Romanos 1:7 - Northern Tepehuan Bible

⁷ Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Tepehuan Northern: Diuusi ñiooquidʌ utuducami oodamicʌdʌ

⁷ Diuusi gʌnoigʌdai daidʌ ʌcovai gʌnvuvaitu mʌsaidʌ ʌrmaamaradʌcana. Aanʌ ipʌlidi isDiuusi gʌrooga ʌʌmadu gʌrtʌaanʌdamiga Suusi Cristo cʌʌgacʌrʌ gʌnnʌijadagi dai gʌniibʌstudacan taadacagi.

Romanos 1:7 Referans Kwoze

Efesios 1:2

Ipïrhidi aanï xi maatïkagi aapimï xïï kabami kïï tutuiga Diuxi Gïr Oga ïmadï Suxi Kristo Gïr Nukadakami dai xi ïgai gïn maakana sai kïïga gïn ibhïxtakan taadakagi aapimï.

1Tesalonicenses 1:1

Bhaiga aapimï buaboitudadami ix makïdï gïn ïmpaidiña ami Tesalonikïrï. Aanï Pabora ïmadï go Silbano dai go Timoteo gïn otoxdi idi ojai. Gin susukurhi, kïïga maatï aatïmï sai aapimï buaboitudadami uraba daraka Diuxi gïr Oga ïmadï Suxi Kristo Gïr Nukadakami. Dai ipïrhidi aatïmï sai maatï taatana aapimï xïï kïï tuiga ïgai gïn buidïrï dai sai gïn maakana ïgai ibhïxtaragai gïn ibhïdagïrï.

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

2 Juan 1:3

Gin aaduñi, Diuxi gïr Oga dai Suxi Kristo ix makïdï ïr Diuxi Maradï kïï tutuiga gïr bïïtarï dai apia kïï tutiaka agai gïr bïïtarï dai oigïda gïr nïijada agai bïïxkïrï bïïtarï. Kaxkïdï bïïxkïrï ibhïxtakan taadaka agai gïr iibhïdaga kïïga buaboitudaitai aatïmï dai gïr oigïdatai aatïmï aipakoga.

Filemon 1:3

Ipïrhidi aanï sai Diuxi gïr Oga ïmadï Suxi Kristo Gïr Nukadakami gïn tïïgidana xïï kïï tuiga ïgai gïn bïïtarï dai sai gïn maakana ibhïxtaragai gïn ibhïdagïrï.

2 Tesalonicenses 3:18

Gin susukurhi, daanïi aanï Suxi Kristo Gïr Nukadakami sai maatï taatagi bïïxkatai aapimï xïï kïï tuiga ïgai gïn bïïtarï. Mosïkaxi.

2 Tesalonicenses 3:16

Gin susukurhi, daanïi aanï Gïr Nukadakami ix makïdï gïr maakai ibhïxtaragai sai gïn ibhïxtakan taadatudagi ïgai tomax tuma daibuñagi aapimïkïdï. Daanïi aanï sai gïn soiñana ïgai bïïxi aïkatïrï tudu.

Apokalipsis 22:21

Ipïrhidi aanï ïpï sai kïï tuigakana Suxi Kristo Gïr Nukadakami bïïxkatai aapimï gïn bïïtarï. Mosïkaxi.

Filemon 1:25

Ipïrhidi aanï sai Suxi Kristo Gïr Nukadakami gïn tïïgidana xïï kïï tuiga ïgai bïïxkatai aapimï buaboitudadami ami gïn bïïtarï. Mosïkaxi.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?

1 Pedro 1:15

Daiñi, ikaiti Diuxi ojadïrï sai, Aanï ïr Diuxi dai ïkobai daja aanï bïïxi go soimaaxkamiañdïrï. Kaxkïdï gï agai sai ïkobai óídaka aapimï bïïxi soimaaxkamiañdïrï ïpï, ikaiti Diuxi. Diuxi ïgai dai ïkobai gïn bubaitu tudu. Dai kaxkïdï gï agai sai kïïga buañixikami óídakagi aapimï ïkobai darakatai bïïxi go soimaaxkamiañdïrï. Gï agai sai podukai óídakagi aapimï bïïxi aïkatïrï ix makïdï ibuadagi aapimï tudu.

