Mataibo 12:50 - Northern Tepehuan Bible

⁵⁰ Bïïxkatai ix makïdï ïïgiadagi gin Oga ix makïdï tïbagiana daja ïgai buaboikïdï ïr gin daada dai gin susukurhi tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁵⁰ Tomasioorʌ sioorʌ ivuaadagi istumaasi ipʌlidi gʌrooga ismaacʌdʌ tʌvaagiʌrʌ daja ʌgai ʌʌpʌ ʌrgiñaaduñi ―tʌtʌdai ʌSuusi.

Mataibo 12:50 Referans Kwoze

Lukas 8:21

Daidi Suxi potïtïdai, —Aanï gin dïïdï dai gin susukurhi duu nïidi bïïxkatai ix makïdï ïïgida kaïkagi Diuxi ñokidï— itïtïdai.

Markos 3:35

Daiñi— itïtïdai. —Toma xorai dai ibuadagi ixdukatai Diuxi ipïrhidi ïr gin dïï dai gin susukurhi dukami gin bïïtarï— itïtïdai ïgai go ix makïdï ami darajatadai.

VUAANA 15:14

Dai aapimï ix apia ibuadagi aapimï ixtumaxi gïn tïañiagi aanï aidï gia maaxitudamu aapimï xi ïr gin aaduñi aapimï ix makïdï aanï kïïga ïmadai— itïtïdai.

VUAANA 6:29

Dai Suxi itïtïdai, —Gïn aagidamu aanï ix tumaxi ipïrhidi Diuxi ix ibuada aapimï. Ïgai ipïrhidi mïx xi gin buaboitudagi Diuxi otosadïkatai aanï— itïtïdai.

Mataibo 28:10

Dai Suxi potïtïdai, —Maiti abïr duduadikuda aapimï oki. Mïïka abïr aagida gin aaduñi sai iimïna Galileamu. Ami gin tïigimu ïgai— itïtïdai.

Romanos 8:29

Diuxi ka ïkiaxdïrï maatïkatadai xorai aatïmï daidi ïr ïko bubaidadïka agai. Dai ïgai dáí sai aatïmï ïpïamaaxkana gï maara Suxi Kristo. Podukai Suxi Kristo bïïxi adaama ïr namïakami dai muidu aatïmï ix makïdï ïr susukurhidï.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.

1 Juan 2:17

Daiñi, ugiti agai go oidigi ïmadï modukai bïïxi ixtumaxi oidaga oidigi daama ix makïdï biaka ïrhidiña óídakami. Dïï gia xorai ïïgiadagi Diuxi ïgai gia mai ugiti agai dai bhaiyoma oidaka agai bïïxkïrï bïïtarï.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

1 Tomoteo 5:2

Dai gï agai xi xadutuada aapi rhiokodami ïpï gï dïïdï dukai. Dai xadutuadañi go utu iimïdami oki ïpï gï susukurhi dukai.

1 Pedro 4:2

Ix bhai gïn dukagi ix soimaaxi taatamadagi aapimï ïpïan dukai Suxi Kristo aidï gia ka maiti ibuadamu aapimï go soimaaxkami ix makïdï gïn tanïdagi odami tïgibudadï tudu. Aidï gia bhaiyoma ibuadamu aapimï ixtumaxi Diuxi ipïrhidi asta xako ukami óídakagi aapimï tami oidigi daama.

Galatas 6:15

Ami tudu kuruxiana gïr utuduturhi Suxi Kristo. Kaxkïdï maiti ïr ixtumaxi ix circuncidadukagi ïmoko ix cho ïpï. Maiti ïr ixtumaxi namïakami gobai. Dïï gia Diuxi gïr utuduturhi dai gobai gia ïr ixtumaxi namïakami.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

Apokalipsis 22:14

Odami ix makïdï bapakoi yukuxidï dai ka bia oigaragai xi kukumiagi ibhiadï go uxi ixtukïdï kïïgakïrï óídaga odami, gobai gia bia ïmo gïdukami bhai ïrhiaragai. Bia ïgai oigaragai xi bapakïdagi go gïï utudui kiikiïrï tudu.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

Hechos 17:30

Ïïkioma óídakami mai maatïkatai buaboidaiña pomaaxi. Kaxkïdï aidïpïrï Diuxi maiti ipïrhiditadai xi bui bhamukagi. Dïï xibi gia Diuxi kaxi gatïjai sai ïmadukai gïn tïtïgitoagi bïïxi odami aipako óídakami.

