Mataibo 10:41 - Northern Tepehuan Bible

⁴¹ —Gin aaduñi, kïï maatï aapimï sai Diuxi mamaakai maitïki go ñiñokituldiadamigadï. Dai xi ïïgiadagi aapimï ñokidï ïmo ñokituldiadamigadï Diuxi maatïkatai sai Diuxi bïïtarï ñokai ïgai aidï gia aapimï ïpï buimu maitïki ïpï ïpïan dukai ïgai. Dai pomaaxi ïpï xïïxkadï ïïgiadagi aapimï ïmo buaboitudadami maatïkatai sai kïïga buañixi ibhïadï. Ix ïïgiadagi aapimï ïgai aidï gia buimu aapimï maitïki ïpïan dukai ïgai ïpï.

Tepehuan Northern: Diuusi ñiooquidʌ utuducami oodamicʌdʌ

⁴¹ Dai sioorʌ ʌʌgiditai caʌ ʌmo Diuusi ñiooquituldiadamigadʌ Diuusi ootosadʌcatai ʌgai, ʌgai ismaacʌdʌ ʌʌgiditai caʌ Diuusi maaquimu ʌmo istumaasi ʌpan duucai gʌñiooquituldiadamiga. Dai sioorʌ ʌʌgiditai caʌ ʌmoco ismaacʌdʌ siaa duutudai Diuusi, siaa duutudaitai ʌgai Diuusi, Diuusi maaquimu ʌmo istumaasi cʌʌgaducami poduucai isduucai maa ʌgai ismaacʌdʌ siaa duutudai Diuusi.

Mataibo 10:41 Referans Kwoze

Hebreos 6:10

Kaxkïdï tudu Diuxi bïïxkïrï sïïrhi ibuayi. Dai ïgai kïïga gï tïgitoka agai xïï kabami gaatabuadana aapimï Diuxi bïïtarï dai xïï kïïga soikïi aapimï go gaa buaboitudadami ïpï. Xibi ukami kia pomaaxi ibuayi aapimï tudu dai gobai ïr ïmo maaxidaragai sai kïïga oigïdai aapimï Diuxi. Bïïxi gobai gï tïgitokamu Diuxi tudu daidi gïn maakimu go bhai ïrhiaragai ix makïdï ïr sïïrhi gïn bïïtarï kïïga ibuadatai aapimï.

2 Juan 1:8

Maiti abïr gïn dagito sai gïn bupuirumadagi ïgai tudu. Daiñi, kabami gïr aajagïiña aatïmï gïn soiña ïrhiditai saidi bïï sudakami bhïiyagi aapimï gïn maitïki ix makïdï gïn maaki ïrhidi Diuxi oiditai aapimï ixtumaxi ïr buaboi. Dïï gia xi gïn dagitoagi aapimï xi gïn bupuirumadagi go yaatabogami ïgai aidï gia ka mai bïï sudakami bhïiyi antaada aapimï gïn maitïki. Gïn nukadabïrai tudu saidi bïï sudakami bhïna aapimï gïn maitïki.

1 Korintios 9:17

Kaxkïdï tudu tomaxi maiti ipïrhiadagi aanï ix aagagi go bhai ïrhiaragai aatagi tomax dukai bia aanï sïïrhikami ix aagagi dai mai tipu maitïki gin bïïtarï. Dïï gia ix ïïgi gin bhai ïrhiaragakïdï aagagi aanï aidï gia kïïga buyiña aanï maitïki.

Mataibo 16:27

—Gï agai sai maatïkagi aapimï tudu sai imimu aanï tami oidigi daamaiñdïrï dïï gia ayimu ixtuigako dibiamu aanï ïpamu. Aanï ix makïdï ïr otosadï Diuxi dai ïmo kïïrhi busai tudu. Dibiamu aanï gubukarhigadïkïdï gin Oga dai gin oijadamu tïtïañikarudï Diuxi. Dai dibiakai maakimu aanï bïïxi óídakami ixtumaxi ajïakagi ïgai nïiditai aanï ixtumaxi idui ïgai tami oidigi daama. Ïïmoko maakimu aanï bhai ïrhiaragai dai jaa maakimu aanï gïgïbidaragai.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

Mataibo 6:6

—Maiti gï agai xi pobuadagi aapimï tudu xïxkadï gadaanïda agadagi aapimï Diuxi— itïtïdai. —Gï agai bhaiyoma xi imïdagi aapi xako mai tipu jaa dai ami kuupandagi go kuuparagai dai ïxtotai dukai daanïdagi Diuxi gïr Oga. Dai ami dakamu Diuxi gïn ïmadï xako ïxtotai darakagi aapimï. Dai ïgai gïn nïijadamu gadaanïitai aapimï dai gïn maakimu gïn maitïkiga— itïtïdai.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Mataibo 6:4

Ïxtotai dukai abïr maakada tudu soiñi soititigami sai podukai mosïkaxi Diuxi gïr Oga nïijadamu. Aidï gia Diuxi ïgai dai gïn maakimu gïn maitïkiga. Ïgai kïïga nïidi tudu— itïtïdai.

Mataibo 6:1

—Gin aaduñi, kïïga bhai maaxi xi ibuada aapimï ixtumaxi ïr kïïga. Dïï gia gïn nukadabïrai dai kïïga abïr gïn tïgito nïida ix tuma bïïtarï ibuadagi aapimï. Maiti gï agai tudu xi kïï tutiakami dukai ibuadagi aapimï sai jaa odami kïï tutiakami gïn aagaiña. Xi po maaxi bïïtarï buadagi aapimï ixtumaxi ïr kïïga aidï gia ka mai bhïimu aapimï gïn maitïki ix makïdï bia Diuxi gïn Oga gïn bïïtarï.

Mataibo 25:44

Bai ïgai ix makïdï maiti gin buaboitudai pobai gin tïdamu, —¿Bïkidï gï nïidi aatïmï ix bhiugimukatadai aapi xi ïpï xi tonomokatadai xi ïpï xi mïkaxikïdï imïdamikatadai aapi dai xi ïpï xi mai yukusukatadai xi ïpï xi kokokatai aapi xiïpï gï maixakatai aapi? ¿Bïkidï gï nïidi aatïmï podukai dai maiti ipïrhi xi gï soiñagi?— gïn tïdamu ïgai ix makïdï mai buaboitudai.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.