Tito 1:4

Gin maara dukai gï nïidi aanï Diuxi amadïrï aapi Tito, kaxkïdï tudu gin ïpïan dukai buaboitu aapi buaboidakai go ñoki ix makïdï gï tïtïïgidi aanï. Kaxkïdï gï ojidi aanï idi ojai. Dai ipïrhidi aanï sai Diuxi gïr Oga dai Suxi Kristo Gïr Nukadakami kïï tuigakagi gï bïïtarï dai sai gï ibhïxtakan taadakagi aapi gï ibhïdagïrï.

2 Timoteo 4:22

Daanïi aanï Gïr Nukadakami sai gï soiñana gï ibhïdagïrï aapi Timoteo. Dai daanïi aanï ïpï sai maatï taatana aapimï bïïxkatai xïï kïï tuiga Suxi Kristo gïn bïïtarï. Mosïkaxi.

1 Tomoteo 1:2

Gï ojidi aanï aapi Timoteo ix makïdï ïr gin maara dukai Diuxi amadïrï. Aanï tudu ïgai dai gï aiturhi go aatagi ix makïdï buaboitudai aapi, kaxkïdï gin maara dukai gï nïidi aanï. Dai daanïi aanï Diuxi gïr Oga ïmadï Suxi Kristo Gïr Nukadakami sai maatï taatana aapi xïï kïï tutuiga ïgai gï bïïtarï gï oigïrhitai dai kïïga gï oigïdaitai ïpï dai sai gï maakana ïgai ibhïxtaragai gï ibhïdagïrï.

1Tesalonicenses 5:28

Gin susukurhi, ipïrhidi aanï sai maatï taatagi aapimï xïï kïï tuiga Suxi Kristo gïn ïmadï. Mosïkaxi. Gin susukurhi, aagidiña aanï ïmai ix tuma dasana dai idui idi ojai dïï xibi gia tami lïïchi ïïgi gin ïkakïdï ojai aanï dai gïn otoxdi ïmo biatuldaragai.

1Tesalonicenses 4:7

Diuxi gïr báí mai xu sai soimaaxi ibuadagi aatïmï tudu dai bhaiyoma gïr báí sai ïgai bïïtarïkana aatïmï.

Kolosenses 3:12

Daiñi, xibi aapimï buaboitudadami kaxi ïr ïko bubaidadï Diuxi. Ïkobai darasaka aapimï Diuxi bïïtarï tudu dai gïn oigïdai ïgai. Kaxkïdï abïr soi gïn ïrhiada nïiditai jaa ix makïdï soimaaxi taatamadagi daidi abïr kïï tutiaka buidïrï jaa odami ïpï. Maiti abïr gïgïrdukïdï gïn ïrhiada daidi abïr kïï bhai maaxkami buidadagi jaa mai omarhigakatai buidïrï. Maiti abïr otoma ojodada go jaa xïïxkadï mai kïï ibuadagi ïgai.

Filipenses 4:23

Ipïrhidi aanï sai Suxi Kristo Gïr Nukadakami gïn maatïtuldana gïn iibhïdagïrï sai maatïkana aapimï xïï kïï tuiga ïgai gïn bïïtarï. Mosïkaxi.

Filipenses 4:20

Agia gï agai xi bïïxkïrï bïïtarï mai ugutai aagaiña aatïmï xïïxi ïr gïdukami Diuxi. Sai pogïduna gobai tudu.

Efesios 6:23

Xibi gin susukurhi Diuxiïrï, ipïrhidi aanï xi kïïga buaboitudada aapimï bai kïïga gïn urabakan taadakana aapimï aipakoga. Sai Diuxi Gïr Oga ïmadï Suxi Kristo Gïr Nukadakami gïn soiñana bai kïïgakïrï gïn oigïadagi aapimï aipakoga.

Galatas 6:18

Gin aaduñi, ipïrhidi aanï sai maatï taatakana aapimï gïn iibhïdagïrï xïï kïï tuiga Suxi Kristo Gïr Nukadakami gïn bïïtarï. Sai pobï duna gobai tudu. Mosïkaxi.

1 Korintios 16:23

Gin susukurhi, ipïrhidi aanï ix maatï taatagi aapimï xïï kïï tuiga Suxi Kristo gïn bïïtarï.

Romanos 9:25

Adukai tudu ojixi Hoseas librogadïrï. Ami ikaiti sai, Aanï ïr Diuxi dai ïko bubaida iñagai óídakami xi ïr gin aaduñikana tomaxi ïkioma maiti ïr gin aaduñikana ïgai. Dai oigïdamu aanï óídakami ix makïdï ïkioma mai biakana xorai gïn oigïadagi— ikaiti Diuxi

Romanos 5:1

Kïïga maatï aatïmï aidï sai Diuxi kïïgakïrï gïr nïidi buaboidaitai aatïmï. Suxi Kristo Gïr Nukadakami bhai dui gïr bïïtarï sai xioma uraba óídakana aatïmï Diuxi.

