Numeros 20:11 - Northern Tepehuan Bible

¹¹ Dai gokoaja gïïgï Moises go odai uxiaradïkïdï dai gïïpi busai sudagi. Daidi ka jii go odami ïmadï sosoigadï.

Numeros 20:11 Referans Kwoze

1 Korintios 10:4

Dai bïïxkatai gayïdana go sudagi ix makïdï maakaiña Diuxi ïpï dai ix makïdï ïmo odaiñdïrï busanïiña. Dai go odai xajadïrï busai go sudagi ïr ïmo maaxidaragai dukai Suxi Kristokïdï. Kaxkïdï tudu ix dukai gïr aaduñi go odaiñdïrï yïïdana sudagi ïïki dai ïgaikïdï óídakaiña podukai ïpï Suxi Kristo ïmadï aimïraiña dai ïgaikïdï óídakaiña gïr aaduñi ïpï.

Exodo 17:6

—Aanï Horeb tubidakïrï gïn nïnïrakamu go gïï odiïrï. Ami gïïgïmu aapi go odai xi abhiadïrï busaimu sudagi ixtuma iiyagi go odami— itïtïdai Gïr Nukadakami Moises. Bhodïrï podui go Moises ix dukai aagidi Diuxi dai bïïxi go bhaitï gukakamigadï go Israelitas nïidi.

Numeros 20:8

—Bhïkañi gï uxiakarui dai Aagidañi gï sukurhi Aaron xi gï soiñana ïmpaida go odami. Bhodïrï go odami buitapi aagidañi go gïï odai gobai sai gïn oidana sudagi. Busaimu sudagi go odaiñdïrï mos potïkai aapi daidi yïïdamu go odami ïmadï sosoigadï— itïtïdai Gïr Nukadakami.

Santiago 1:20

Xïïxkadï bhaakokodagi aatïmï gobai maiti gïr soikïi saidi buañixikami dukai óídakagi aatïmï ixdukatai Diuxi ipïrhidi tudu.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.