Romanos 12:7 - Northern Tepehuan Bible

⁷ Xi Diuxi maakiagi ïmadutai gubukarhigai xi soikïdagi jaa, gï agai xi kïïga soikïdagi ïgai. Dai xi maa ïgai gubukarhigai xi gamaatïturhiadagi jaa, gï agai aidï xi kïïga maatïtuldagi ïgai.

Tepehuan Northern: Diuusi ñiooquidʌ utuducami oodamicʌdʌ

⁷ IsDiuusi maaquiagi guvucadagai aa sai soicʌiña oodami, gʌaagai iscʌʌga soicʌdagi. Isʌmaadutai maatʌtai gamamaatʌtuldiadagi Diuusi ñiooquidʌ, gʌaagai iscʌʌga gamamaatʌtuldiadagi.

Romanos 12:7 Referans Kwoze

Efesios 4:11

Suxi Kristo ïgai dai maa oidaragai aatïmï buaboitudadami bïïtarï tudu. Ïïmoko maa ïgai gubukarhigai saidi ïr Suxi ojotosadïkana. Dai jaa maa ïgai saidi ïr aagadamikana Diuxi ñokidï dai jaa saidi ïr aipako aituldiadamikana go bhai ïrhiaragai aatagi dai jaa saidi ïr nukadakamikana go gaa buaboitudadami dai maatïtuldiadami Diuxi ñokidï ïpï.

1 Tomoteo 5:17

Gï agai xi kïïga xadutuadagi dai aa namïidadagi go buaboitudadami bhaitï gukamigadï ix makïdï kïïga ibuayi aaduindadï dai kïïgioma ix makïdï gamaakai ñoki dai gatïtïïgidi aatagi.

Hechos 13:1

Ami Antiokiïrï muidukatadai buaboitudadami dai ïïmoko ïgai ïr aagadami Diuxi ñokidï dai maatïtuldiadami ïpï. Ïmoko Bernabe tïgidu, dai ïmai Ximuñi ix makïdï tuku agaiña odami, dai ïmai Lucio. Go Lucio ïr Sireniïrï oidakami. Dai ïmai Manaen tïgidu, dai ïmai Saulo. Idi Manaen ïmadï gïrakami go dunukami Erodïxi.

2 Timoteo 2:24

Daiñi, aapi ïr aatabuadami Diuxi bïïtarï. Dai odami ix makïdï ibuayi Diuxi aaduindadï maiti gï agai ix kokoadagi dai bhaiyoma gï agai ix kïï tutiakagi buidïrï jaa. Gï agai xi maatïkagi ïgai ix dukatai tïtïïgiadagi ñoki jaa dai gï aagai ix mai oton bhamuakagi xïïxkadï soi buidadagi jaa ïpï.

2 Timoteo 2:2

Aapi Timoteo kïïga kaïkana gin aatagi dai jaa mui kaïkana ïpï dai aagai saidi ïr buaboi. Dai xibi gï agai xi nukatulda aapi go aatagi jaa kïkïïrhi sai maigobioma aituldana ïgai ï galbaaxi aatagi. Gï agai xi nukatulda aapi jaa ix makïdï sïïrhi aatabuayi tudu sai mai sarabidagi gobai ïma maaxi aatagi. Dai Diuxi gï maakimu gubukarhigai idi aaduindagai bïïtarï.

1 Tomoteo 4:16

Kïï gï tïgito nïida ix dukatai oidaga aapi tudu dai ix tumaxi tïtïïgiadagi aapi go gaa. Gï agai xi apia oijada aapi ibuadatai ixtumaxi gï aagidi aanï. Xi pobuadagi aapi aidï gia aataduñimu Diuxi aapikïdï saidi kïïgakïrï busaiña aapi ïmadï go gaa ïpï kaïkatai ïgai gï aatagi.

1 Tomoteo 3:2

Kaxkïdï ïmo nukadakami buaboitudadami gï agai xi kïï buañixikami dukai oidakagi sai mai tipukagi ixtukïdï gïpiïrï bupadagi jaa. Maiti gï agai tudu xi mui oki biakagi. Gï agai bhaiyoma xi ïmadugakagi oñigadï. Dai gï agai xi kïï gï tïgito nïijada ïgai bïïxi aïkatïrï ixtuma buadagi sai kïï bhai maaxkagi. Dukami, gï agai xi kïïga miadaidarakagi ïgai xïïxkadï daibidagi jaa. Dai gï agai xi maatïtai tïtïgiadagi ïgai ñoki ïpï.

