Mataibo 10:40 - Northern Tepehuan Bible

⁴⁰ Dai apia oidi Suxi aatagidï daidi potïtïdai ïgai go odami ami, —Daiñi— itïtïdai. —Aapimï ïr gin mamaatïrdamiga. Dai aanï aagai sai xi odami no xibhïkai kïïga ïïgida kaïkagi aapimï gïn ñoki gobai itïiya ïrhidi sai kaxi ïr ïïgiadami ïgai aanï gin ñoki ïpï. Dai podukai ïpï aanï ïr otosadï Diuxi. Dai kaxkïdï xorai ïïgida kaïkagi gin ñoki ïgai kaxi ïr ïïgiadami Diuxi ñokidï ïpï. Diuxi otosadï aanï kaxkïdï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁰ Dai sioorʌ ʌʌgiditai gʌncaʌcagi aapimʌ ʌgai ʌʌgiditai giñcaʌ aanʌ ʌʌpʌ dai sioorʌ ʌʌgiditai giñcaʌ aanʌ ʌgai ʌʌgiditai caʌ gʌrooga ismaacʌdʌ giñootoi.

Mataibo 10:40 Referans Kwoze

VUAANA 13:20

—Kïïga abïr gïn tïgito kaïka idi ñoki— itïtïdai. —Daiñi, aapimï ïr aanï gin otosa ix kaxkïdï xorai bhai ïrhiarakïdï gïn miadïgiadagi aanï gin miadïgiadan buayi ïpï. Dai podukai ïpï aanï ïr Diuxi otosadï ix kaxkïdï xorai gin miadïgiadagi ïr ïpïan dukami ix miadïgi ïgai Diuxi. Kaxkïdï tudu Diuxi ïgai dai gin otoi— itïtïdai.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

Lukas 10:16

Dai biakatadai Suxi ïpï ïmo ñoki mamaatïrdamigadï bïïtarï ïpï daidi potïtïdai, —Gïn tïgitobïrai sai xorai kïïga kaïkagi gïn ñoki ïr ïpïan dukami xi aanï gin kaïkamudai. Dïï gia xorai maiti kaïka ïrhiada gïn ñoki ix makïdï bhïkati aapimï, Diuxi podukai nïidi sai aanï maiti gin kaïka ïrhidi ïgai. Dai xorai maiti in kaïka ïrhiada Diuxi podukai nïidi xi mai kaïka ïrhidi ïgai Diuxi ïpï. Diuxi otosadï aanï kaxkïdï— itïtïdai.

Mataibo 18:5

—Daiñi— itïtïdai. —Aanï aagai sai xorai kïïga oigïdadagi ïmo arhi odami kaxi gin oigïdadan buayi ïgai aanï ïpï.

2 Juan 1:9

Daiñi aapimï buaboitudadami, tomax makïdï aapimï ix makïdï gajiadïrï dagitoagi ixtumaxi gïr maatïturhi Suxi Kristo ïgai mai bia urabaragai Diuxi ïmadï. Dïï gia bïïxkatai ix makïdï mai dagitokatai oijadagi ixtumaxi gïr maatïturhi Suxi Kristo, ïgai gia bia urabaragai Diuxi gïr Oga ïmadï dai ïmadï Suxi Kristo ix makïdï ïr go Maradï Diuxi.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.

Galatas 4:14

Tomaxi soi gïn buadana aapimï gin soikïitai kokokatai aanï bïïxkïrï mai soi dukai gin nïidiña aapimï dai bhaiyoma kïïga kaïkana aapimï gin aatagi dukami xi ïr Diuxi tïañikarudïkamudai aanï. Dai asta gin kaïkana aapimï dukami xi ïr Suxi Kristokamudai aanï ïpï. Kïïga gin nïidiña aapimï dai kïïga kaïkana gin aatagi tudu.

VUAANA 5:23

Kaxkïdï ix xïïxi odami xadutudai Diuxi gin Oga, go kaxi gï agai ix gin xadutuadagi ïpï. Aanï ïr Diuxi Maradï tudu dai ïr Diuxi otosadï, kaxkïdï ix ïmo odami maiti gin xadutuadagi aidï gia ka mai xadutudai ïgai Diuxi gin Oga ïpï— itïtïdai.

Markos 9:37

—Daiñi xi ïmadutai oigïda nïijadagi ïmo arhi odami gin xadutuada ïrhiditai, ïgai kaxi aanï gin oigïda tïï ïpï mos pobuadatai. Dai xi kïïgakïrï gin oigïda nïijadagi ïmoko ïgai kaxi oigïda tïï Diuxi ïpï. Diuxi otosadï aanï di— itïtïdai Suxi.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

2 Korintios 5:20

Gobai itïiya ïrhidi saidi aatïmï ïr ñokituldiadamigadï Suxi Kristo ojotosadïkatai aatïmï. Dai ñokiturhimi aatïmï Diuxi ïpï. Dai Diuxi kabami buamï ïrhidi aapimï gïn bïïtarï. Kaxkïdï xibi kabami gïr aajagïi amïï dai gïn aagidimi aatïmï sai buaboitudaitai bhïna aapimï go oidaragai ix makïdï gïn maakai Diuxi sai biakana aapimï urabaragai ïgai ïmadï.