Hechos 15:23

Go Jerusalenïrï buaboitudadami otoi ïmo ojai ïgaikïdï go Antiokiïrï buaboitudadami bïïtarï. Dai go ojai ikaiti, —Aatïmï ojotoxikami ïmadï bhaitï gukakami gïn biaturhi aapimï gïr aaduñi ix makïdï maiti ïr judidiu dai Antiokiana óídaga. Otosai aatïmï ïmo biatuldaragai bïïtarï Siriana oidigïrï dai Ciliciana oidigïrï óídakami ïpï.

Kolosenses 3:15

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.

Filipenses 4:13

Tomax dukai Suxi Kristo ïgai dai gin mamaakai go gubukarhigai. Dai ïgaikïdï ixtutuidikïi aanï tomax tuma daibuñagi.

Romanos 8:39

tomarhi ix makïdï tïkadïrï daja tomarhi ix makïdï utadïrï daja, tomarhi ïmo ixtumaxi ix makïdï idui Diuxi ixtuidimu xi sobhidagi bai ka maiti gïr oigïadagi ïgai. Suxi Kristo Gïr Nukadakami ka bhai dui gïr bïïtarï dai xibi ka mai tipu ixtumaxi sobhidagi bai ka maiti gïr oigïadagi Diuxi. Ka bïïna daraja aatïmï Suxi Kristo Gïr Nukadakami kaxkïdï.

Romanos 1:6

Aapimï tudu gïn báí Diuxi saidi ïr Suxi Kristo tuidadïkana aapimï. Dai xibi buaboitudakai aapimï ka uraba daraja bïïxi go gaa ix makïdï ïr buaboitudadami ïpï.

Apokalipsis 2:1

Daidi go ix makïdï gin ñokidi dai odami maaxi gin tïtïdai, —Aapi Juan, aanï ïr ïgai ix makïdï dagïi go kubarakami xixabugai gin nobi sïïrhixapadïrïana dai saagida aimïrai aanï go kubarakami kukudagi dasakarui oro duñixikami—. Dai aanï aagai sai ojidana aapi ïmo ñoki go tïañikarudï Diuxi ix makïdï nukadai go buaboitudadami Efesoïrï. Dai adukai ojida aapi,

Santiago 1:1

Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

Mataibo 5:16

Ïmo kudakarui dukai aapimï tudu buitapi óídakami. Dai kaxkïdï aanï aagai sai gï agai sai kïïga maaxiko dukai óídakagi aapimï ibuadatai ixtumaxi ïr kïïga óídakami buitapi. Podukai go óídakami gïn tïgito nïijadamu ix dukatai óídaga aapimï. Dai maatï nïijadamu ïgai sai Diuxi gïr Oga ix makïdï tïbagiana daja ïgai dai gïn soikïi sai podukai óídakagi aapimï dai kïïga ñokadamu óídakami Diuxi bïïtarï nïiditai gobai— itïtïdai.

Apokalipsis 3:22

Gobai ïr go ñoki ix makïdï aagidi Diuxi Ibhïadï bïïxi go buaboitudadami ix makïdï aipakoga ïmpaidi. Kïïga abïr gïn tïgito kaïka tudu—.

Apokalipsis 3:14

Daidi go makïdï gin ñokidi dai odami maaxi gin tïtïdai, —Ojidañi ïmo ojai go nukadakamigadï buaboitudadami Laodisiïrï ïpï. Dai adukai ojida aapi, Aanï ïgai dai bïïxkïrï ibuayi ixtumaxi aagagi aanï sai ibuada iñagai. Aanï bïïxkïrï aagai ixtumaxi ïr buaboi dai aanïkïdï ïpï oidatu bïïxi aïkatai ixtumaxi idui Diuxi.