1 Tomoteo 2:7

Kaxkïdï gin maa sïïrhikami Diuxi ansaidi ïr otosadïkana sai bhodïrï maatïtulda aanï go óídakami ix tumaxi ïr buaboi ix makïdï maiti ïr judidiu. Sai aituldana aanï go bhai ïrhiaragai aatagi tudu. Diuxi ïr gïr kïïgakïrï bubiadamiga di dai ipïrhidi xi bïïxkatai óídakami kïïgakïrï bubuakiagi. Kaxkïdï gin maa ïgai go sïïrhikami ansaidi ïr otosadïkana. Buaboi aagai aanï tudu pokaititai sai Diuxi gin maa go sïïrhikami ansaidi ïr otosadïkana. Mai yaatagïi aanï tudu.

Kolosenses 4:17

Aagidabïrai go Arkipo sai kïïga ibuada go aaduindagai ix makïdï maa Gïr Nukadakami ïpï.

Galatas 6:6

Gaagadabïrai ixdukatai ibuadagi ixtumaxi ïr kïïga tudu. Dukami abïr oida soiñi xorai gïn tïtïgiadagi Diuxi ñokidï. Kïïga ïr sïïrhi podukai.

1 Korintios 12:28

Daiñi, darai Diuxi naana maaxi gïr soikïdami gïr saagida. Ïpïgioma darai ïgai ix makïdï ïr ojotosadï Suxi Kristo. Dai gokiïrï darai ïgai jaa ix makïdï ïr Diuxi ñokituldiadamigadï. Dai bhodïrï darai ïgai mamaatïtuldiadami. Daidi maa ïgai gubukarhigai jaa saidi ibuadana ïgai maaxidaragai ix makïdï odami mai bhaiga ix ibuadagai. Dai jaa saidi duduadaiña kokokoñiadï. Dai jaa saidi naana maaxiïrï soikïiña go gaa. Dai jaa saidi ïr bhaitï gukakamikana. Dai jaa maa ïgai go gubukarhigai saidi todian dukai bhaigakagi ix ñokiagi ïma maaxi ñokikïdï.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 20:20

Ïmpaiñdaragïrï dai odami kiikidïrï gamaakaiña aanï aatagi. Mai dagito aanï xi go xaïraragai gin sobhidagi. Bïïxi gïn aagidiña aanï aapimï buaboitudadami ixtumaxi ïr soiñi aapimï gïn bïïtarï.

Hechos 6:1

Amaxi tuigako bamioma muidaimitadai go buaboitudadami dai bïïx tasai gatakoidiña ïgai soiñi go bipiudu bïïtarï xorai tïgitokana. Dai ïmo imidagai go griego ñoki ñokadami buaboitudadami soi kaiti daidi ikaiti, —Mai kïïga ibuayi go Hebreo ñokadami. Mai kïïga oidi ïgai soiñi gïr aduñi bipiudu ix makïdï ïr griego ñokadami— ikaiti.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

1 Korintios 12:5

Aatïmï buaboitudadami naana dukai ibuayi aaduindadï Diuxi dïï mos arhi ïmo Gïr Nukadakami bïïtarï aatabuayi aatïmï.

1 Korintios 14:26

Ipïrhidi aanï tudu ix maatïkagi aapimï sai gï agai ix ïr soiñikagi jaa bïïtarï bïïxi ixtumaxi ibuadagi aapimï ïmpaiñdaragïrï. Gï agai ix ïr soiñikagi gobai bïïxkatai bïïtarï sai bamioma gïrana buaboidaradï. Daiñi, xïïxkadï gïn ïmpaidadagi aapimï ïïmoko ganïyi ïrhidiña ïmo nïidagai dai ïïmoko biakana ïmo maatïtuldaragai bïïxkatai bïïtarï dai jaa aaga ïrhidiña ixtumaxi maatïturhi Diuxi dai jaa todian dukai ñokaiña ïma maaxi ñokikïdï. Dai jaa maaxi aagaiña ix tïiya ïrhidi. Dai bïïxi gobai gï agai ix ibuadagi aapimï sai podukai bamioma gïrana buaboidaradï bïïxkatai.