Mataibo 25:10 - Northern Tepehuan Bible

¹⁰ —Dai utudama ijitadai ïgai gasabïda agaitai asaiti bai ka ayi go ix makïdï onta agai. Dai go aarhi oki ix makïdï gia kïïga gïn tïgito bapai ïmo kiiyïrï ïgai ïmadï xako po gï duña agai go kunataragai. Daidi ka bapakïkai ïgai sai gï kuu go kuuparagai ami—.

Tepehuan Northern: Diuusi ñiooquidʌ utuducami oodamicʌdʌ

¹⁰ Dai aidʌsi utudama mʌʌca gasavʌdamu ʌgai ʌasaiti sai aayi ʌnoovio. Dai ʌaali tʌtʌʌji ismaacʌdʌ cʌʌga gʌntʌtʌgito vaapa ʌnoovio ʌʌmadu ami cunataragiʌrʌ, dai cuu ʌcuuparagai.

Mataibo 25:10 Referans Kwoze

1 Pedro 1:13

Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.

Mataibo 24:44

Podukai tudu gï agai xi gin nïnïrakagi aapimï ïpï aanï ix makïdï ïr otosadï Diuxi dai ïmo kïïrhi busai. Podukai abïr gin nïnïraka mai maatïkatai xuduku ayimu aanï— itïtïdai.

Apokalipsis 22:20

Dai Suxi Kristo ikaiti, —Kïïga ïr buaboi sai otoma dibiamu aanï— ikaiti. Suxi Kristo tudu ïgai dai aagidi go ñoki ix makïdï ojixi idi libroïrï. Dai aanï Juan pokaiti sai ïjï, sai pogïduna. Ipïrhidi aanï sai otoma dibiana Suxi Kristo Gïr Nukadakami.

Mataibo 25:6

Daidi bhodïrï ïran tukarï no xibhïkai iiña ixtumaxi daidi ikaiti, —Ka bhodïrï imïi ix makïdï onta agai— ikaiti. —Iimibïrai aapimï aarhi oki dai amïka abïr buidïrï ayi— ikaiti ixtumaxi.

Genesis 7:16

Diuxi ka aagiditadai go Noé ix bapasana ïgai ïïmo okiadï dai ïïmo kïkïïrhiadï ix makïdï baapasa agaitadai ïgai barko ïrana dai ka pobï dui. Dai ka bapakïkai ïgai Gïr Nukadakami kuu kuuparadï go barko.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

Apokalipsis 1:7

Kïïga gï tïgito kaïka idi ñoki, daiñi, ayimu ixtuigako dibiamu Suxi Kristo iikomai saagida imïitai dai bïïxi óídakami nïijadamu. Asta go odami ix makïdï sïi kuruxiana xixakai bïïxi nïijadamu ïpï. Dai bïïxi oidigi daama óídakami kabami suanïdamu nïiditai. Kïïga ïr buaboi xi pobai gï duñagai gobai.

Kolosenses 1:12

aagidiña aapimï Diuxi sai kïïga bhai gïn ïrhidi ïgaikïdï. Sai bhai gïn ïrhidiña aapimï tudu Diuxikïdï maatïkatai sai ïgai ka bhai gïr dui sai biakana aatïmï bïïxi ixtumaxi bia Diuxi gïr bïïtarï. Aatïmï gïr bïïtarï tudu ix makïdï kaxi ïr maamaradï. Aatïmï ix makïdï kudagiïrï dukai óídaga ïïgiditai ixtumaxi ïr buaboi tudu.

Mataibo 7:21

—Daiñi— itïtïdai. —Diuxi gin Oga tïbagiana daja. Dai aanï agai sai mosïkaxi odami ix makïdï ibuadagi ixtumaxi Diuxi ipïrhidi biaka agai oigaragai xi urabagi go odami ix makïdï tïanïi ïgai. Oidaga mui óídakami ix makïdï mai biaka agai oigaragai ix tïanïdagi Diuxi tudu. Dai aanï aagai sai mai biakamu ïgai oigaragai tomaxi dudatai Tïanïdami gin aagaiña ïgai.

Mataibo 24:42

Daidi Suxi potïtïdai ïpï, —Gï agai xi kïïga nïnïasïrhigan dukai nïnïrakagi aapimï xïïxkadï aiyagi aanï.

Mataibo 24:43

Daiñi, ïmo oidakami xadïrï kosokana ix maatïkagi ïgai sai ami kiidïrï ayi agai ïmo ïxibugami. Nïnïasïrhigan dukai dakana ïgai bhaiyoma dai mai daadagitoiña ïgai go ïxibugami xi bakiagi sai mai popoidana ïgai buxtuidadï.

Lukas 12:35

Daidi Suxi potïtïdai ïpï, —Gin aaduñi, imimu aanï tabhiadïrï dai gokiïrï ïpïan dibiamu dai mai maatïkamu aapimï xuduku dibiamu aanï. Gï agai tudu xi bhai gïn dukagi toma xuduku. Kïï maatï aapimï sai xïïxkadï ïmo ga amu imiagi kiiyañdïrï ïmo kunataragiana sai gï agai pipioñigadï xi bhai gïn dukagi mai maatïkatai xuduku dibiamu ïpamu. Asta tukarï bïïxi gï agai xi gïn aadakagi ïgai yukuxi tudu dai xi kudidakagi kudakarudï sai bhaigakana ïgai xi otoma kupiokagi kitaagiña xïïxkadï aiyagi amudï dai taañiagi baakigai. Podukai gï agai xi bhai gïn dukagi aapimï ïpï gin nïnïrakatai— itïtïdai.

Apokalipsis 19:7

—Gï agai sai kabami bhai gïr ïrhiadagi aatïmï dai oigïda ñokadagi Diuxi bïïtarï aagaitai xi ïr gïdukami ïgai. Kaxkïdï tudu ka ayi ix tuigako go Arhi Kañiru ïmadï biiyagi nobiagadï. Dai nobiagadï ka bhai gï dui.