Mataibo 17:5

Dai kia ñokaitadai go Piduru bai ïmo ikomai iña ami xako daraja ïgai. Kabami kudaka maaxi ami go ikomai ïrana dai Diuxi ño abhai ikomai ïrañdïrï daidi itïi ïgai, —Idi Suxi ïr gin Maara dai kïïgakïrï oigïdai aanï. Kïïga bhai gin ïrhidi nïiditai gobai— itïi. —Gïn tïgito abïr kaï ñokidï ïgai tudu— ikaiti Diuxi go ikomai saagidañdïrï.

Hebreos 5:9

Kïïga ïïgidi ïgai tudu tomaxi soimaaxi taata dai podukai bïïxi naato idui ïgai bïïxi aïkatai ixtumaxi gï agaitadai saidi ïr go bhaitï kïakïdï dadaxdadamikana ïgai gïr bïïtarï. Dai aidïxi kaxi iduitadai ïgai bïïxi ixtumaxi gï agai aidï gia Diuxi maa go sïïrhikami saidi ïr dadaxdadamikana ïgai bïïxkïrï bïïtarï. Dai kaxkïdï xibi kïï bhaiga Suxi Kristo ix kïïgakïrï bubiadagi odami bïïxkïrï bïïtarï ix makïdï ïïgiadagi. Diuxi ïgai dai maa sïïrhikami go Suxi tudu ïpïan dukai xi maa ïgai sïïrhikami go Melkisedek ïïki.

2 Korintios 11:2

Daiñi gin aaduñi, gï agai sai maatïkagi aapimï sai ix xïïxi buamï ïrhidi Diuxi gïn bïïtarï po ïxi buamï in ïrhidi aanï gïn bïïtarï ïpï. Kabami buamï in ïrhidi aanï tudu sai kïïga buañixikagi aapimï Suxi Kristo bïïtarï oiditai aapimï mosïkaxi ïgai dai mai xu xi oiditai aapimï tomarhi ïmo ïmai. Ïpïan dukami gobai ïmo gaoga xïïxkadï bhai duñagi ñoki bïïtarï ïmo maradï oki xïxkadï ïmadï bii agadagi ïmo kïïrhi. Kïïga nukadaiña ïgai maradï tudu sai mai daibuskïda ïgai ïmadï ïmai kïïrhi. Nïnïraka ïgai kia ix ïmadï biiya ïgai ix makïdï ïr kunadïka agai. Podukai gïn nukada in ïrhidi aanï tudu dai buamï in ïrhidi ipïrhiditai ix kïï buañixikagi aapimï maatïkatai saidi Suxi Kristo ïr gïn kuna dukaika agai. Gï agai sai kïïga buañixikagi aapimï ïgai bïïtarï tudu ïpïan dukami ïmo arhi oki ix makïdï kïï tuiga mai kia ïmadï biïkai tomarhi ïmo kïïrhi.

Hechos 26:20

Daidi aipako aatagidi aanï óídakami. Ïpïgioma jii aanï Damaskamu dai abhiadïrï Jerusalenamu dai bïïxi aipako aatagidi aanï go judidiu xako Judea tïgidu oidigi. Dai podukai ïpï aagidiña aanï go ix makïdï maiti ïr judidiu ïpï sai gï aagai xi ïma dukai gïn tïtïgitoagi dai oijadagi Diuxi. Dai sai kïï bhai maaxkami dukai óídakaiña bai podukai maaxitudaiña ïgai xi gia ïr buaboi xi ka ïma dukai gïn tïtïgito ïgai.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

1 Korintios 9:5

Dai bia aatïmï go arhi baaxi sïïrhikami ix makïdï bia go gaa ojotosadï Suxi ïpï. Daiñi, go Piduru ïmadï go Suxi susukurhidï dai ïmadï go gaa ojotosadï Suxi bïïxkatai ooñiga buaboitudadami dai baida ajiopaiña ïgai aagaitai Diuxi ñokidï aipakoga. ¿Dai aanï ïmadï go Bernabé bhai ix mai bia sïïrhikami ix pobuadagi ïpï?

Mataibo 12:49

Dai xixigidi ïgai go mamaatïrdamigadï ix makïdï ami darakatadai daidi potïtïdai, —Aapimï ïr ix makïdï gin dïïdï dai gin susukurhi dukai nïidi aanï.

Mataibo 13:1

Dai aidï tasïrï busai go Suxi abhiadïrï go kiiyañdïrï xako gamaatadai ïgai aatagi dai maigobai go gïï sudagi abhana daiba.