Mataibo 22:13 - Northern Tepehuan Bible

¹³ Daidi go Rey potïtïdai pipioñigadï aidï, —Kïïga abïr bupura ïïkadï dai ïïkasodï dai kidigana abïr busaida xako tukamuga. Amïka tudu xako suanïiña odami dai kïrïnaiña taatamudï soimaaxi taatamaitai— itïtïdai. Po tudu idui go Rey go kunataragïrï— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

¹³ Taidʌ ʌraí itʌtʌdai ʌgai ismaacʌdʌ gabibiditadai: “Vuravurai noonovidʌ dai ʌʌcasodʌ dai quiidigana daasa siaaco tucagamu siami aliʌ soimasi taatacamu goovai dai suaacadamu”, astʌtʌdai ʌraí.

Mataibo 22:13 Referans Kwoze

Mataibo 8:12

—Dïï gia go judidiu ix makïdï gï agaitadai xi urabagi mai uraba agai. Dai bhaiyoma Diuxi otosa agai maigobai xako bïïxkïrï tukamuga dai ami suanïdamu ïgai dai kïrïndamu taatamudï kokokatai— itïtïdai Suxi go odami ami.

Mataibo 25:30

Dai gobai gin pioñiga galtuigakïdï ix makïdï mai kïïga idui maiti ïr soiñi toma lïïchi. Kaxkïdï abïr maigobai kidigana busaida xakoga tukamuga. Ami suakadamu gobai dai kïrïndamu taatamudï soimaaxi taatamaitai— itïtïdai.

2 Pedro 2:17

Go tïtïïgiadami yaatagi ïgai maiti ibuayi soiñi jaa bïïtarï toma lïïchi. Ïpïan dukami ïgai bapabiki ix makïdï ka gakixa dai mai bia sudagi óídakami bïïtarï. Dai ïpïan dukami ïgai ïpï iikomai ix makïdï otoma bhïï ajiopai ïbïrhi dai mai dukitudai oidigi. Maiti ibuayi ïgai soiñi tudu dai gokiïrï bii agai ïgai xako bïïxi adaama tukamuga.

2 Pedro 2:4

Daiñi, Diuxi mai oigïrhi go tïtïañikarudï ix makïdï soimaaxi iduitadai ïïki dai bhaiyoma maigobai surhi ïgai tïbagiañdïrï mïï taana go gïï dïgakana xako kabami tukamuga. Ami nïnïraka ïgai sai Diuxi maakana go gïgïbidaragai ix makïdï ajïga ïgai soimaaxi ibuadamikatai ïgai tudu.

2 Tesalonicenses 1:9

Ïkobai darasamu ïgai go ix makïdï mai buaboitudai Diuxiañdïrï bïïxkïrï bïïtarï. Ami mai nïijadamu ïgai tomarhi ïmo imidagai xïï xigiamaaxi gubukarhigadï Diuxi. Podukai soi taatamituldamu ïgai.

Lukas 13:28

—Kabami soi gïn ïjïldamu aapimï aidï— itïtïdai. —Tïïgimu aapimï go Abraamkaru ïmadï go Isaakaru dai go Jakobokaru xi ami daraka xako gatïanïi Diuxi dïï gia aapimï gïn adaimu Diuxi abhiadïrï dai ka mai biakamu aapimï oigaragai xi gïn tïanïdagi Diuxi. Kaxkïdï kabami suanïdamu aapimï dai kïrïndamu gïn taatamu soimaaxi taatakatai— itïtïdai.

Mataibo 24:51

Dibiamu ïgai dai kabami gïikarsamu ïgai dai maigobai otosamu xako darakana ix makïdï ïïgiadami dukai gïn dadasai dai mai ïïgidaraga. Ami susuanïda agai bïïxkatai kabami soimaaxi taatamaitai maigobai ïkobai darakatai. Asta kïrïndamu ïgai taatamudï tudu mos ïï kabami soimaaxi taatamaitai ami tudu— itïtïdai Suxi go odami.

Mataibo 13:50

dai go gïï oroñiïrï surhigimu ïgai xakoga kabami mïjïi táí. Ami susuanïda agai ïgai dai kïkïrïnda agai taatamudï soimaaxi taatamaitai— itïtïdai.

Mataibo 13:42

Ïmpaidamu ïgai dai maigobai bubiadamu abhiadïrï xako gatïanïi aanï dai surhigimu ïgai ïmo daxdakaruïrï xako kabami mïjïi táí. Ami susunïdamu ïgai dai kïrïndamu ïgai taatamudï mos ïï kabami soimaaxi taatamaitai.

