sïïrhikamigadï dai ïgaikïdï mamaatïrïi aapimï ixtumaxi ïr sïïrhi.

Romanos 2:20

Aapimï judidiu bia Diuxi sïïrhikamigadï dai Diuxi sïïrhikamigadï aagai ixtumaxi ïr buaboi. Kaxkïdï aapimï maaki ïrhidi ñoki go pupuirugami dai ix makïdï mai maatï ix dukatai oidakagi.