Mataibo 11:11 - Northern Tepehuan Bible

¹¹ —Kaxkïdï aanï aagai sai ïïki abhiadïrï mai tipukana xorai bamioma namïakagi xi bhai go Juan ix makïdï bapakonadami aagaiña odami. Mai tipu óídakami saagida xorai bamioma namïakagi xi ïgai tudu. Dïï gia tomax xïïxi namïakagi go Juan bïïxkïrï oidaga xorai bamioma namïga xi ïgai Diuxi bïïtarï gatïanïitai ïgai. Diuxi bïïtarï asta go otïrhioma namïakïdï oidakami bïïxkïrï bamioma namïga xi bhai go Juan tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Sʌʌlicʌdʌ angʌnaagidi sai vʌʌsi oodami saagidaiñdʌrʌ ʌVuaana ismaacʌdʌ vapaconaitadai ʌoodami viaa goaa duiñdagai ismaacʌdʌ vaamioma namʌga sitomasmaascʌdʌ oodami aa duiñdadʌ, dʌmos vaamioma baigʌnʌlidi ʌgai ismaacʌdʌ giñnʌidi dai giñvaavoitudai siʌVuaana.

Mataibo 11:11 Referans Kwoze

Lukas 7:28

—Kaxkïdï aanï aagai sai ïïki abhiadïrï mai tipukana xorai bamioma namïakagi xi bhai go Juan. Mai tipu óídakami saagida xorai bamioma namïakagi xi ïgai tudu. Dïï gia tomaxi ïr ïmo gïdukami go Juan bïïxkïrï xako gatïanïi Diuxi ami gia oidaga xorai bamioma namïga xi ïgai. Ami asta go otïrhioma namïakïdï oidakami bamioma namïga xi bhai go Juan— itïtïdai.

Efesios 3:8

Daiñi, tomaxi aanï ïr ïmo buaboitudadami bamioma mai namïakïdï, bïïxkïrï Diuxi gin maakai idi gïdukami bhai ïrhiaragai. Gin maa ïgai xi aagidagi aanï go ix makïdï maiti ïr judidiu xïï kïï tuiga Suxi Kristo gïr bïïtarï bïïnakai aatïmï ïgai. Odami tïgibudadï mai ajïi ix maatiagi xïïxi ïr namïakami Suxi Kristo gïr bïïtarï tudu.

VUAANA 1:15

Dai dibia go Juan dai gïgïrï aagaimi xorai ïr go Diuxi Ñokidï tïgidukami. Potïtïdaiña ïgai go odami, —Buaboi tudu sai aanï ïpïgioma ïr busaikami tami oidigi daama ix bhai go ix makïdï Diuxi Ñokidï tïgidu. Ïgai gokiïrioma busai ix aanï. Dïï tomaxi aanï ïpïgioma ïr busaikami bïïxkïrï tomax dukai ïgai kaxi ïr oidakamikatadai ïïki abhiadïrï aidïxi mai kia tipukatadai aanï. Kaxkïdï ïgai bamioma ïr namïakami ix aanï— itïtïdaiña Juan go odami.

Mataibo 5:19

—Daiñi, oidaka antaada ïmoko xorai po gï ïrhiadagi sai mai xii namïga ïmo ñoki Diuxi sïïrhikamigadïrï. Dïï gia xi gajiadïrï biagi ïgai go ñoki dai abïnakiada ïgai jaa sai gajiadïrï biagi ïpï, aanï aagai sai xorai pobuadagi ïr go bamioma mai namïakamika agai Diuxi bïïtarï gatïanïitai ïgai— itïtïdai. —Dïï gia xorai ïïgiadagi sïïrhikamigadï Diuxi dai abïnakiadagi jaa sai ïïgiadagi ïpï, ïgai gia ïr ïmo namïakamika agai Diuxi bïïtarï dai biakamu oigaragai saidi tïanïna Diuxi— itïtïdai.