Apokalipsis 3:7

Daidi go makïdï gin ñokidi dai odami maaxi gin tïtïdai, —Ojidañi ïmo ojai go buaboitudadami nukadakamigadï Filadelfiïrï ïpï. Dai adukai ojida aapi, Aanï Diuxi Ïko Dasadï tïgidu dai Sïïrhi Ibuadami tïgidu aanï ïpï. Dai bia aanï ï galbaaxi sïïrhikami ix makïdï biakatadai rey Dabidkaru. Ix dukai biakatadai ïgai sïïrhikami xi tïanïdagi Jerusalenïrï dai aagagi xorai baakiagi ami dai xorai mai baakiagi, aanï podukai bia sïïrhikami xi tïanïdagi dai maakiagi oigaragai ïïmoko xi bapakïdagi xako gatïanïi aanï. Dai bhaiga aanï xi daidagi xorai ipïrhiadagi aanï ïpï. Dai mai tipu xorai gin daidagi.

Apokalipsis 2:29

Idi ojai aagai go ñoki ix makïdï bia Diuxi Ibhïadï bïïxi go buaboitudadami aipakoga ïmpaiñdadami bïïtarï. Kïïga abïr gïn tïgito kaïka gobai tudu—.

Apokalipsis 2:18

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Tiatirana ïpï. Dai adukai ojida aapi, Aanï ïr Diuxi Maradï ix makïdï táí dukai bïpïdokïi gin bupuji dai gin ïïkaso ïpïamaaxi baiñomi kïï buañixikami.

Apokalipsis 2:12

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Pérgamoana. Dai adukai ojida aapi, Aanï ïgai dai bia go maxtai bïï goka padïrï mukadikami

Apokalipsis 2:8

Daidi go ix makïdï gin ñokidi dai odami maaxi gin tïtïdai, —Ojidañi ïmo ojai go buaboitudadami nukadakamigadï Esmirnïrï. Dai adukai ojida aapi, Aanï ïgai dai ka ïkioñdïrï oidakatadai mai kia kïkibakai oidigi dai mai ugitimu aanï tomarhi ïmo imidagai. Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai aanï ikaiti sai,

1 Tomoteo 6:2

Dai xi ïr buaboitudadamikagi amudï ïmo pioñi aidï gia maiti gï agai go pioñi xi soi dukai nïijadagi amudï poïrhiditai sai ïïpïan namïga ïgai buaboitudadamikatai bïï gokatai. Bhaiyoma ïmo pioñi bia sïïrhikami xi bamioma ïïgiadagi dai xadutuadagi amudï xi ïr buaboitudadamikagi ïgai. Ïmo xïgïmï ïgai ïmadï amudï di. Dai kaxkïdï go pioñi gï agai xi kïïgioma gaatabuadagi dai ibuadagi soiñi xïgidï bïïtarï oigïdaitai ïgai. Gï agai xi gatïtïïgiada ñoki aapi Timoteo idikïdï ix makïdï gï aagidimi aanï. Tïañiñi bïïxi go buaboitudadami sai ïïgiada gobai.

Hechos 9:13

Daidi Ananias itïtïdai aidï, —Gin Nukadakami gin oigïdañi dïï muiyoko kajiomakana aanï xïï idi kïïrhi kabami soi buididiña gï aaduñi Jerusalenïrï óídakami.

Romanos 5:5

Dai xi buaboidaitai nïnïrakagi aatïmï xi Diuxi kïïgakïrï gïr bubiadagi aidï gia mai soi gïr ïrhiadamu aatïmï. Dai ïkobïrakoga Diuxi gïr maa Diuxi Ibhïadï dai ïgai gïr maatïturhimi gïr iibïdagïrï ix xïï kïïga gïr oigïdai Diuxi.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

1 Korintios 1:24

Muidu aatïmï ix makïdï ïr Diuxi bapaidadї. Ïïmoko aatïmï ïr judidiu dai jaa gia cho. Dai bïïxkatai aatïmï maatï tïï sai Suxi Kristokïdï gïr ayi Diuxi gubukadadï dai Diuxi tïgibudadï ix makïdï kïï saitudaga.

Filipenses 1:2

Ipïrhidi aanï sai maatï taatana aapimï xïï kïï tutuiga Diuxi gïr Oga dai Suxi Kristo gïn bïïtarï dai sai gïn maakana ïgai ibhïxtaragai gïn ibhïdagïrï.

1Tesalonicenses 1:4

Kïïga maatï aatïmï sai gïn oigïdai Diuxi dai kaxkïdï ïkobai gïn bubaitu ïgai saidi ïr maamaradïkana aapimï.

2 Tesalonicenses 1:2

Dai ipïrhidi aatïmï sai maatï taatagi aapimï xïï kïï tutuiga ïgai gïn bïïtarï dai sai gïn maakana ïgai ibhïxtaragai gïn ibhïdagïrï.