Mataibo 27:22 - Northern Tepehuan Bible

²² Daidi go Pilato potïtïdai, —¿Ix duna aidï aanï go Suxi ix makïdï Diuxi otosadï aagaiña óídakami?— itïtïdai. Dai go odami ijiñakimi daidi ikaitimi, —Kuruxiana abïr xixa— ikaitimi.

Tepehuan Northern: Diuusi ñiooquidʌ utuducami oodamicʌdʌ

²² Taidʌ ʌPilaato tʌcacai daidʌ itʌtʌdai: ―¿Dai goSuusi mʌismaacʌdʌ Cristo aagai ducatai iduuna aanʌ? ―astʌtʌdai. Tai vʌʌscatai aa noragi daidʌ itʌtʌdai: ―Siisañi curusiaba vai poduu muucuna ―astʌtʌdai.

Mataibo 27:22 Referans Kwoze

Hechos 13:38

Kaxkïdï aanï ipïrhidi xi maatïkagi aapimï gin aaduñi sai Suxi Kristo bhai dui gïr bïïtarï sai Diuxi oigïldana gïr soimaaxkamiga.

Markos 14:55

Dai Suxi tukabi kïakatadai buidïrï go daxdadami bhaitï gukakïdï dai buidïrï bïïxi go gaa dudunukami ïpï. Go dudunukami tïañia ïrhiditadai muaragai go Suxi dïï mos mai tïï ixtukïdï gïpiïrï buajagi.

Mataibo 27:17

Dai mïï dada go odami muidutai xako daja go Pilato. Daidi go Pilato potïtïdai, —¿Ix makïdï maixapikami ipïrhidi aapimï ix dagitoagi aanï?— itïtïdai. —¿Aagai mïxi ix dagito aanï go Barabás xiïpï ix dagitoagi aanï go Suxi ix makïdï Diuxi otosadï gabhaitïkïakami aagaiña go óídakami?— itïtïdai.

Mataibo 1:16

Go Jakobo marai go Josekaru ix makïdï ïr kunadïkatadai go Maria. Dai go Maria ïr dïïdï Suxi Kristo.

Mataibo 27:21

Daidi go Pilato potïtïdai go odami aidï, —¿Ipïrhidi mïxi ix dagitoagi aanï go Suxi? ¿Go Barabás xio?— itïtïdai. —Dagitoñi go Barabás— ikaiti go odami.

Mataibo 27:23

Daidi go Pilato potïtïdai, —¿Tuixidï gï agai gobai xixagi kuruxiana?— itïtïdai. —¿Tumaxi soimaaxi ibuadami gobai tudu?— itïtïdai. Dïï go odami apia bamioma ijiñakimi daidi ikaitimi, —Kuruxiana abïr xixa— ikaitimi.

VUAANA 4:25

Daidi go oki itïtïdai, —Aanï kïï maatï sai dibiagai ïmo Otosadï Diuxi ix makïdï ïr go Ga Tïanïdami ka agai. Dai ïgai gïr maatïtulda agai bïïxi aïkatai dibiakai— itïtïdai.

Hechos 13:28

Tomaxi go Jerusalenïrï óídakami mai tïï tomarhi ïmo ixtumaxi soimaaxkami Suxi bui, bïïxkïrï aagidi ïgai go Pilato sai tïanïna muaragai.