Mataibo 12:46 - Northern Tepehuan Bible

⁴⁶ Kia gatïtïïgiditadai Suxi ñoki go mui óídakami ami bai ami ayi dïïdï ïmadï susukurhidï dai nïida ïrhiditadai.

Tepehuan Northern: Diuusi ñiooquidʌ utuducami oodamicʌdʌ

⁴⁶ Daidʌ ʌSuusi quiaa ñiooquiditadai ʌoodami aidʌsi ami dada ʌSuusi dʌʌdʌ ʌʌmadu susuuculidʌ. Dʌmos quiidigana guucacatadai ʌgai dai nʌida ʌliditadai ʌSuusi.

Mataibo 12:46 Referans Kwoze

Mataibo 13:55

—¿Mai ix ïr maradï gobai go bakitadami? ¿Dai mai ix Maria tïgidu dïïdï dai susukurhidï kïkïïrhi Jakobo dai Jose dai Ximuñi dai Udaxi tïtïgidu?— ikaitiña.

VUAANA 2:12

Bhodïrï jii Suxi abhiadïrï ïmadï dïïdï dai susukurhidï dai go mamaatïrdamigadï ïpï. Iji ïgai ïmo ciudadana xako Kapernaum tïgidu dai ami bii ïgai chïki tasai.

VUAANA 7:5

Potïtïdai susukurhidï Suxi parunaitai. Tomarhi susukurhidï mai buaboidaitadai kaxkïdï.

VUAANA 7:3

baidi susukurhidï Suxi aagidi sai gï agaitadai ix imia ïgai gamoko. Itïtïdai ïgai go Suxi, —Maiti gï agai ix mosïkaxi tanai Galileïrï biiyagi aapi. Imiñi Judeamu bhaiyoma bai gï mamaatïrdamiga nïijadana ibuadatai aapi naana maaxi maaxidaragai gupukami.

Hechos 1:14

Bïïxkatai ïgai mos apia daanïiña Diuxi bïïx tasai. Suxi susukurhidï ïmadï ïmpaidiña ïgai dai Maria, Suxi dïïdï ïmadï dai jaa oki ïmadï ïpï dai gadaanïiña ïgai Diuxi. Dai mos ïmo tïgibudagai biakana ïgai.

Markos 6:3

—Gobai mos ïr ibiixumadami uxi dai dïïdï Maria tïgidu— ikaitimi. ¿Maiti ix gïr saagida óídaga susukurhidï? Daja go Jakobo dai go Jose dai go Udaxi ïmadï go Ximuñi, dai susukurhi oki bïïxi gïr saagida óídaga ïpï— ikaitimi odami dai bhaakoi bui.

Galatas 1:19

Aidï mosïkaxi go Piduru tïï aanï ïmadï go Santiago go sukurhidï Suxi. Mosïkaxi ïgai tïï aanï tudu dai maigobakoga mai tïï aanï go gaa ojotosadï Suxi.

1 Korintios 9:5

Dai bia aatïmï go arhi baaxi sïïrhikami ix makïdï bia go gaa ojotosadï Suxi ïpï. Daiñi, go Piduru ïmadï go Suxi susukurhidï dai ïmadï go gaa ojotosadï Suxi bïïxkatai ooñiga buaboitudadami dai baida ajiopaiña ïgai aagaitai Diuxi ñokidï aipakoga. ¿Dai aanï ïmadï go Bernabé bhai ix mai bia sïïrhikami ix pobuadagi ïpï?

VUAANA 7:10

Dïï gia gokiïrï ka iimïkai susukurhidï maigo dana bagimiamu, aidï gia jii go Suxi ïpï dïï mos ïïgi jii ix mai maatïkana odami.

Lukas 2:48

Dai dïïdïdï mai tïtïgaitadai ixtumaxi gïn tïtïgitoagi ïpï tïïgakai. Dai go Maria potïtïdai, —¿Gin maara, tuipïxi po gïr duñi aapi maiti gïr aagidakai dai tami bii?— itïtïdai. —Duduadimukatai gï gaagai aanï ïmadï gï oga aipakoga di— itïtïdai.

