Mataibo 6:5 - Northern Tepehuan Bible

⁵ —Kaxi gïn aagidi aanï sai oidaga odami ix makïdï kïï tutiakami gïn dadasai dai mai kïï tutuiga. Ïgai daanïiña Diuxi kïï tutiakami dukai gïn dadasaitai. Dïï gia aapimï maiti gï agai xi ïpïandukai gadaanïdagi. Ïgai ojoidi xi jaa nïijadagi xïïxkadï gadaanïdagi ïgai. Dai kaxkïdï jaa buitapi gukakana kiupiana xiïpï no kaiyana. Ipïrhidi ïgai sai jaa nïijadagi dai kïïga tutiakami ïrhiadagi kaxkïdï. Gobai gaagai ïgai tudu sai kïï tutiakami ïrhiadagi jaa gadaanïitai ïgai óídakami buitapi. Dai aanï agai sai mosïkaxi gobai ïr maitïkidïka agai ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁵ Dai mʌsiʌʌscadʌ gamamadada aapimʌ, maitavʌr ʌpan duucai ivuaada ʌgai ismaacʌdʌ aagai ʌmo istumaasi dai ʌma maasi ivueeyi, ʌgai oojoidi isgugucaitai gamamadadagi quiquiuupiʌrʌ dai cacaayana sai nʌidiña ʌoodami. Sʌʌlicʌdʌ angʌnaagidi sai gʌrooga ismaacʌdʌ tʌvaagiʌrʌ daja maitʌnoidamu tomali ʌmo istumaasi.

Mataibo 6:5 Referans Kwoze

Mataibo 6:2

Maiti abïr ibuada ix dukai ibuayi go odami ix makïdï kïï tutiakami gïn dadasai dai mai kïï tutuiga tudu. Xïïxkadï soikïda agadagi ïgai ïmo soitigami gïgïr ibaiña trompetakïdï sai bïïxi go óídakami maatïkana. Po buayi ïgai ipïrhiditai sai kïïga gïn tïgito nïijadagi jaa dai kïïga ñokada ïgai bïïtarï tudu. Dai kïïga ïr buaboi sai kïïga ñokada antaada jaa aagaitai ïgai dïï mosïkaxi gobai ïr maitïkidïka agai ïgai. Diuxi mai maaki agai ïmai maitïki tudu— itïtïdai Suxi.

Lukas 18:13

Dïï gia go taanïdami kuota gïïpi ïma dukai aagai gadaanïitai. Ïgai gia bhai mïkaxdïrï bii dai tomarhi maiti ipïrhi xi táí nïnïabagi tïbagiamakoga. Dai gïbaiña ïïgi taagidï soi ïrhiarakïdï maatïkatai sai kabami ïr soimaaxi ibuadami ïgai Diuxi bïïtarï. Daidi ikaitiña, —Soi gïldakai gin nïida aapi Diuxi. Aanï gia sïïrhikïdï ïr soimaaxi ibuadami— ikaiti gadaanïitai ïpï.

Markos 11:25

Xudu aataga agadagi aapimï ïmadï Diuxi dai gïn tïgitoagi xi ïmadutai soi gïn buididi abïr oigïlda tomax tuma soi gïn buididi ïgai. Aidï gia kïïgadu ix aatagada aapimï ïmadï Diuxi.

Lukas 20:47

Ïgai mai xaïraitai gaïxidiña kiikidї bipiudu dai tïtïbïdukami aagaiña daañigai Diuxi sai odami po gïn ïrhiada sai kïï tutuiga ïgai. Ïgai gia kïï bïtïkami biakamu gïgïbidaragai— itïtïdai Suxi.

Santiago 4:6

Dai tomaxi oijada antaadakagi aatïmï ïïgi gïr tïgibudaga soimaaxkïdï Diuxi bïïxkïrï kïï tuiga dai gïr soikïi saidi ïgai oijadiña aatïmï bhaiyoma. Agia kïï tuiga Diuxi gïr bïïtarï. Kaxkïdï pokaiti Diuxi ñokidïrï saidi, Odami ix makïdï gïgïrdukïdï gïn ïrhidi ïr buidïrï bïïtïkamigadï Diuxi. Dai kïï tuiga Diuxi odami bïïtarï ix makïdï mai gïgïrdukïdï gïn ïrhiadagi. Kïïga soikïi ïgai tudu, ikaiti go ojai.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Lukas 11:43

—Daiñi aapimï fariseos, sïïrhikïdï ojoidi xi go kïïgadukïdioma daikaruana daraibagi xïxkadï kiupiana bapakïdagi aapimï. Dai ojoidi aapimï ïpï xi kïïga gïn xadutudaitai gïn biatuldagi odami xïïxkadï gïn tïïgiagi kaiyana— itïtïdai.

Mataibo 21:22

—Ix buaboidaitai daanïdagi aapimï Diuxi ïgai gïn maakimu ixtumaxi tanïdagi aapimï— itïtïdai Suxi.

1Tesalonicenses 5:17

Daidi abïr aatagada Diuxi ïmadï bïïxkïrï.

VUAANA 16:24

Dai xibi ukami mai kia gatáí aapimï tomarhi ïmo ixtumaxi aagaitai ix ïr gin mamaatïrdamiga aapimï. Tanïdabïrai tudu bai kïïga bhai gïn ïrhidiña biakatai ix tumaxi gataanïdagi aapimï— itïtïdai.

