Mataibo 24:36 - Northern Tepehuan Bible

³⁶ —Daiñi— itïtïdai. —Mai tipu xorai maatïkagi xuduku dibia iñagai aanï, tomarhi ix tuma tasïrï. Diuxi tïtïañikarudï tïbagiïrï óídakami mai maatï tomarhi aanï ix makïdï ïr Diuxi Maradï mai maatï ïpï. Mosïkaxi gin Oga ïgai dai kïïga maatï.

Tepehuan Northern: Diuusi ñiooquidʌ utuducami oodamicʌdʌ

³⁶ Dʌmos tomali ʌmaadutai maimaatʌ siʌʌscadʌ tomali siuu duucu tomali Diuusi tʌtʌaañicarudʌ tʌvaagiʌrʌ daraajatai maimaatʌ, tomali aanʌ Diuusi maradʌcatai. Mosʌʌgi gʌrooga Diuusi ʌgai dai maatʌ.

Mataibo 24:36 Referans Kwoze

Markos 13:32

Daiñi, mai tipu xorai maatïkagi xudu dibia iñagai aanï, tomarhi ix tuma tasïrï. Diuxi tïañikarudï tïbagiïrï óídakami mai maatï tomarhi aanï ix makïdï ïr Diuxi Maradï mai maatï ïpï, mosïkaxi gin Oga aba ïgai dai maatï.

Hechos 1:7

Taidi go Suxi itïtïdai, —Ïïgi Diuxi gin oga ïgai dai aagai xïïxkadï iduñagi aaduindadï. Aapimï maiti ïr gïn bïïtarï ix maatïkagi xïïxkadï pobïduñagi gobai— itïtïdai.

Mataibo 24:44

Podukai tudu gï agai xi gin nïnïrakagi aapimï ïpï aanï ix makïdï ïr otosadï Diuxi dai ïmo kïïrhi busai. Podukai abïr gin nïnïraka mai maatïkatai xuduku ayimu aanï— itïtïdai.

2 Pedro 3:10

Dïï gia tomaxi maiti ipïrhidi Diuxi ix xia gïn buadagi óídakami bïïxkïrï todian dukai ayimu ixtuigako dibiamu Gïr Nukadakami. Todian dukai ayimu ïgai ixdukai daibïi ïïxibogami xïïxkadï odami mai nïnïrakagi tudu. Dai amaxi xia duadamu ïgai go tïbagi ïmo gïï táíkïdï. Gïgïr xixiokadan kaitidamu aidï gïï mïjïitai táí. Dai aidï kïïga maaxi kaatïkamu bïïxi go oidigi ïmadï bïïxi ixtumaxi idui óídakami ami dai Diuxi aagada agai ix bhai kïï idui ïgai ix cho ïpï.

Mataibo 24:42

Daidi Suxi potïtïdai ïpï, —Gï agai xi kïïga nïnïasïrhigan dukai nïnïrakagi aapimï xïïxkadï aiyagi aanï.

Mataibo 25:13

Daidi bhodïrï potïtïdai Suxi go mamaatïrdamigadï sai, —Po ikaidaga go maaxidaragai aatagi aagaitai xïxkadï dibiamu aanï ïpamu tudu. Dai kaxkïdï gï agai sai kïïga bhai gïn dukagi aapimï ïpïan dukai go aarhi oki ix makïdï gia kïïga gïn tïgito. Aanï ïr Diuxi otosadï ix makïdï ïmo kïïrhi busai dai mai maatï aapimï xuduku dibiamu aanï ïpamu. Kaxkïdï gï agai sai kïïga bhai gïn dukagi aapimï— itïtïdai.

Apokalipsis 3:3

Ïma dukai abïr gïn tïtïgito tudu dai gïn tïgitobïrai Diuxi aatagidï ix makïdï kaï aapimï baasïkioma dai abïr ïïgiada gobai. Dai ix mai pobuadagi aapimï, aidï gia ix dukai daibïi ïïxibogami xuduku mai nïnïrakagi óídakami podukai dibiamu aanï todian dukai dai gïn maakimu gïgïbidaragai.