Markos 9:18 - Northern Tepehuan Bible

¹⁸ Go Diabora tïañikarui tomaxako dïbïrapi daitudaiña gin maara dai totostudai tïñidï dai kïkïrïntudai taatamudï. Mos kabakatudai tukugadï dai xibi ka ugitimi gubukarhigadï— itïtïdai. —Aagidi aanï gï mamaatïrdamiga sai bubaidana go Diabora tïañikarudï dïï ïgai mai ñako— itïtïdai ogadï kokoadï go Suxi.

Tepehuan Northern: Diuusi ñiooquidʌ utuducami oodamicʌdʌ

¹⁸ Tomasiaaco dʌvʌʌrapi dadaitudaiña goDiaavora tʌaañicarudʌ dai totostudai tʌñidʌ dai cʌcʌrʌntudai taatamudʌ, vai cascʌdʌ goovai maiviaa gʌguvucadaga dai aanʌ caaagidi gʌmamaatʌrdamiga sai vusaidana goDiaavora tʌaañicarudʌ tai maitistui ―astʌtʌdai ʌcʌʌli.

Markos 9:18 Referans Kwoze

Markos 11:23

Daiñi, xi ïmadutai kïï buaboitudadagi dai tïdagi ïmo gidi, —Imïdañi marïrï dai mïï gïxi, mos pobï duñimu gobai, ix ïmadutai kïïgakïrï buaboitudada tudu.

Markos 9:26

Taidi go Diabora tïañikarudï gïïgïrï iiña busaikai dai sakobi tukugadï go arhi gïrhi. Mukiadï duu bia ïgai. Mui odami ix makïdï ami guka pokaititadai ix ka muu.

Markos 9:20

Mïtai buapi ïgai. Dai go diabora tïañikarui suikiturhi go arhi gïrhi tïïgakai go Suxi bai dïbïrapi gïi ïgai dai aipako xarhimi dai totostuimi tïñidï.

Mataibo 17:16

—Ïkiapo buapi aanï gï mamaatïrdamiga dïï maiti ixtui ïgai xi duadiagi— itïtïdai.

Hechos 7:54

Daidi sïïrhikïdï bhakoi go bhaitï gukakami aidï kaïkai ñokidï Tibañi. Mos kïkïrïndimi taatamudï bhakoikai.

Udaxi 1:13

Ïpïpï gïn aagidamu aanï ix maaxi go tïtïïgiadami yaatagi ïgai. Ïpïan dukami ïgai xïïxkadï gïï daibuskïdagi sudagi dai ugidïrï bipiïyi naana maaxi tukuragai. Pomaaxi ïgai. Dai maiti soikïi ïgai óídakami ix maatïkagi ix dukatai oijadagi oidakaradï ïpï. Ïpïamaaxi ïgai xixabugai ix makïdï kuga iji tudu. Maiti gï agai ix po gï ïrhiadagi ïmoko sai ïgai gïr tïïgidamu boi xako sïïrhi imiagi aatïmï oiditai gïr oidakaraga. Bïïxkïrï bïïtarï bii agai ïgai xako kabami tukamuga tudu.

Mataibo 15:22

Dai ami dakatadai ïmo oki ix makïdï ïr pipiixaradïkatadai go Kananeos agaikïdï. Maiti ïr judiukatadai ïgai tudu. Dai mïï ayi ïgai xako dakatadai go Suxi daidi gïgïr ño daidi ikaiti, —Aapi gin Tïanïdamiga, aapi ix makïdï ïr pipiixaradï go Rey Dabidkaru tudu— itïtïdai. —Soi gïlda gin nïida dai gin soiña. Ka arhiï soi taatamai ïmo gin maara oki biakatai ïmo tïañikarudï go diabora ïrana— itïtïdai. Dai muiyoko potïtïdai ïgai go Suxi gïgïr ñokaitai.

Mataibo 8:12

—Dïï gia go judidiu ix makïdï gï agaitadai xi urabagi mai uraba agai. Dai bhaiyoma Diuxi otosa agai maigobai xako bïïxkïrï tukamuga dai ami suanïdamu ïgai dai kïrïndamu taatamudï kokokatai— itïtïdai Suxi go odami ami.

Markos 9:17

Taidi ïmadutai ix makïdï ami daraja potïtïdai, —Gïr maatïtuldiadami, gï buapi aanï gin maara pai duadana dïï maitï gï tïï. Kabami ïr kokoadï ïgai di. Oidi ïmo diabora tïañikarudï dai mudutu ïgai.

Markos 9:19

Taidi go Suxi soi gïrhi daidi potïtïdai go odami, —Kaxi aanï tïbïpi gin aaga dai gïn maatïturhi dïï modukai mai buaboitudai aapimï. ¿Xïï tïbïpi aagadamu tudu xi gïn ïmadï dakagi aanï kia? ¿Gï agadamu xi mos apia nïnïrakagi aanï xi buaboituda aapimï?— itïtïdai. —Bhaigobai buapa go arhi gïrhi tudu— itïtïdai.