Mataibo 24:7 - Northern Tepehuan Bible

⁷ Naana maaxi nïijadamu aapimï kia tudu. Ïma maa ñokadami bui surhigi agai jaa ix makïdï ïmamaaxi ñokai dai podukai ïpï mui gïgïr tïtïanïdamigadï go aipakoga óídakami gïn bupui surhigi agai ïpï. Muiyapïrï gigiburhi agai oidigi dai kabami oidakami bhiugigai aipakoga.

Tepehuan Northern: Diuusi ñiooquidʌ utuducami oodamicʌdʌ

⁷ Ʌmo dʌvʌʌriʌrʌ oidacami cocuadamu ʌmai dʌvʌʌriʌrʌ oidacami dai oidacamu biuugigai dai coocodagai aipacoga dai aliʌ cavami gigivucudamu ʌʌmapʌcʌrʌ gooidigi.

Mataibo 24:7 Referans Kwoze

Lukas 21:11

Aidï ïïmapïkïrï gigibukïdamu oidigi kabami dai aipakoga oidakamu bhiugigai dai kokodagai. Dai tïbagiana maaxkamu duadimudaraka mamaaxkami maaxidaragai— astïdai.

Apokalipsis 6:8

Dai gamo nïnïaba aanï dai tïï ïmo kabayo komaikami xi ami dibiatadai dai ix makïdï daama daitugai Mukigami tïgidu dai ïmai oiditadai ïpï ix makïdï Hades tïgidu. Dai Diuxi maa gubukarhigai go makïdï kabayo daama daitugai ïmadï go makïdï oidi sai kodana mui óídakami. Maa gubukarhigai sai kodana ïïmo odami xakoga maakuadukagi ïgai bai mos arhi babaika biyagi. Maa gubukarhigai sai kodana mui odami dukami xi oidakagi maakoba mirhi óídakami maa ïgai oigaragai sai kodana ïmo mirhi dai mos podukai bïï óídakami saagidañdïrï biakatadai ïgai oigaragai xi kodagi ïïmoko. Dai kodaiña ïgai kokodiïrï dai bhiugigaikïdï dai kokodagaikïdï dai naana maaxi kïkïixi oomarhigamikïdï ix makïdï oidigi daama ajiopai.

Hechos 11:28

Dai Diuxi Ibhïadï maa gubukadagai ïmoko Agabo tïgidukami dai ïgai kïkiba buaboitudadami ïmpaiñdaradïrï daidi ïkiaxdïrï aagidi sai ayi agaitadai ïmo gïï bhiugigai bïïxi oidigi daama. Dai buaboi busai gobai aidïxi dakatadai go gïï dunukami Klaudio tïgidukami.

Apokalipsis 6:12

Dai bhodïrï nïidi aanï aidïxi upasdi go Arhi Kañiru ïpï ïmo seyugadï go libro. Dai aidïpïrï kabami gigiburhi oidigi dai tukutu go tasai, ïpïamaaxi bii ïmo boopoi kostarhi tukukami. Dai go masadai kabami bïgitu, ïrai maaxi bii bïgikatai.

Hebreos 12:27

Dai gobai itïiya ïrhidi sai xia duadamu ïgai bïïxi ixtumaxi idui ix makïdï mai bïïxkïrï bïïtarï kabaka agai, mai xudu xi ïr ixtumaxi tïbagiana xi ïr tami oidigi daama ïpï. Bïïxi xia duadamu ïgai. Poduñimu ïgai sai mosïkaxi biïna ixtumaxi gia bïïxkïrï bïïtarï kaapakana.

Hechos 2:19

Dai tïkabi tïbagiana ïmadï tami dumarhi dïbïrapi iduñimu aanï naana maaxi ixtumaxi ix makïdï ïïgi bhaiga aanï xi duñagi. Dai odami tïïgimu gïïpi ïrai dai táí ïmadï kubhuxi.

Apokalipsis 6:5

Bhodïrï upai go Arhi Kañiru ïpï ïmai seyugadï go libro dai aidï kaï aanï ïpï ïmai go duduakakami ixtumaxi dai ñokidi ïgai ïmai ix makïdï mai kia gï maaxitutadai daidi potïtïdai, —Gimi— itïtïdai. Dai gamo nïnïaba aanï dai tïï xi ami dibiatadai ïmo kabayo tukukami dai ix makïdï daama daitugai dagïka imïi ïmo bïtïdakarui ïkadïrï.

Apokalipsis 6:6

Dai kaï aanï ïmo ñokadami xi go maakoba duduakakami ixtumaxi saagidañdïrï ño daidi ikaiti, —Mosïkaxi ïmo litro tïrhigi xiïpï baika litro sebada gï maitïkïda agai ïmo tasai aaduindagaikïdï kabami tïsaidakai namïgadï. Dïï gia go asaiti ïmadï go bino maiti gï agai xi tïsaidagi namïgadï— ikaiti go ñokadami.