Apokalipsis 21:27

Dïï gia mai bakimu ami tomarhi ïmo ixtumaxi soimaaxkami dai tomarhi ïmo odami ix makïdï tukurhimagi ibhïadï soimaaxi ibuadatai xiïpï yaatagïitai. Ïgai tomarhi ïmo imidagai mai bapakimu ami. Mosïkaxi odami ix makïdï ojixi librogadïrï go Arhi Kañiru tïgidukïdï xako ojixi xorai bïïxkïrï bïïtarï óídaka agai. Ïgai gia bia oigaragai ix bapakïdagi ami.

Udaxi 1:13

Ïpïpï gïn aagidamu aanï ix maaxi go tïtïïgiadami yaatagi ïgai. Ïpïan dukami ïgai xïïxkadï gïï daibuskïdagi sudagi dai ugidïrï bipiïyi naana maaxi tukuragai. Pomaaxi ïgai. Dai maiti soikïi ïgai óídakami ix maatïkagi ix dukatai oijadagi oidakaradï ïpï. Ïpïamaaxi ïgai xixabugai ix makïdï kuga iji tudu. Maiti gï agai ix po gï ïrhiadagi ïmoko sai ïgai gïr tïïgidamu boi xako sïïrhi imiagi aatïmï oiditai gïr oidakaraga. Bïïxkïrï bïïtarï bii agai ïgai xako kabami tukamuga tudu.

Udaxi 1:6

Dai gïn tïgitobïrai go tïtïañikarudï Diuxi ïpï ix makïdï ïr sïïrhikami bipiakamikatadai tïbagiana. Bapai ïgai xako mai biakatadai ïgai sïïrhikami dai kaxkïdï bubuaka abhiadïrï tïbagiañdïrï xako óídakatadai ïgai. Dai kaxkïdï aidï abhiadïrï bupurakami bia Diuxi go tïtïañikaru ïgai ïmo ïmapïkïrï xako kabami tukamuga. Dai mai bubuakimu asta xïïxkadï aiyagi go gïï tasai xïïxkadï aagada agai Diuxi ix tuma gïgïbidaragai aji agai bïïxi go soimaaxi ibuadami.

Hechos 7:54

Daidi sïïrhikïdï bhakoi go bhaitï gukakami aidï kaïkai ñokidï Tibañi. Mos kïkïrïndimi taatamudï bhakoikai.

Mataibo 13:30

—Dagitobïrai bhaiyoma sai saagida gïrhiagi gobai asta xïxkadï aiyagi yoobaragai. Dai aidï gia gï agadamu xi ïpïgioma boponagi aapimï go basoi dai mïidagi gobai. Dai gokiïrï gï agadamu xi boponagi go tïrhigi dai gin trojogana bhai tuajidagi— itïtïdai go ïsadami go pipioñigadï. Pomaaxi tudu xaako gatïanïi Diuxi— itïtïdai Suxi.

Mataibo 12:29

—Gïn aagidamu aanï ïmo maaxidaragai aagaitai ixdukatai bubaidi aanï tïtïañikarudï go diabora. Daiñi, go óídakami ïr ïpïan dukami buxtuidadï go diabora, dai xadïrï mos adukai baakïna ïmoko xako gatïanïi go diabora dai gaïxidagi buxtuidadï. Gï agai xi burhixikami dukai biagi ïgai ïpïgioma tudu. Ïpïamaaxi gobai xi gaïxida agadagi ïmo odami go buxtuidadï ïmo kïïrhi kïïga gubuakami. Bia ïgai xi ïpïgioma burhiagi go kïïrhi ¿aba? Dai aidï gia bhaiga xi bakiagi kiidïrï dai gaïxidagi buxtuidadï. Podukai tudu ibuayi aanï bubaiditai tïtïañikarudï go diabora odamiañdïrï. Bupurakan dukai bia aanï go diabora tudu popoida iñagaitai buxtuidadï— itïtïdai.

Hechos 21:11

Daidi aïkai upai ïgai Pabora giburadï dai ïgaikïdï ïïgi gï buupu ïgai ïïkasodï ïmadï ïïkadï daidi bhodïrï pobai gïr tïtïdai ïgai, —Kaïkabïrai ix kaiti Diuxi Ibhïadï. Ïgai ikaiti sai judidiu Jerusalenïrï óídakïdï adukai burhi agai idi giburai tuidakami dai tïïgida agai go ix makïdï maiti ïr judidiu— gïr tïtïdai go Agabo.

VUAANA 21:18

—Kïïga gï tïgito kaïka idi ñoki. Daiñi, ïkioma aidïxi bamioma ïr gïrhikatadai aapi ïïgi gï aadaiña gï yukuxi dai aimïraiña ïïgi pïx xako bhai ïrhidiña. Dïï gia xïïxkadï ka kïrhimumu aapi sïïrhiñdamu aapi gï ïïka bai jaa gï burhimu dai gï baidakamu xako mai imia ïrhidi aapi— itïtïdai.