Mataibo 3:1 - Northern Tepehuan Bible1 Dai gokiïrï sai dibia ïmo kïïrhi Juan tïgidukami ix makïdï bapakonadami aagaiña óídakami. Ayi ïgai oidigana ami Judea munisipiogadïrï dai ami gamamaakaiña aatagi go óídakami. Gade chapit laTepehuan Northern: Diuusi ñiooquidʌ utuducami oodamicʌdʌ1 Aidʌ tuigaco oidigana Judeea dʌvʌʌriʌrʌ divia ʌVuaana ismaacʌdʌ vapaconai ʌoodami, Gade chapit la |
—Kaxkïdï aanï aagai sai ïïki abhiadïrï mai tipukana xorai bamioma namïakagi xi bhai go Juan ix makïdï bapakonadami aagaiña odami. Mai tipu óídakami saagida xorai bamioma namïakagi xi ïgai tudu. Dïï gia tomax xïïxi namïakagi go Juan bïïxkïrï oidaga xorai bamioma namïga xi ïgai Diuxi bïïtarï gatïanïitai ïgai. Diuxi bïïtarï asta go otïrhioma namïakïdï oidakami bïïxkïrï bamioma namïga xi bhai go Juan tudu— itïtïdai.
Dai bhodïrï iji go ojotosadï Juan abhiadïrï daidi Suxi aagidi go odami ïmo ñoki aagaitai go Juan daidi potïtïdai, —Kïï maatï aanï sai muidutai aapimï ajiopatadai oidigamu baasïki nïida ïrhiditai ixtumaxi oidaga ami. ¿Ix tuma nïida ïrhiditadai aapimï ami aidï? ¿Mïx nïnïidi mosïkaxi ïmo basoi bougïadï ix makïdï ami kïakatadai dai aipako oiñïitadai ïbïrhikïdï? Xadïrï.
Dai bhodïrï ka ijitadai go ojotosadï Juan abhiadïrï daidi Suxi aagidi go odami ïmo ñoki aagaitai go Juan daidi potïtïdai, —Kïï maatï aanï sai muidutai ajiopaiña aapimï oidigana nïida ïrhiditai aapimï go Juan amïka. ¿Dai ix tuigakami ïrhidi aapimï go Juan dai mïï nïida ïrhiditadai aapimï tudu? ¿Pobïn ïrhiditadai mïxi sai ïgai mai xïï kïï maatï ix tuma buaboitudagi dai sai dudatai ïmapïbuayi ñokidï ïpïan dukami ïmo basoi ix makïdï aipakoga oiñïi ïbïrhikïdï? ¿Po tuigakami kïïrhi mïx nïida ïrhiditadai? Cho ¿aba?
—Go Juan dibia dai gïn tïtïïgidi ix dukatai buañixikami óídakagi aapimï dïï aapimï mai buaboida kaï. Dïï gia muidutai go taanïdami kuota dai kïkïïrhimïrhiakami oki kïïga buaboida kaï. Dai tomaxi nïidi aapimï sai ïgai gia ka buaboida kaï modukai aapimï mai ïma dukai gïn tïtïgito dai maiti ipïrhi xi buaboitudagi— itïtïdai Suxi go dudunukami.
Ïïki oidakatadai ïmo kïïrhi Isaias tïgidukami. Ïgai ïr ïmo aagadamikatadai Diuxiañdïrï ñoki, daidi gaoja ïgai ix kaiti Diuxi. Ïmo imidagai Diuxi aataga ïmadï maradï dai Isaias oja ix kaiti ïgai. Diuxi potïtïdai maradï aidï, —Aapi ïr gin maara. Dai otosamu aanï ïmoko gin otoxikami aapi gï bhaitïki bai ïgai aagidana odami sai karhioga dibia aapi oidigi daama, itïtïdai Diuxi. Podukai kaxi bhai gïn dukagi odami pïx xuduku aiyagi, itïtïdai.