Mataibo 1:1 - Northern Tepehuan Bible

¹ Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Tepehuan Northern: Diuusi ñiooquidʌ utuducami oodamicʌdʌ

¹ Potʌʌtʌgiducatadai ʌʌqui aaduñdʌcarudʌ Suusi Cristo ismaacʌdʌ ʌrcajiudadʌ ʌraí Davicaru dai Davicaru ʌrcajiudadʌ Avraañicaru.

Mataibo 1:1 Referans Kwoze

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Galatas 3:16

Dai pomaaxi go ñoki ix makïdï bhai dui Diuxi go Abraamkaru ïmadï ïïki dai ïmadï ïmo pipiixaradï. Dai gïn tïgito abïr nïida sai gïn aagidi aanï sai mos ïmo pipiixaradï Abramkïdï bhai dui ïgai ñoki dai ïgai ïr Suxi Kristo. Aidï Diuxi aagidi go Abraamkaru sai maaki agai ïmo bhai ïrhiaragai dai mai gajiadïrï biamu ïgai go ñoki.

Romanos 1:3

Idi bhai ïrhiaragai aatagi aagai Suxi Kristo dai ïgai ïr Diuxi Maradï. Ïgai busai tami oidigi dama dai biakatadai ïradï go Dabidkaru.

Apokalipsis 22:16

Daidi Suxi Kristo in tïtïdai, —Aanï Suxi Kristo ïgai dai otoi ïmo tïañikarudï Diuxi sai aituldana idi ñoki bïïxi buaboitudadami aipakoga gïn ïmpaidadami. Aanï ïr pipiixaradï go rey Dabidkaru dai aanï bhïiyi sïïrhikamigadï. Aanï ïr ïpïandukami go gïï xabugai ix makïdï tïbïpioma kudakana kiamoko. Gïdioma aanï xi toma xorai tudu— in tïtïdai Suxi.

Isa 11:1

Ïmo uxi guikutikami daitudikami ipoñi ka agai ïpamu sonodïañdïrï. Go Isaí uxi sonodï gï dukamikana ïki abhiadïrï mukiadïkatai ïgai. Dai piipixaradïañdïrï oidaka agai ïpï ïmo ipuadï dukai ix makïdï ïr utudukami Rey ka agai.

VUAANA 7:42

—¿Mai ix tudu pokaiti go ojai sai go Ga Tïanïdami ïr pipiixaradï ka agai go Rey Dabidkaru dai sai Bhelenïrï busi agai? Ami tudu Bhelenïrï ïr busaikami Dabidkaru— ikaitiña ïïmoko.

Genesis 12:3

Bhodïrï Gïr Nukadakami itïtïdai, —Aanï soiñamu xorai kïï gï buidadagi dïï daitudamu aanï soi ïrhiaragai abhana xorai mai kïï gï buidadagi. Dai xorai gï buidïrï surhigiagi aanï aadïrï daitudamu soi ïrhiaragai buidïrï ïpï. Dai aapikïdï urhiñamu aanï soiñi bïïxi oidigi dama oidakami bïïtarï— itïtïdai Gïr Nukadakami go Abram.

Hechos 2:30

Ïki aidïxi mai kia mutadai go Dabidkaru ïgai maaxi aagaiña Diuxi ñokidï dai ïkiaxdïrï agaitadai ixtuma daibuña agaitadai xibi. Diuxi ïkiaxdïrï aagidi go Dabid sai dasa agaitadai ïmo pipiixaradï sai bhïna Dabid sïïrhikamigadï dai sai tïanïna ïmo Rey dukai.

Mataibo 1:18

Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

Isa 53:8

Maiti ïr soi maaxi ibuadami ïgai dïï odami bïïxkïrï busaitu maixakaruañdïrï dai mua. Mai tipukatadai xorai soiñagi. Muu ïgai taatakai gïïgïbidaradï odami soimaaxi ibuadatai odami. Mai maamara ïgai dai muu.

Romanos 9:5

Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.

Romanos 4:13

Diuxi aagidi go Abraamkaru ïmadï piipixaradï sai ïgai tïanïda agai oidigi. Aagidi ïgai podukai mai xu nïiditai ix kïïgakïrï ïïgidiña ïgai go sïïrhikami. Cho. Bhaiyoma Diuxi kïïgakïrï tïï go Abraamkaru mos buaboidaitai ïgai dai kaxkïdï podukai aagidi sai ïgai ïmadï pipiixaradï tïanïda agai oidigi.

Mataibo 15:22

Dai ami dakatadai ïmo oki ix makïdï ïr pipiixaradïkatadai go Kananeos agaikïdï. Maiti ïr judiukatadai ïgai tudu. Dai mïï ayi ïgai xako dakatadai go Suxi daidi gïgïr ño daidi ikaiti, —Aapi gin Tïanïdamiga, aapi ix makïdï ïr pipiixaradï go Rey Dabidkaru tudu— itïtïdai. —Soi gïlda gin nïida dai gin soiña. Ka arhiï soi taatamai ïmo gin maara oki biakatai ïmo tïañikarudï go diabora ïrana— itïtïdai. Dai muiyoko potïtïdai ïgai go Suxi gïgïr ñokaitai.

Mataibo 9:27

Dai bhodïrï jii Suxi abhiadïrï dai no boiyamu iimïi ïgai daidi goka kïkïïrhi mai nïadami oiditadai. Daidi gïgïr iñakimi go kïkïïrhi daidi ikaitimi, —Aapi Suxi, aapi ïr pipiixaradï go rey Dabidkaru. Soi gïlda aatïmïkïdï dai gïr soiña— ikaitimi.

Genesis 2:4

Podukai idui Diuxi go tïbagi ïmadï oidigi. Tukamïrï aidïxi Diuxi Gïr Nukadakami utudami idui go tïbagi ïmadï oidigi sai mai kia otoitadai ïgai duki dai mai tipukatadai kia xorai aatabuadagi dïbïraïrï. Kaxkïdï mai tipukatadai ïxikami kia dai tomarhi basoi.

Mataibo 3:16

Dai kaxi gï bakuanakai go Suxi sai busai ïgai sudagiañdïrï daidi kupioka go tïbagi dai tïï ïgai Diuxi Ibhïadï sai tïbai tïbagiañdïrï ïmo tugu dukai dai Suxi daama daiba.

Mataibo 1:2

Go Abraamkaru marai ïïki go Isaakaru. Daidi gokiïrï go Isaak marai go Jakobokaru. Dai go Jakobo marai go Judakaru dai susukurhidï.

Lukas 1:33

Dai bïïxkïrï bïïtarï ïr Reygadï ka agai ïgai go Israelitas dai tomarhi ïmo imidagai mai ugitimu go sïïrhikamigadï— itïtïdai.

1 Tomoteo 2:5

Ipïrhidi ïgai tudu sai odami maatïkana sai mos arhi ïmo Diuxi oidaga dai mos arhi ïmaduga ix makïdï bhai buayi gïr bïïtarï Diuxi ïmadï dai ïgai ïr Suxi Kristo ix makïdï ïmo kïïrhi busai. Mai tipu ïmai.

2 Timoteo 2:8

Kïï maatï aapi sai Suxi Kristo ïr pipiixaradï go rey Dabidkaru. Dai kïï maatï aapi ïpï sai muu Suxi Kristo dai sai ïpamu duakatu. Gobai tudu ïr go bhai ïrhiaragai aatagai ix makïdï aagidiña aanï go óídakami.