Markos 12:38

Dai Suxi apia gamaakaitadai ñoki go odami daidi potïtïdai, —Gïn nukadabïrai xi maiti gïn bupuirumadagi go mamaatïtuldiadami sïïrhikami. Ïgai arhiï ojoidi xi aadadagi bapasaragai tïïtïbïdukami dai sai kïï xadutuadan dukai gïn biatuldada odami kayana.

Mataibo 9:38

—Daanïdabïrai Diuxi tudu sai otosana mui odami saidi yooban duñagi ïgai óídakami soikïitai ix buaboitudagi ïgai— itïtïdai. —Diuxi ïgai dai gatïanïi go yoobaragïrï tudu— itïtïdai.

Mataibo 23:13

Dai bhodïrï maa ñoki Suxi go fariseos ïmadï go tïtïïgiadami sïïrhikami. Daidi potïtïdai ïgai, —Agia soimaaxi taatama agai aapimï fariseos dai tïtïïgiadami sïïrhikami. Kïï tutiakami dukai gïn dadasai aapimï dai mai kïï tutuiga— itïtïdai. —Ga tïtïïgidi aapimï aatagi ix makïdï maiti ïr buaboi tudu dai podukai sobhikïdan buayi aapimï óídakami ix biakagi oigaragai xi tïanïdagi Diuxi. Ïpïan dukami gobai xi kuupandagi aapimï kuuparagai sai mai bapakïdagi óídakami xako gatïanïi Diuxi. Mai bapakïi aapimï dai mai daadagitoi aapimï jaa xi bapakïdagi ïpï tudu.

Mataibo 23:6

Ipïrhidi ïgai sai óídakami kïïga xadutuadagi ïgai tudu. Dai kaxkïdï xïïxkadï pogïbuadagi ïmo kuadagai óídakami bïïtarï go fariseos bïïxkïrï ipïrhidiña xi kïkïïgadukïdioma daraikaruana daraibagi. Dai pobuayi ïgai ïpï xïïxkadï go judidiu kiupaigadïana darakagi ïgai.

Mataibo 6:16

Dai oi Suxi go aatagi daidi potïtïdai, —Daiñi— itïtïdai. —Ïïmo odami xïïxkadï maiti gakuadagi ïgai ïmo xadutudaragai dukai gadaanïitai Diuxi aidï mai gaxiubaiña kuupadï dai mai bakuanaiña buibasodï. Soi gïn ïrhiadan maaxkana ïgai tudu ipïrhiditai sai nïijadagi jaa dai podukai kïï tutiakami gïn dadasai ïgai. Dai kïïga ïr buaboi sai ïïmo óídakami kïï tutiakami aaga antaada tudu. Dïï gia mosïkaxi gobai ix makïdï aagagi odami ïgai bïïtarï ïr maitïkidïka agai. Mai buimu ïgai ixtumaxi Diuxi amadïrï tudu. Kïï tutiakami gïn dadasai ïgai dïï mos maiti ïr buaboi kaxkïdï— itïtïdai.

Mataibo 6:1

—Gin aaduñi, kïïga bhai maaxi xi ibuada aapimï ixtumaxi ïr kïïga. Dïï gia gïn nukadabïrai dai kïïga abïr gïn tïgito nïida ix tuma bïïtarï ibuadagi aapimï. Maiti gï agai tudu xi kïï tutiakami dukai ibuadagi aapimï sai jaa odami kïï tutiakami gïn aagaiña. Xi po maaxi bïïtarï buadagi aapimï ixtumaxi ïr kïïga aidï gia ka mai bhïimu aapimï gïn maitïki ix makïdï bia Diuxi gïn Oga gïn bïïtarï.

Mataibo 23:5

—Gïn aagidamu aanï ix tutuiga go tïtïïgiadami sïïrhikami ïmadï go fariseos tudu— itïtïdai. —Daiñi, ïgai ojai Diuxi ñokidï aarhi papeperhiïrï dai bhodïrï aarhi kaja ïrana darasai dai kobadïrï dai ïïkadïrï bupurai go aarhi kaja. Podukai gïn biturhi ïgai kaxkïdï. Dïï gia ojoidi ïgai xi bamioma gïrhidagi go aarhi kaja ix makïdï gïn bupurai ïgai saidi odami gïn tïgito nïidiña dai sai pokaitiña odami sai ïgai gia kïïga xadutudai Diuxi. Ojoidi ïgai ïpï sai gïn aadadagi yukuxi ix makïdï ugidïrï kïïga tïïtïbïdu naanakadï ix dukai gïn aadai odami ïmo xadutudaragai dukai Diuxi bïïtarï tudu. Dïï gia go tïtïïgiadami sïïrhikami ïmadï go fariseos pobuayi ipïrhiditai sai gïn tïgito nïidiña odami dai kïï ñokaiña ïgai bïïtarï bhaiyoma.

Lukas 6:24

—Dïï gia sogigi aapimï ix makïdï gïn bipidakami duu. Kïï bia aapimï gïn bhai ïrhiaraga xibi dïï gokiïrï mai tipukamu bamioma bhai ïrhiaraga gïn bïïtarï— itïtïdai.