Lukas 8:10

Daidi Suxi potïtïdai, —Gin aaduñi, maaxidaragaikïdï aatagidiña aanï go odami ix makïdï mai buaboitudai sai mai maatï kaïkana gobai gin ñoki. Arhi kapaka iibhïadï kaxkïdï. Ka podukai ojixi ïmo ojiïrï aagaitai ïgai tudu. Ami ikaiti sai, Tomaxi naana maaxi nïijadagi ïgai ixtumaxi ix makïdï ïr buaboi bïïxkïrï mai maatï nïidamu. Dai tomaxi naana maaxi kaïkagi ixtumaxi ïr buaboi ïpï bïïxkïrï mai maatï kaïkamu, ikaiti go ojai. Ka ïïki abhiadïrï mai maatïkana odami ix maaxi tïanïi Diuxi tudu dïï xibi aapimï gin mamaatïrdamiga gia bia oigaragai xi maatïkagi— itïtïdai.

Markos 2:21

Dai apia aatagaimi Suxi dai xibi maaxidaragai ñoki dukai aagai ïgai ïmo aatagi daidi ikaiti, —Mai kïïgadu daxdaragai ïmo ikuxi utudui ïmadï ïmo ikuxi kïrhiñdadï. Mos arhiduturïi go ikuxi utudukïdï dai bamioma sarañi antaada gobai bhaiyoma— ikaiti.

VUAANA 2:5

Saidi Suxi dïïdï potïtïdai go baxibhadami go bino, —Ïïgiadabïrai bïïxi aïkatai ix tumaxi gïn tïanïda go Suxi— itïtïdai.

Lukas 2:33

Dai dïïdïdï go Suxi mai tïtïgaitadai ixtumaxi gïn tïgitoagi kaïkatai ix kaiti go Ximuñi aagaitai maradï.

VUAANA 2:1

Bhodïrï abhiadïrï baika tasaikïdï oidatu ïmo kunataragai ïmo arhi kiikiïrï xako Kana tïgidu. Go Kana Galileïrï bipiïyi. Dai Maria, Suxi dïïdï, jii gamoko go kunataragai bïïtarï.

Lukas 2:51

Pobï gï dui Jerusalenïrï tudu. Dai bhodïrï go Suxi oi dïïdïdï gamo Nasaretamu dai apia mo ïxi kïïga ïïgidi. Dai dïïdï bïïx tasai tïtïitoiña ixtumaxi pogïduitadai ïgaikïdï.

Mataibo 2:20

—Bañigiñi dai baidakañi go arhi odami ïmadï dïïdï dai nonoigibïrai ïpamu Israelamu— itïtïdai. —Ka koi bïïxkatai ïgai ix makïdï mua ïrhiditadai go arhi odami tudu— itïtïdai.

Mataibo 2:11

Daidi ka bapakïkai ïgai ami kiiyïrï tïï ïgai go arhi odami ïmadï dïïdï ix makïdï Maria tïgidu. Dai go mamaatïkami kuiki ami go arhi odami buidïrï dai kïïga xadutugi. Dai kupioka ïgai kajojoño ix makïdï bukatikatadai ïgai dai bubaitu ïgai oidaragai go arhi odami bïïtarï. Oi ïgai oro dai kubhimadarhi dai mira. Gobai oi ïgai go arhi odami tudu xadutudaitai.

Mataibo 1:18

Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

VUAANA 19:25

Dai ami miadïrï go kuruxi kïakatadai go Suxi dïïdï dai dixikadï ïpï ïmadï ïmai oki Maria tïgidukami. Go Maria ïr go Kleopas oñigadïkatadai. Daidi ami kïakatadai go Maria Magdalena ïpï.

Lukas 1:43

Agia ïr bhai ïrhiaragai gin dibidakai aapi Maria aapi tudu ïr dïïdï gin Tïanïdamiga. Mai tïtïgai aanï ix tuixi gin maa Diuxi mos ïï gïdukami bhai ïrhiaragai tudu.

Mataibo 12:47

Dai ïmadutai ix makïdï ami dakatadai potïtïdai ïgai go Suxi, —Gï daada ïmadï gï susukurhi kidigañdïrï guka dai gï nïida ïrhidi— itïtïdai.

Lukas 2:34

Daidi Ximuñi aagai ïmo bhai ïrhiaragai ïgai bïïtarï daidi potïtïdai ïgai go Maria, —Diuxi ka ïkobai busaitu idi xïïñi sai kïïgakïrï bubaidana gobai mui Israelitas. Mui kïïgakïrï bubuakimu idikïdï tudu dïï gia mui gïpiïrï surhigimu idikïdï ïpï— itïtïdai. —Kaxkïdï tudu mui odami bui surhigimu idi.