Mataibo 27:4 - Northern Tepehuan Bible

⁴ Dai potïtïdai ïgai go dudunukami, —Agia soimaaxi idui aanï gatïïgidakai aanï go Suxi maiti ïr soimaaxi idukamikatai ïgai— itïtïdai. Daidi go dudunukami potïtïdai, —Aatïmï gïr bïïtarï maiti ïr ixtumaxi gobai. Ïïgi aapi ïr gï duñi gobai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴ Daidʌ itʌtʌdai: ―Aliʌ soimaasi idui aanʌ gatʌʌgidacai ʌmo cʌʌli maigʌpiʌrʌ caatʌcami mʌsai muaana ―astʌtʌdai ʌUudasi. Dʌmos ʌgai aa noragi daidʌ itʌtʌdai: ―¿Dai gomaasi tumaasi ʌrgʌrvʌʌtarʌ aatʌmʌ? Aapi ʌʌgi ʌrgʌduñi ―astʌtʌdai.

Mataibo 27:4 Referans Kwoze

1 Juan 3:12

Daiñi, maiti gï agai xi ïpïan buadagi aapimï go Kain ix makïdï urabakatadai go diabora dai ïïgi mua sukurhidï. Oiditadai ïgai go soimaaxkami tudu dai sukurhidï oiditadai ixtumaxi ïr sïïrhi dai kaxkïdï kïïdaitadai ïgai sukurhidï dai mua.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Tito 1:16

Po kaitiña ïgai sai buaboitudai Diuxi dïï maatiga maaxi sai maiti ïr buaboi nïiditai ixtumaxi ibuayi. Mai ïïgidaraga ïgai tudu dai maiti ixtutuidikïi xi ibuadagi ixtumaxi ïr kïïga. Kaxkïdï go ïï tukuragai dukai nïidi Diuxi ïgai.

1 Tomoteo 4:2

Go maakadami aatagi ïgai sïïrhikïdï yaatabogaka agai tudu. Dai bïïxi bhai ïrhiarakïdï adaimu ïgai go soimaaxi asta xïxkadï ka mai taatakamu ixtumaxi ïr soimaaxkami.

Romanos 3:19

Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.

Hechos 13:28

Tomaxi go Jerusalenïrï óídakami mai tïï tomarhi ïmo ixtumaxi soimaaxkami Suxi bui, bïïxkïrï aagidi ïgai go Pilato sai tïanïna muaragai.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

Lukas 23:47

Dai kapitañigadï go sandadaru ami darakïdï kïïga ño Diuxi bïïtarï daidi itïi, —Agia ïr buaboi sai idi kïïrhi maiti ïr soimaaxi idukami— itïi ïgai nïiditai ixdukatai pogïduitadai.

Lukas 23:41

Dai aanï ïmadï aapi gia gïr ajïakatadai idi gïgïbidaragai. Soimaaxi ibuadami aatïmï kaxkïdï. Dïï gia idi kïïrhi gia maiti ïr soimaaxi ibuadami. Gï agaitadai xi ïbhiadagi aapi Diuxi dai mai podukai ñokadagi— itïtïdai.

Lukas 23:22

Dai go Pilato ïpamu ñokidi go odami daidi potïtïdai, —¿Ix tuixi xixana aatïmï kuruxiana? ¿Tuma soimaaxi idui gobai?— itïtïdai. —Aanï po in ïrhidi sai maiti idui gobai soimaaxi ixtukïdï gatïanïna aanï muaragai di. Kaxkïdï gatïañimu aanï sai gï gïgïbitudana ïgai ikixanaikïdï dai bhodïrï dagitomu aanï bhaiyoma— itïtïdai.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Mataibo 27:19

Dai go gïï daikaruana dakatadai go Pilato aidï xako dakatai gatïanïiña ïgai. Daidi oñigadï otoxdi ñoki ami. Daidi potïtïdai, —Maiti gï agai xi gïpiïrï daitudagi aapi go kïïrhi gobai. Maiti gï agai ix maakada gïgïbidaragai tudu. Maiti ïr soimaaxi ibuadami gobai toma lïïchi kaxkïdï. Tukarï tïïtïkimi gobaikïdï dai kabami soimaaxi taata aanï gokïdï— as duu otoxdi ñoki go oki.

Jonas 1:14

Dai go iimidadami barkoañdïrï daañimi Gïr Nukadakami daidi potïtïdai, —Idi kïïrhi ïr duñidï— itïtïdai. —Maiti gïr dagito xi koiyagi aatïmï bïïxkatai ïgai ïmadï. Aapi adaama ïr Tïanïdami di. Dai aapi ibuayi ïïgi pïx dukatai ipïrhiadagi. Kaxkïdï aatïmï gï daanïi xibi xi maiti gïr aituldagi aapi gïïgïbidaragai xi muagi aatïmï idi kïïrhi sudaïrï daitudakai. Xi duñada maiti ïr duñidïkagi ïgai xi podukai gïr ayi go ïbïrhi— ikaiti barkoana iimidadami gadaanïitai ïgai Diuxi.

Exodo 12:31

Mai kia maaxikai oidigi go Rey otoxi ñoki go Moises ïmadï Aaron xi mïï buidïrï gukibana. Dai bhodïrï amïï aïkai ïgai itïtïdai, —Iimibïrai aapimï tabhiadïrï daidi abïr baidaja gïn aaduñi go Israelitas dai abïr dagito aapimï gin aaduñi. Mïïka abïr koda buxtaki dai daxda Diuxi podukai ixdukai agaitadai aapimï.

Apokalipsis 11:10

Kabami soi maaxi taatamiturhiña go Diuxi ojotosadï go óídakami ix makïdï mai buaboitudai xi kaxkïdï bhai gïn ïjïldamu óídakami kokai ïgai dai ibuadamu bagimi dai asta gïn oidada agai oidaragai aipakoga bhai gïn ïrhiditai.