Mataibo 1:18 - Northern Tepehuan Bible

¹⁸ Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

Tepehuan Northern: Diuusi ñiooquidʌ utuducami oodamicʌdʌ

¹⁸ Aduucai ʌpʌdui tai divia Suusi Cristo: María ʌrdʌʌdʌ dai casi ʌrgʌncuucunacamicatadai ʌgai ʌʌmadu ʌOsee dʌmos maiquia ʌmapai oidacatadai, taidʌ María nonoatu guvucadadʌcʌdʌ Diuusi Ibʌadʌ.

Mataibo 1:18 Referans Kwoze

Hebreos 10:5

Dai kaxkïdï aidïxi dibia Suxi Kristo tami oidigi daama potïtïdai ïgai Diuxi, Aapi Diuxi mai aagai go daxdaragai buxtakikïdï ix makïdï ibuayi óídakami dai tomarhi ïma maaxi daxdaragai ïpï. Dïï gia gin maa aapi gin tukuga ixtumaxi gï daxdagi aanï. Gobai gia bhai ïrhidi aapi, itïtïdai.

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Lukas 1:25

—Ïïgi podukai gin duñi Diuxi kïïgakïrï gin nïiditai ïgai. Xibi maratamu aanï xi ka mai soi dukai gin nïijadamu odami— ikaitiña.

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 2:11

Daidi ka bapakïkai ïgai ami kiiyïrï tïï ïgai go arhi odami ïmadï dïïdï ix makïdï Maria tïgidu. Dai go mamaatïkami kuiki ami go arhi odami buidïrï dai kïïga xadutugi. Dai kupioka ïgai kajojoño ix makïdï bukatikatadai ïgai dai bubaitu ïgai oidaragai go arhi odami bïïtarï. Oi ïgai oro dai kubhimadarhi dai mira. Gobai oi ïgai go arhi odami tudu xadutudaitai.

Mataibo 12:46

Kia gatïtïïgiditadai Suxi ñoki go mui óídakami ami bai ami ayi dïïdï ïmadï susukurhidï dai nïida ïrhiditadai.

Lukas 2:5

Dai baidakai ïgai go Maria gamo Belenamu ïpï. Kaxi bhai duitadai ïgai ñoki sai ïmadï bii agaitadai dïï mos mai kia ïmadï bii ïgai. Dïï ka nonoakatadai go Maria aidï dai karhioga ayitadai ixtuigako duadiagi.