Mataibo 3:11

Daidi potïtïdai Juan go odami ïpï sai, —Aanï maiti ïr go otosadï Diuxi ix makïdï nïnïraka aapimï. Gokiïrioma dibiamu ïgai kia— itïtïdai. —Gïïpi bamioma gatïanïi ïgai xi aanï tudu. Aanï tomarhi maiti gin ajïga xi ibuadagi go bamioma arhidukïdï aaduindagai ïgai bïïtarï. Maiti gin ajïga aanï tomarhi xi upasdagi aanï sususakadï ïmo arhi pioñigadï dukai. Dai aanï mosïkaxi sudagikïdï gïn bapakonai ka ïmadukai gïn tïtïgitokatai aapimï. Dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Sïïrhikïdï ïr gïdukami ïgai tudu daidi ïr gubuakami— itïtïdai.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

1 Pedro 1:10

Gin aaduñi, kïïga xigiamaaxi go kïïgakïrï bubaidaragai ixtukïdï kïïgakïrï bubuaka aapimï. Ïmo oidaragai gobai ix makïdï gïn maa Diuxi kïï tuigakatai ïgai gïn bïïtarï tudu. Daiñi, go ñiñokituldiadamigadï Diuxi ïïki kaxi maatïkatadai saidi kïï tuigaka agai Diuxi óídakami bïïtarï dai sai bhai duñagai ïgai ïmo kïïgakïrï bubaidaragai óídakami bïïtarï. Dai go ñiñokituldiadami ka ïïki abhiadïrï kabami gïn aajagïiña bamioma maatia ïrhiditai ix maaxika agai go kïïgakïrï bubaidaragai.

Hebreos 11:40

Aatïmï gïr tïtïitoitadai Diuxi aidï, kaxkïdï mai otoma maa ïgai ixtumaxi aagidi. Podukai gï tïgito ïgai sai bamioma kïïgadu aatïmï gïr bïïtarï xi go ïïkidadï buaboitudadami nïnïrakagi kia asta xïxkadï bhïiyagi aatïmï ïpï ixtumaxi bia Diuxi gïr bïïtarï. Podukai gï tïgito Diuxi sai gïr aïna gobai bïïxkatai aatïmï buaboitudadami ïmapi tudu dai mai xu xi mosïkaxi go ïïki óídakami aiyagi gobai ïpïgioma. Podukai gï tïgito Diuxi dai kaxkïdï go buaboitudadami ïïkidadï mai otoma biatu ixtumaxi bia Diuxi bïïxkatai aatïmï gïr bïïtarï, ïgai ïmadï aatïmï ïpï tudu.

1 Korintios 15:9

Bhaitoma podukai pogïdui gin ïmadï aidïxi todian dukai otosadï gin dáí Suxi. Aidïpïrï tomarhi ïmadutai poïrhiditadai ix aanï otosadïka iñagaitadai Suxi. Kabami soi buididitadai aanï go buaboitudadami aidï di. Dai kaxkïdï bïïxi go gaa ojotosadï Suxi bamioma bia sïïrhikami ix tïanïdagi ix aanï dai aanï mai bia sïïrhikami tomarhi ix ïmo otosadï Suxi gin aagagi odami. Kabami soi buididiña aanï go buaboitudadami ïkioma kaxkïdï.

1 Korintios 6:4

Kaxkïdï xïïxkadï biakagi aapimï xi bhaibuadagi ïmo ñoki ¿Tuixi baan gugukaiña aapimï go dudunukami bui ix makïdï maiti ïr buaboitudadami? Ïgai mai bia sïïrhikami ix ïr bhaitï gukakamikagi go buaboitudadami bïïtarï tudu.

VUAANA 10:41

Dai odami mui iji dai mïï gaagamu go Suxi daidi ikaitiña, —Tomaxi go Juan maiti ibuadana tomarhi ïmo maaxidaragai dïï mos bïïxkïrï kïïga buaboi bubuaka bïïxi go ñokidï ix makïdï aagaiña ïgai aagaitai go Suxi— ikaitiña odami.

