Mataibo 6:7 - Northern Tepehuan Bible

⁷ —Dai maiti gï agai xi muiyoko ïgalbaaxi aagada aapimï ñoki ix makïdï mai maatigian kaiti. Maiti gï agai sai ïpïan dukai ibuadagi go ix makïdï oidi ïma maaxi buaboidaragai tudu. Maiti ïr soiñi gobai. Ix makïdï pobuayi poïrhidi sai Diuxi kaïkamu mos ïï tïbïpi dai muiyoko aagaitai ïgai ñoki. Dïï maiti ïr buaboi gobai.

Tepehuan Northern: Diuusi ñiooquidʌ utuducami oodamicʌdʌ

⁷ Mʌsiʌʌscadʌ gamamadadagi maitavʌr muiyoco aagada ʌmo istumaasi isduucai ivueeyi ʌgai ismaacʌdʌ maivaavoitudai Diuusi dai poʌlidiña ʌgai sai ʌmomoono caʌca agai aliʌ tʌvʌpi ñioocaitai ʌgai tomasi maicaʌ.

Mataibo 6:7 Referans Kwoze

Mataibo 26:44

Dai bhodïrï ïpamu jii Suxi dai aataga Diuxi ïmadï dai ïpamu aagidi sai bhai aagai ïgai saidi gï duna ixdukatai Diuxi bhai ïrhidi xi iduñagi.

Mataibo 6:32

—Gobai ïr ix makïdï adaimïi odami ix makïdï mai buaboitudai Diuxi tudu. Gokïdï buamï gïn ïrhidiña ïgai. Maiti gï agai gobai tudu. Diuxi gïr Oga ix makïdï tïbagiana daja kïïga maatï ixtumaxi tïgitokana aapimï kaxkïdï— itïtïdai.

Hechos 19:34

Daidi go odami máítadai ix ïgai ïr judiu dai mos gukatai iñakai parï go hora daidi ikaitimi ïgai bïïxkatai, —Gia ïr gïdukïdï Diana, diuxigadï Efeso— ikaitimi.

Mataibo 26:42

Dai maigo jii Suxi ïpamu dai aataga agai Diuxi ïmadï. Daidi potïtïdai ïgai, —Gin Oga, ix gï agadagi xi soimaaxi taatagi aanï, bhai aagai aanï sai pogïduna ix dukatai aapi bhai ïrhidi— itïtïdai.

Mataibo 26:39

Bhodïrï ïpï lachi bhaitïki jii ïgai dai ami kupurhi boi ïgai dïbïrapi. Kaxi miadaimitadai go kaduku xi taata agai ïgai ïmo gïïdukami soi ïrhiaragai tudu dai kaxkïdï gadaanïi ïgai Diuxi saidi maigobai dasana. Daidi potïtïdai ïgai Diuxi, —Gin Oga, gin oigïdakai gin maaka oigaragai ix mai soimaaxi taatagi aanï idi soi ïrhiaragai ix oidakagi ïma dukai ix dukatai kïïgakïrï bubiadagi óídakami— itïtïdai. —Dïï aanï aagai sai gin duiñtuldana ixdukatai aapi bhai ïrhidi dai mai xu xi ixdukatai aanï bhai ïrhidi toma xïï soimaaxi taadakagi aanï— itïtïdai.

Mataibo 18:17

Dai xi modukai maiti ipïrhiadagi ïgai xi gïn ïïgiadagi abïr aagida bïïxkatai go buaboitudadami. Dai xi apia dukai maiti ipïrhiadagi ïgai xi ïma dukai gï tïgitoagi, aidï gia maiti abïr biaka urabaragai ïgai ïmadï. Ïmo mai buaboitudadami kabami soimaaxi ibuadami dukai abïr nïijada aidï. Ïmo taanïdami kuota ix makïdï mai sïïrhi aatabuayi podukai abïr nïijada tudu— itïtïdai Suxi.