Mataibo 11:10 - Northern Tepehuan Bible

¹⁰ Diuxi ñokidïrï ojixi ïmo ñoki aagaitai go Juan tudu. Ami ojixi sai Diuxi ikaiti, Otosamu aanï ïmo kïïrhi gï bhaitïki aapi gin Maara baidi ïgai aagidamu go odami sai ka karhioga dibiagai aapi. Bai podukai kaxi bhai gïn dukagi odami pïx xuduku aiyagi, podukai ojixi Diuxi ñokidïrï aagaitai go Juan. —Dai go Juan tudu ïr go otoxikami ix makïdï aagai ami Diuxi ñokidïrï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁰ Diuusi ñiooquidʌrʌ pocaiti aagaitai ʌVuaana: Ootosamu aanʌ ʌmo ootosicami aapi Cristo gʌbaitʌqui vai ʌgai aagidana ʌoodami sai divia agai aapi daidʌ ʌoodami ʌma duucai gʌntʌtʌgitomu dai camaisoimaasi ivuaadamu. Ascaiti Diuusi.

Mataibo 11:10 Referans Kwoze

Markos 1:2

Ïïki oidakatadai ïmo kïïrhi Isaias tïgidukami. Ïgai ïr ïmo aagadamikatadai Diuxiañdïrï ñoki, daidi gaoja ïgai ix kaiti Diuxi. Ïmo imidagai Diuxi aataga ïmadï maradï dai Isaias oja ix kaiti ïgai. Diuxi potïtïdai maradï aidï, —Aapi ïr gin maara. Dai otosamu aanï ïmoko gin otoxikami aapi gï bhaitïki bai ïgai aagidana odami sai karhioga dibia aapi oidigi daama, itïtïdai Diuxi. Podukai kaxi bhai gïn dukagi odami pïx xuduku aiyagi, itïtïdai.

VUAANA 1:23

Daidi go Juan potïtïdai aidï, —Aanï mosïkaxi ïr ibuadami ixdukatai gïr aagidi go Isaiaskaru ïïki ix makïdï ïr ïmo aagadami Diuxi ñokidï. Aanï tudu ïr ïgai ix makïdï gïgïrï iñakaiña oidigana aimïraitai dai aagidiña aanï odami sai ïma dukai gïn tïgitokana sai podukai bhai gïn dukana xudu dibiagi Gïr Nukadakami— itïtïdai go Juan.

Mataibo 3:3

Go Juan ïgai ix makïdï idui ix dukai aagai go Isaiaskaru ojadïrï tudu. Ami go ojadï ikaiti sai, Dibiamu ïmoko ix makïdï gïïgïr ñokada agai oidigana dai potïdamu ïgai oidakami sai karhioga dibi agai gïr Tïanïdamiga ix makïdï nïnïraka aatïmï. Kaxkïdï abïr bhai gïn duka ïïgi aapimï. Ix dukai bhai buadana aapimï ïmo boi xïïxkadï gïn dibida agadagi ïmo gïï dudukami podukai abïr bhai gïn buada ïïgi aapimï saidi gïn dibidana gïr nukadakami, tïdamu ïgai go odami, podukai tudu oja go Isaiaskaru ïïki aagaitai go Juan.

Mataibo 11:3

dai aagidi sai mïï tïkakana ïgai Suxi sa bhai ïgai ïr otosadï Diuxi. Sa bhai ïgai ïr ix makïdï nïnïraka go judidiu tudu xiïpï ix bia xi nïnïrakagi ïmai kia. Daidi iji go mamaatïrdamigadï Juan dai mïï ayi xako dakatadai Suxi daidi potïtïdai, —Go Juan ix makïdï bapakonai odami gïr otoi bhaigobai sai gï tïkakana aatïmï sa bhai aapi ïr go gïï gabhaitïkïakami ix makïdï nïnïraka aatïmï ïki abhiadïrï. Sa bhai aapi ïr go otosadï Diuxi tudu. Xiïpï xi gï agai xi nïnïrakagi aatïmï ïmai kia— itïtïdai.

Mataibo 11:11

—Kaxkïdï aanï aagai sai ïïki abhiadïrï mai tipukana xorai bamioma namïakagi xi bhai go Juan ix makïdï bapakonadami aagaiña odami. Mai tipu óídakami saagida xorai bamioma namïakagi xi ïgai tudu. Dïï gia tomax xïïxi namïakagi go Juan bïïxkïrï oidaga xorai bamioma namïga xi ïgai Diuxi bïïtarï gatïanïitai ïgai. Diuxi bïïtarï asta go otïrhioma namïakïdï oidakami bïïxkïrï bamioma namïga xi bhai go Juan tudu— itïtïdai.

Lukas 1:76

Dai bhodïrï go Zakarias aagai ïmo ñoki maradï bïïtarï daidi potïtïdai, —Aapi gin maara, Diuxi ïgai daidi ïr Gïr Nukadakami bïïxi adaama gatïanïitai ïgai. Dai aapi bhaitï imimu Gïr Nukadakami dai bhai duñimu bogïdï xïïxkadï dibiagi ïgai. Kaxkïdï ïmo ñokituldiadamigadï Diuxi gï aagadamu odami.