Mataibo 14:36 - Northern Tepehuan Bible

³⁶ Daidi gataanïiña ïgai oigaragai sai dagitona Suxi ix mos baasaradï ugidïrï taatana ïgai. Dai bïïxkatai ix makïdï taata yukuxidï duduadixikami bii.

Tepehuan Northern: Diuusi ñiooquidʌ utuducami oodamicʌdʌ

³⁶ Daidʌ ʌoodami daañimi ʌSuusi daidʌ itʌtʌdai: ―Gʌdagitoñi tʌtai taata aatʌmʌ gʌyuucusi tomasi ugidiana gʌyuucusi taata aatʌmʌ ―tʌtʌdai ʌoodami. Dai vʌʌscatai ismaacʌdʌ taata yuucusidʌ duduaadicami vii.

Mataibo 14:36 Referans Kwoze

Lukas 6:19

Bïïxi go odami taata ïrhidiña go Suxi aidï. Duduadaiña ïgai bïïxkatai gubukarhigadïkïdï kaxkïdï.

Markos 3:10

Go Suxi ka sïïrhikïdï mui duduadi odami gï gubukadakïdï bai kaxkïdï aa kokokoñiadï taata ïrhidi go Suxi dai aipako nïituskïiña.

Hechos 3:16

Dai apia gamaakai ñoki go Piduru daidi ikaiti, —Aapimï kïï maatï idi kïïrhi ix makïdï ïr kokoadïkatadai. Daiñi, ïgai baa Suxi gubukadadïkïdï duayi idi kïïrhi. Kïïga buaboitu gobai kaïkai ix aagai aatïmï gubukadadï Suxi dai mos kïï buaboidakai duayi gobai. Dai aapimï ka nïidi ïpï— itïtïdai.

VUAANA 7:23

Daiñi, aapimï toma xuduku aatabuayi gacircuncidanduitai gïn maamara tomaxi ïr ïmo ibhïxtaragai tasïrïkagi dai gobai maiti ïr soimaaxkami. Xadutuada ïrhidi aapimï go Moises sïïrhikamigadï dai pobuayi. Dai aanï aatadui ibhïxtaragai tasïrï ïpï duadikai aanï ïmo kïïrhi dai gobai ïpï maiti ïr soimaaxkami kaxkïdï maiti gï agaitadai ix bhakoikagi aapimï gokïdï— itïtïdai.

VUAANA 6:37

—Dïï gia oidaga jaa mui odami ix makïdï gin maa Diuxi gin Oga sai gin urabana dai ïgai gia kïïga gin buaboitudamu dai gin urabakamu dai aanï mai gajiadïrï biamu tomarhi ïmadutai ïgai.

Mataibo 23:5

—Gïn aagidamu aanï ix tutuiga go tïtïïgiadami sïïrhikami ïmadï go fariseos tudu— itïtïdai. —Daiñi, ïgai ojai Diuxi ñokidï aarhi papeperhiïrï dai bhodïrï aarhi kaja ïrana darasai dai kobadïrï dai ïïkadïrï bupurai go aarhi kaja. Podukai gïn biturhi ïgai kaxkïdï. Dïï gia ojoidi ïgai xi bamioma gïrhidagi go aarhi kaja ix makïdï gïn bupurai ïgai saidi odami gïn tïgito nïidiña dai sai pokaitiña odami sai ïgai gia kïïga xadutudai Diuxi. Ojoidi ïgai ïpï sai gïn aadadagi yukuxi ix makïdï ugidïrï kïïga tïïtïbïdu naanakadï ix dukai gïn aadai odami ïmo xadutudaragai dukai Diuxi bïïtarï tudu. Dïï gia go tïtïïgiadami sïïrhikami ïmadï go fariseos pobuayi ipïrhiditai sai gïn tïgito nïidiña odami dai kïï ñokaiña ïgai bïïtarï bhaiyoma.

Mataibo 14:35

Dai mos aïkai go Suxi ami saidi go óídakami otoma máí xorai ïgai dai otoma aipakoga otoi ñoki ami munisipioana sai maatïkana go odami sai ami daja Suxi. Dai aipadïrï bua ïgai ix makïdï kokokoñikatadai.

Markos 6:56

Dai toma xako dajagi go Suxi xi gïïgïrï kiikiana xiïpï aarhi kiikiana xiïpï xako mïïmïkaxi guka bhaabhaki tomax dukai go odami bubaidiña kokokoñiadï plasana. Dai daanïiña ïgai Suxi sai dagitona go kokokoñiadï ix tomaxi mosïkaxi taatagi ugidïrï yukuxidï. Dai bïïxkatai ix makïdï mos taata duduayi.

Markos 8:22

Dai gokiïrï ayi ïgai Betsaidïrï, mïtai ami buapi ïmo kïïrhi mai nïadami, dai daañimi sai taatana.