Mataibo 21:28 - Northern Tepehuan Bible

²⁸ —Daiñi, gïn aagidamu aanï ïmo maaxidaragai aatagi dai gin aagidabïrai aapimï dudunukami ix ïrhidi aapimï gokïdï. Ïmo imidagai as oidakatadai ïmo kïïrhi dai mui ïïsï ïgai uba dïïdï. Dai maamarakatadai ïgai goka kïkïïrhi. Dai ïmo imidagai potïtïdai ïgai ïmo maradï, —Mïïka gaataduñi go uba ïxikamiana— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁸ Daidʌ ʌSuusi itʌtʌdai: ―Ʌmo cʌʌli maamaracatadai gooca, daidʌ itʌtʌdai ʌmoco gʌmara: “Giñmara imʌdañi sivi dai mʌʌ yoova uuvasi giñʌʌsi”, astʌtʌdai.

Mataibo 21:28 Referans Kwoze

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

1 Korintios 10:15

Kïïga bia aapimï tïgibudagai ixtukïdï gin maatï kaïkagi tudu kaxkïdï abïr ïïgi aagada ix bhai mai kïï aagai aanï.

Mataibo 20:1

Dai oi Suxi go aatagi dai potïtïdai ïgai mamaatïrdamigadï, —Gïn aagidamu aanï ïpï ïmo maaxidaragai aatagi sai maatïkana aapimï ix dukatai gatïanïi Diuxi. Idi ïr go maaxidaragai aatagi tudu. Ïmo imidagai as oidakatadai ïmo kïïrhi dai biakatadai ïgai ïxikami uba. Bhai mui tutukami uba gukatadai ami ïxikamiana tudu. Dai ïmo imidagai ïïki kiamoko jii ïgai dai nobai gaaga agai xorai aatabuadagi go ïxikamiana.

Markos 13:34

—Gïn aagidamu aanï ïmo maaxidaragai ñoki sai maatïkagi aapimï ix dukatai ïpïduñimu xudu ayimu aanï— itïtïdai. —Daiñi, ïmo kïïrhi ix makïdï tïanïi ïmo gïï kii xudu mïkaxi imia agadagi nunukatuldi pipioñi gï kii. Kitaagiña biayi ïgai ïmo nukadakami dai bipidiña ïgai go gaa pipioñi aaduindadï ïïmadutai ïpï— podukai aagai Suxi ïmo aatagi.

Lukas 13:4

—Dai oi Suxi aatagidï daidi potïtïdai ïgai go odami, —Kïï maatï aapimï ix dukatai pogïdui miadïrï Jerusalen, sai ami gïi go gïï kii tïkabakami ami xako Siloé tïgidu oidigi. Kïïga maatï aapimï sai ami gïn boixatu bhaibuxtama dan mamaakoba odami gïsïkai gobai. ¿Dai ïgai ix bhai xi bamioma ïr soimaaxi ibuadamikatadai xi bhai go gaa Jerusalenïrï óídakami xi kaxkïdï pomaaxi daibusai?

Mataibo 21:33

Daidi bhodïrï potïtïdai Suxi go dudunukami, —Gïn tïgito abïr kaïka idi maaxidaragai aatagi ix makïdï gïn aagidamu aanï— itïtïdai. —Ïmo imidagai ïmo kïïrhi biakatadai ïmo dïbïrai dai ami ïi ïgai kïïga mui tutukami uba dai kïïga kuraratu ïgai. Dai bhodïrï idui ïgai ïmo gïï dagibuñakarui uba xako busaidagi baragadï. Dai kïi ïgai ïmo baaki kïïga tïkabakami ami ïpï sai abhiadïrï gï nukadana go ïxikami. Dai ka bhai gï dunakai gobai sai tajukamikïdï nukaturhi ïgai jaa odami dai bhodïrï mïkaxi jii.

Mataibo 17:25

—Ïjï— itïtïdai Piduru. Dai bhodïrï tukabiako jii go Piduru ami kiiyïrï xako dakatadai go Suxi. Dai aagida agaitadai ïgai go Suxi ix kaititadai go tanïdami kuota. Dïï mai kia aagidi ïgai bai Suxi potïtïdai, —¿Dukatai ïrhidi aapi Piduru? ¿Dukatai aatabuayi go gïgïr tïtïanïdami? ¿Borai taanïiña ïgai kuota sai biakana ïgai tuminxi ix tukïdï ibuadagi aaduindadï? ¿Tanïiña xi ïgai kuota ïïgi maamaradï, tanïiña xi ïgai jaa ix makïdï maiti ïr maamaradï xio?— itïtïdai.

Mataibo 22:17

—Kaxkïdï gï tïkaka rïrhidi ïmo ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go gïï dunukami César tïgidukïdï?— itïtïdai. —¿Gï agai xi ix tïïgidagi aatïmï go kuota, cho xia?— itïtïdai ïgai go Suxi.

Mataibo 21:27

Daidi potïtïdai ïgai go Suxi, —Bïï mai maatï aatïmï xorai otosadï go Juan— itïtïdai. Dai Suxi potïtïdai aidï, —Aidï gia tomarhi aanï maiti gïn aagidamu xajadïrï bhïiyi aanï gin sïïrhikamiga— itïtïdai.

Mataibo 21:29

Dai go maradï potïtïdai, —Cho. Maiti an imi agai— itïtïdai. Dïï gia bïïxkïrï ïma dukai gï tïgito go maradï gokiïrï dai bïïxkïrï jii dai gaataduñimu.