Mataibo 8:2 - Northern Tepehuan Bible

² Dai ami dibia ïmo kïïrhi xako imïitadai go Suxi dai buidïrï ayi. Kabami ïr kokoadï ïgai. Ka dubarhimikatadai tukugadï kokodagaikïdï tudu. Lepra tïgidu go kokodagai ïgai. Dai gï totonakïdï kïkiba go kokoadï ami buidïrï Suxi daidi potïtïdai, —Aapi Gïr Nukadakami, ix ipïldagi aapi kïïga gin duadi antaada aapi— itïtïdai go kïïrhi.

Tepehuan Northern: Diuusi ñiooquidʌ utuducami oodamicʌdʌ

² Tai miaadʌrʌ cʌquiva ʌmo cʌʌli ismaacʌdʌ viaacatadai ʌmo coocodagai ismaacʌdʌ duvaaldi gatuucuga dai siaa duutuli ʌSuusi, daidʌ itʌtʌdai: ―Tʌaanʌdami pʌsipʌliadagi istutuidi aapi isgiñduaaidagi ―astʌtʌdai ʌcʌʌli.

Mataibo 8:2 Referans Kwoze

Mataibo 18:26

Dai go pioñi totonakïdï kïkiba buidïrï go rey dai daañimi sai oigïldana daidi potïtïdai, —Gin oigïdañi dai gin nïnïraka kia nai aanï gï aa namïidamu xïïxi gï buaturhi aanï— itïtïdai.

Mataibo 15:25

Dïï gia go oki mïï dibia buidïrï Suxi dai ami totonakïdï kïkiba daidi potïtïdai, —Gin soiñañi aapi gin Tïanïdamiga— itïtïdai.

1 Korintios 14:25

Kïïga maaxi buajamu aapimï ïgai tïgibudadï ix makïdï ïxtoki biakana ïgai dai maatï nïidamu ïgai sai gïn ïmadï daja Diuxi aagaitai aapimï ïmo ñoki Diuxiañdïrï. Aidï gia totonakïdï gugukadamu ïgai xadutudaitai Diuxi.

Hechos 10:25

Dai aïkai go Piduru Kornelio kiidïrï busai go Kornelio dai biaturhi dai buidïrï kuiki dai xaduturhi bhaiton dukami xi ïr Diuxikatadai Piduru.

VUAANA 9:38

Daidi go kïïrhi itïtïdai, —Gin Tïanïdamiga, aanï gia gï buaboitudai— itïtïdai. Dai bhodïrï totonakïdï kïkiba buidïrï dai xadutugi.

Mataibo 28:17

Daidi tïïgakai ïgai go Suxi ami saidi idui ïgai ïmo xadutudaragai ïgai bïïtarï. Dïï gia ïïmoko mai maatïkatadai ix bhai kïïga buaboitudagi kia ix bhai buaboikïdï ïr go Suxi gobai.

Lukas 4:27

—Dai aidïxi kia oidakatadai go Diuxi ñokituldiadamigadï Eliseokaru tïgidukïdï bhaitoma pogïdui ïpï— itïtïdai. —Aidï mui oidakatadai kokokoñiadï tami Israelïrï ix makïdï biakatadai go lepra tïgidukïdï kokodagai. Dai go Eliseokaru mai duadi tomarhi ïmadutai ïgai dai bhaiyoma duadi ïgai go Naamán ix makïdï ïr Siriañdïrï oidakamikatadai— itïtïdai Suxi go odami.

Mataibo 26:6

Dai aidïpïrï Suxi Betaniana dakatadai kiidïrï ïmo kïïrhi Ximuñi tïgidukami. Go Ximuñi ïkioma biakatadai ïmo kokodagai ix makïdï lepra tïgidu.

Mataibo 20:20

Dai bhodïrï go oñigadï go Zebedeo ïmadï goka maamaradï mïï ayi buidïrï go Suxi dai kuiki buidïrï. Jakobo dai Juan tïtïgidu go maamaradï go oki.

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 13:58

Mai buaboitudai go óídakami ami xako gïrakami go Suxi tudu dai kaxkïdï mai xii mui idui Suxi maaxidaragai ami.

Mataibo 9:18

Kia mesa buidïrï dakatadai Suxi aidï dai kia gamamaakaitadai aatagi bai ami dibia ïmo kïïrhi ix makïdï biakatadai ïmo sïïrhikami kiupaigadïrï go judidiu. Ami ayi ïgai dai tootonakïdï kïkiba buidïrï Suxi daidi potïtïdai, —Utudami ugidagai gin maara oki. Dïï gia buaboitudai aanï sai ix mïï taatagi aapi gï ïkakïdï, kïïga duakatuda antaada ïpamu— itïtïdai.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Mataibo 28:9

Dai kia boiyamu imïi ïgai baidi Suxi buidïrï ayi dai biaturhi, —Bhaiga— itïtïdai. Dai go oki boopoi dai mïï buidïrï kuiki dai taata ïïkasodï dai idui ïmo xadutudaragai ïgai bïïtarï ami.

Mataibo 10:8

—Dai nobai iimïitai abïr duduadada ix makïdï kokokoñikagi dai duduakatudabïrai ix makïdï koiñikagi ïpï. Duduadiabïrai ix makïdï biakagi go ogidïrï kokodagai go lepra tïgidukami tudu dai bubaidabïrai go tïtïañikarudï go diabora óídakamiañdïrï ïpï— itïtïdai. Daidi Suxi potïtïdai ïgai ïpï sai, —Maiti gïn táí aanï toma lïïchi gïn maakakai aanï gubukarhigai ix soikïdagi aapimï óídakami. Dai kaxkïdï maiti abïr tanïda aapimï ïpï soikïitai aapimï go óídakami— itïtïdai.

Mataibo 4:9

Dai potïtïdai ïgai go Suxi, —Kïï gï tïgito nïida. Daiñi, xi gï totonakïdï kïïkibagi aapi Suxi tami gin buidïrï daidi gin xadutuadagi, aidï gia gï maakimu aanï bïïxi gobai ix makïdï nïidi aapi— itïtïdai.

Mataibo 2:11

Daidi ka bapakïkai ïgai ami kiiyïrï tïï ïgai go arhi odami ïmadï dïïdï ix makïdï Maria tïgidu. Dai go mamaatïkami kuiki ami go arhi odami buidïrï dai kïïga xadutugi. Dai kupioka ïgai kajojoño ix makïdï bukatikatadai ïgai dai bubaitu ïgai oidaragai go arhi odami bïïtarï. Oi ïgai oro dai kubhimadarhi dai mira. Gobai oi ïgai go arhi odami tudu xadutudaitai.

Mataibo 8:1

Dai naatokai Suxi aatagidï sai bhodïrï tïbai ïgai ami gidiañdïrï xako gamaatadai ïgai go aatagi. Dai mui óídakami oi maigo taana ami gidiañdïrï.

Mataibo 8:25

Daidi go mamaatïrdamigadï nïñitu go Suxi dai potïtïdai, —Gïr Nukadakami gïr soiñañi. Kaxi atrhioga bhaiko aatïmï— itïtïdai.

Hechos 10:14

—Xadïrï— ikaiti Piduru. —Tomarhi ïmo imidagai maiti ïr ugakami aanï gobai ix makïdï aatïmï judidiu tukurakami dukai nïidi dai daidarxikami gobai aatïmï gïr bïïtarï— ikaiti.