Romanos 1:21 - Northern Tepehuan Bible

²¹ Tomaxi odami kïï maatïkana ix tuiga Diuxi bïïxkïrï mai xadutudai ïgai tomarhi mai bhai gïn ïrhidi Diuxikïdï. Bhaiyoma mos apia soimaaxi ibuayi ïgai dai sïïrhikïdï mai kïïgadukana tïgibudadï.

Tepehuan Northern: Diuusi ñiooquidʌ utuducami oodamicʌdʌ

²¹ Tomasi cʌʌga maatʌ ʌsoimaasi ivuaadami isoidaga Diuusi vʌʌscʌrʌ maisiaa duutudaiña isducatai gʌaagai, tomali maipocaitiña ʌgai sai baigʌnʌlidi Diuusicʌdʌ. Baiyoma ʌgai tʌtʌgitoi istumaasi maicʌcʌʌgaducami dai vaamioma maimaatʌ caʌcana istumaasi cʌcʌʌgaducami.

Romanos 1:21 Referans Kwoze

2 Timoteo 3:2

Amaxi óídakami mai buamï gïn ïrhiadamu jaa bïïtarï ïïgi gïn bïïtarï tïgitokatai ïgai kaxkïdï. Maiti gï agai ix urapïkïda aapi odami ix makïdï po tutiakagi tudu. Ïgai go ïï tuminxi bïïtarï óídakamu aidï dai aipako ajiopadamu dai aagadamu xïïxi ïr gïgïrdukami. Gïgïrdukïdï gïn ïrhiadamu ïgai tudu dai asta parunadamu ïgai Diuxi. Mai ïïgiadamu ïgai ojogadï. Dai bhaitoma mai maatïkamu ixdukatai aagadagi ïmo Diuxi atanamïidaragai. Dai mai xadutuadamu ïgai Diuxi ïpï.

Apokalipsis 14:7

Dai gïgïrï ñokimi aagaitai sai, —Xadutuadabïrai Diuxi mos ïï gïdukatai ïgai. Dai abïr aagada xïïxi ïr gïdukami ïpï. Karhioga ayi ix tuigako Diuxi maakiagai gïgïbidaragai soimaaxi ibuadami tudu. Dai kaxkïdï abïr oigïda ñokada Diuxi bui aagaitai xïï kïï tuiga. Ïgai tudu idui tïbagi dai oidigi dai go gïgïrï susudagi dai asta bïïxi go bapabiki xajadïrï busanïi go sudagi. Bïïxi aïkatai idui ïgai tudu kaxkïdï gï agai xi odami xadutuadagi ïgai— ikaitimi go Diuxi tïañikarudï.

VUAANA 3:19

—Aanï ïr kudagi gï dukami tïtïgiditai odami ix tumaxi ïr buaboi. Dai ayi aanï tami oidigi daama dïï odami ibuadana soimaaxkami dai xioma ojoidiña ix ïxto biagi gïn soimaaxkamiga tukapiïrï dukai oidakatai. Mai ojoidi ïgai ix gï kudaidagi go soimaaxi ix makïdï ibuadana ïgai sai maaxikana. Bhaiyoma ïxto biaka ïrhidi ïgai gïn soimaaxkamiga. Kaxkïdï Diuxi gïgïbitulda agai ïgai.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.

Romanos 11:10

Sai Diuxi mai nïadami biana ïgai aidï. Dai bïïxkïrï bïïtarï sai taatana ïgai gïïpi soi ïrhiaragai, po tudu oja go Dabidkaru.

Romanos 1:28

Odami maiti ipïrhi xi xadutuadagi Diuxi tudu. Kaxkïdï Diuxi dagito xi adaimuagi ïgai tïgibudagai ix makïdï maiti ïr sïïrhi. Dagito ïgai xi odami ibuadagi naana maaxi ix makïdï maiti agai xi ibuadagi.

Romanos 1:19

Diuxi kïïga tïtïïgidi odami ix tuiga ïgai dïï odami modukai mai buaboituda ïrhidi kaxkïdï Diuxi daitudai gïgïbidaragai ïgai abhana.

Romanos 15:9

Suxi dibia saidi odami ix makïdï maiti ïr judidiu xadutuadana Diuxi ïpï maatïkatai sai Diuxi soi gï ïrhidi gïr nïiditai. Podukai tudu ojixi Diuxi ñokidïrï. Ami ikaiti sai, Gin kaï odami ix makïdï maiti ïr judidiu kaxkïdï oigïda ñokadamu aanï aapi Diuxi gï bui. Dai kaxkïdï ganïyimu aanï ïpï gï xadutudaitai, ikaiti go ojai.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

1 Pedro 1:18

Daiñi, Diuxi kïïgakïrï gïn bubaitu gïn ïïkidadï oidakaragaiñdïrï ix makïdï gïn biturhi gïn aaduñi ïïkidadï. Maiti ïr soiñikatadai gïn ïïkidadï oidakaraga tudu. Dai kïïga maatï aapimï sai kabami namï gïn kïïgakïrï bubaidaraga dai Diuxi ïgai dai dáí namïgadï. Ixtumaxi dáí ïgai gïïpi bamioma namïga xi oro xi ïpï plata. Dáí ïgai Suxi Kristo tudu sai mukuna ïgai dai aaxtana ïradï ïmo arhi kañiru dukai mai biakatai ïgai toma lïïchi soimaaxkami abhana.

Genesis 8:21

Dai ojoidan ubaitu Diuxi go xadutudaragai daidi itïi, —Xibi bhaitiakoga ka mai ïpamu xia duadamu aanï oidigi. Kïï maatï aanï odami ix arhidukatai abhiadïrï soimaaxi tïgibodadï. Dïï tomax dukai ka mai ïpamu xia duadamu aanï podukai odami, tomarhi kiiyïrï buxtaki, tomarhi oidigana buxtaki, tomarhi kïkïixi, tomarhi go aarhi kïkïixi, tomarhi ujurugi.

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.