Mataibo 14:14 - Northern Tepehuan Bible

¹⁴ Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Tepehuan Northern: Diuusi ñiooquidʌ utuducami oodamicʌdʌ

¹⁴ Dai aidʌsi tʌvai ʌSuusi vaarcuaiñdʌrʌ tʌʌ ʌgai mui oodami dai soigʌʌldan tada ʌgaicʌdʌ, dai duduaadi ʌcoococoidadʌ ismaacʌdʌ vaidaticatadai ʌgai.

Mataibo 14:14 Referans Kwoze

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.

Mataibo 9:36

Dai mui óídakami aïjïiña xako dakagi Suxi dai Suxi soi gï ïrhi go óídakami bïïtarï. Nïidi ïgai sai go óídakami mai tïtïgaitadai ix dukatai iduñagi dai kïïgakïrï óídakagi dai sai mai biakatadai ïgai xorai soiñagi tudu. Nïidi ïgai sai go óídakami ïpïan maaxkana kañiñiru ix makïdï mai biakana nukadakamigadï tudu.

Hebreos 2:17

Suxi dibia go Ga bhaitïkïakami Dadaxdadami dukai bhai duña agaitai gïr soimaaxkamiga bïïtarï. Dibia ïgai dai gï muatu adaama kïïgadukïdï daxdaragai dukai gïr bïïtarï tudu. Podukai bïïxi naato aa namïki ïgai gïr soimaaxkamiga ixtukïdï buatulda dukai bitadai aatïmï Diuxi bïïtarï. Dai ïmo kïïgadukami gabhaitïkïakami dadaxdadami bia xi soi gï ïlda nïijada odami. Ïma dukai dukatai kïïga ibuadana ïgai aaduindadï bhai buadatai ïgai odami bïïtarï buitapi Diuxi Kaxkïdï gï agaitadai sai odami busiagi Suxi sai podukai ïmo kïïrhikatai kïïga maatïkagi ïgai ix taadakana aatïmï. Podukai soi gï ïrhi Suxi gïr bïïtarï dai kïïga idui aaduindadï gïr bïïtarï Diuxi buitapi.

Hebreos 5:2

Dai go bhaitï gukakamigadï go dadaxdadami soi gïn ïrhidiña nïiditai odami xïïxkadï ïmadutai mai maatïkagi ixtumaxi ïr kïïga dai kaxkïdï mai kïïga ibuadagi. Go bhaitï gukakami dadaxdadami ïr odamikana ïpïan dukai tomax tuma odami tudu. Dai kïïga maatïkana ïgai ix taadaga ïmoko xïxkadï mai gubuakagi go soimaaxkami buidïrï. Ïgai soimaaxi ibuadana ïpï tudu.

Lukas 19:41

Daidi bhodïrï ka miadïrï aijimi go Suxi Jerusalenïrï dai suakimi ïgai nïiditai

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Markos 9:22

—Go Diabora tïañikarudï muiyoko imidagai taiyïrï xiïpï sudaïrï daitudai gin maara mos mua ïrhiditai. Pïx ixtutiadagi xi duada ïgai soi gïlda aatïmïkïdï dai gïr soiña— ikaiti ogadï kokoadï.

Markos 6:34

Dai aidïxi ka tïbai go Suxi barkoañdïrï sai tïï ïgai go mui odami ix makïdï ami dadatadai dai soi gï ïrhiadan tïï. Kañiñiru ix makïdï mai bia xorai nukadakagi duu tïï ïgai tudu dai naana dukai maa aatagi.

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Mataibo 14:15

Dai bhodïrï ka uruñimitadai oidigi bai Suxi mamaatïrdamigadï mïï aagidi go Suxi daidi potïtïdai, —Arhi ïgiga oidigi tami dai ka urui. Otosamudai aapi go odami sai mïïka sabïdana ixtuma ugiagi nobai go aarhi kiikiana ix makïdï bamioma miaga. Tami oidigana mai tipu ixtuma ugiagi tudu— itïtïdai.