Mataibo 23:7 - Northern Tepehuan Bible

⁷ Ipïrhidi ïgai sai óídakami kïïga xadutudaitai biatuldagi xïïxkadï tïïgiagi kayana dai ipïrhidi ïpï sai ïmo gïï namïakami maatïtuldiadami aagaiña odami— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

⁷ Dai oojoidi sioodami cucuaasada gʌnvapanamu dai viaatuldiada cacaayana dai siaa duutuadagi dai ʌgai aadʌrʌ maioojoidi ispoduucai ivuaadagi.

Mataibo 23:7 Referans Kwoze

VUAANA 1:38

Daidi kia no imïi go Suxi dai aa nïnïaba dai tïï ï goka mamaatïrdami ix oidi daidi potïtïdai, —¿Mïx tuma agaimi?— itïtïdai. Bai go ix makïdï oiditadai itïtïdai, —Aapi mamaatïtuldiadami, ¿Pako gï urhiñaka aapi?— itïtïdai.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 20:16

Dai Suxi itïtïdai, —Maria— itïtïdai. Daidi go Maria ajako kïkiba dai bui nïnïaba daidi itïtïdai, —Rabhoñi— itïtïdai. Rabhoñi itïiya ïrhidi Hebreokïdï ïmo ñoki mamaatïtuldiadami.

VUAANA 6:25

Ayi ïgai Kapernaumïrï xako dajatadai Suxi daidi itïtïdai, —¿Pïtïkidï ayi tami aapi Mamaatïtuldiadami?— itïtïdai.

VUAANA 3:26

Dai mamaatïrdamigadï Juan iji dai mïï aagidi daidi itïtïdai, —Aapi Juan, go kïïrhi Suxi ix makïdï agaitadai aapi baasïki mïï go gïï aki Jordan basadïrï, gobai gabapakonai odami dai bhaiton bïïxi óídakami uurapïkïi xibi— itïtïdai.

Markos 10:51

Daidi Suxi potïtïdai aidï, —¿Ixtuma ipïrhidi aapi ix gï duiñda aanï?— itïtïdai. —Aapi maatïkami, ipïrhidi aanï pïxi gin duada aapi gin nïadaga, mai nïayi aanï di— itïtïdai go Bartiméo.

Markos 9:5

Daidi go ix makïdï oi go Suxi arhiï duduadimu tïïgakai go Elias ïmadï Moises. Go Piduru mai tïtïgaitadai ix tïiyagi duadimukatai daidi potïtïdai go Suxi, —Maatïtuldiadami, xïïxi ïr kïïga xi tami daraka aatïmï gï ïmadï— ikaiti. —Tïtai iduñi baika uukusai, ïmoko aapi Suxi gï bïïtarï dai ïmai Moises bïïtarï dai ïmai Elias bïïtarï— ikaiti Piduru duadimukatai.

Mataibo 23:8

—Dïï aapimï gia maiti gï agai xi dagitoagi xi ïmo gïï namïakami mamaatïtuldiadami gïn aagadagi óídakami— itïtïdai. —Ïmo xixïgïmï aapimï tudu dai mosïkaxi aanï ïr gïn maatïtuldiadamiga, aanï ix makïdï ïr go Kristo tudu.

Mataibo 11:16

Dai bhodïrï oi Suxi aatagidï daidi potïtïdai ïgai go odami, —Aapimï ix makïdï óídaga xibi nïidiña ixtumaxi ibuadana aanï dai Juan dai soi dukai gïr nïidi aapimï. Gïn aagidamu aanï ix maaxi ibuayi aapimï tudu. Daiñi, ïpïan buayi aapimï aarhi ix makïdï no xibhïkai plasana darakana tudu. Dai jaa aarhi gatïtïbïiña ami dai gïn bapaidiña saidi gatïtïbïiña aapimï ïmadï dai aapimï maiti ipïrhi.

Mataibo 26:25

Dai ami dakatadai go Udaxi ix makïdï gatïïgida agai go Suxi. Daidi ikaiti ïgai, —Gin Maatïtuldiadamiga, aanï ix maiti ïr ïgai ix makïdï gatïïgida iñagai ¿aba?— Dai Suxi potïtïdai, —Aapi aba. Ka podukai aagai aapi tudu— itïtïdai.

Mataibo 26:49

Dai mïï aïkai ïgai tai otoma biaturhi ïgai go Suxi, —Bhaiga aapi maatïtuldiadami— itïtïdai. Dai mïï usupi kamadïana.

Markos 11:21

Dai go Piduru tïgito tïï xi idi ïr ïgai baa uxi ix makïdï tïï ïgai takabo daidi potïtïdai ïgai Suxi, —Daiñi aapi maatïtuldiadami— itïtïdai. —Go igoxi dïïdï ix makïdï ñokidi aapi takabo ti ka gakixa— itïtïdai.

Markos 12:38

Dai Suxi apia gamaakaitadai ñoki go odami daidi potïtïdai, —Gïn nukadabïrai xi maiti gïn bupuirumadagi go mamaatïtuldiadami sïïrhikami. Ïgai arhiï ojoidi xi aadadagi bapasaragai tïïtïbïdukami dai sai kïï xadutuadan dukai gïn biatuldada odami kayana.

Markos 14:45

Dai mos aïkai ïgai tai otoma mïï biaturhi go Suxi, —Gin maatïtuldiadami— itïtïdai. Dai bhodïrï usupi.

Lukas 11:43

—Daiñi aapimï fariseos, sïïrhikïdï ojoidi xi go kïïgadukïdioma daikaruana daraibagi xïxkadï kiupiana bapakïdagi aapimï. Dai ojoidi aapimï ïpï xi kïïga gïn xadutudaitai gïn biatuldagi odami xïïxkadï gïn tïïgiagi kaiyana— itïtïdai.

VUAANA 4:31

Dai mai kia aïkai go odami bai go mamaatïrdami daañimi go Suxi daidi itïtïdai, —Gïr Mamaatïtuldiadami, ugañi lïïchi bhiayi— itïtïdai.

VUAANA 9:2

Dai Suxi mamaatïrdamigadï itïtïdai go Suxi, —¿Mamaatïtuldiadami, borai ïgai dai soimaaxi dui ix kaxkïdï mai nïadami busai gobai? ¿Ïïgi gobai ix soimaaxi dui go dïïdïdï xio?— itïtïdai go mamaatïrdamigadï.

VUAANA 11:8

Daidi go mamaatïrdamigadï itïtïdai aidï go Suxi, —Gïr mamaatïtuldiadamiga, ¿Kïïgakïrï pïx ïpamu imia ïrhidi gamoko?— itïtïdai. —Baasïkioma gï maikarsa ïrhiditadai go judidiu gamo óídakami di— itïtïdai.