VUAANA 3:30

Gï agai tudu ix bïïx tasai tïkabioma tïkabioma namïakagi Diuxi Maradï nai aanï bïïx tasai dumarhioma dumarhioma biyagi. Ïmo bhai ïrhiaragai gobai aanï gin bïïtarï tudu— itïtïdai Juan.

VUAANA 5:35

Ïgai ïr ïmo kudakarui gï dukamikana aapimï gïn bïïtarï gïn aagiditai ix tumaxi ïr buaboi aanïkïdï dai aapimï bhai gïn ïrhidiña chïki tasai kaïkatai ñokidï— itïtïdai.

VUAANA 1:27

Ïgai gokiïrioma gï aaga agai aaduindadï ix aanï dïï bïïxkïrï ïgai bamioma ïr namïakami ix aanï. Sïïrhikïdï ïr gïdukami ïgai. Aanï mai bia sïïrhikami tomarhi ix upandagi susakadï gigiaradï ïmo pioñigadï dukai mos ïï gïdukatai ïgai— itïtïdai Juan.

VUAANA 7:39

Dai Suxi agaitadai go Diuxi Ibhïgadï gubukarhigadï ix ïr go sudagi gï dukami dai sai busi agai gobai odami iibhïadïañdïrï ïpïan dukai ix go sudagi busanïi ïmo babikiañdïrï. Dai go Diuxi Ibhïgadï ïr ix makïdï dibiagai odami iibhïadïana buaboitudakai ïgai. Dïï aidïpïrï ix pokaiti Suxi mai kia otoitadai ïgai Diuxi Ibhïgadï. Gï agaitadai kia ix imiagi Suxi tïbagiamu xako oidaka agai ïmo gïdukami xadutudaragai ïgai bïïtarï. Dai ka imïkai aidï gia otosa agaitadai ïgai Diuxi Ibhïgadï.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

2 Timoteo 1:10

Dai xibi dibiakai Suxi Kristo gïr maaxitu ïgai xïï kïï tuiga Diuxi. Suxi Kristo bamioma ixtui ix bhai go mukigami tudu dai gïr aagidi sai xorai buaboitudagi go bhai ïrhiaragai aatagi kïïgakïrï oidaka agai bïïxkïrï bïïtarï.

Mataibo 3:1

Dai gokiïrï sai dibia ïmo kïïrhi Juan tïgidukami ix makïdï bapakonadami aagaiña óídakami. Ayi ïgai oidigana ami Judea munisipiogadïrï dai ami gamamaakaiña aatagi go óídakami.

Mataibo 11:10

Diuxi ñokidïrï ojixi ïmo ñoki aagaitai go Juan tudu. Ami ojixi sai Diuxi ikaiti, Otosamu aanï ïmo kïïrhi gï bhaitïki aapi gin Maara baidi ïgai aagidamu go odami sai ka karhioga dibiagai aapi. Bai podukai kaxi bhai gïn dukagi odami pïx xuduku aiyagi, podukai ojixi Diuxi ñokidïrï aagaitai go Juan. —Dai go Juan tudu ïr go otoxikami ix makïdï aagai ami Diuxi ñokidïrï— itïtïdai.

Mataibo 11:12

—Daiñi, aidï abhiadïrï xi gï aga gamamaakaitai go Juan aatagi aidï abhiadïrï ka muidukana go óídakami ix makïdï bhai ïrhiarakïdï ïïgidiña Diuxi. Gïn daadagitoiña ïgai sai gïn tïanïdagi Diuxi tudu. Dai mai bhaigakana jaa xi sobhidagi sai Diuxi tïanïdagi ïgai. Dïï gia oidaga oomarhigami ix makïdï gubuakïdï gatïanïda ïrhidi dai mai dagito ïrhidi ïgai xi Diuxi tïanïdagi óídakami. Pomaaxkana aidï abhiadïrï xi dibia go Juan tudu— itïtïdai.