Markos 8:22 - Northern Tepehuan Bible

²² Dai gokiïrï ayi ïgai Betsaidïrï, mïtai ami buapi ïmo kïïrhi mai nïadami, dai daañimi sai taatana.

Tepehuan Northern: Diuusi ñiooquidʌ utuducami oodamicʌdʌ

²² Dai gooquiʌrʌ aayi ʌgai Betasaidʌrʌ, mʌtai ami vuaapi ʌSuusi ʌmo cʌʌli mainʌaadami, dai daañimi sai taatana.

Markos 8:22 Referans Kwoze

Mataibo 11:21

—Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida tudu saidi nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— ikaiti ïgai. —Daiñi— ikaiti. —Xi iduñimudai aanï pokaxi maaxidaragai ïïki Tiroïrï ïmadï Sidonïrï ami óídakami gia otomioma ïma dukai gïn tïtïgitomudai xi aapimï. Poduñimudai ïgai tomaxi kabami ïr soimaaxi ibuadamikatadai ïgai. Asta gïn aadamudai ïgai sïïxidakami yukuxi dai gïn komaibadamudai mataikïdï ïpï soi gïn ïrhiditai. Podukai maaxitudamudai ïgai ix ka ïmadukai gïn tïtïgito ïgai— itïtïdai. —Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu— itïtïdai.

Markos 6:45

Taidi go Suxi aagidi mamaatïrdamigadï sai tïtïidïna barkoana dai bhaitï iimïna. Aagidi sai iimïna baasmokoradïrï go gïï sudagi dai sai aïna xako Betsaidana tïgidu. Dai go Suxi diosaida agai odami kia.

Lukas 10:13

Dai bhodïrï aagai Suxi ïmo ñoki aagaitai go kiiki xako gaatadui ïgai daidi potïtïdai, —Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida sai nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— itïtïdai. —Aapimï Korasinïrï dai Betsaidïrï óídakami aanï aagai sai soimaaxi taata agai aapimï. Daiñi, go Tiroïrï dai Sidonïrï óídakami ix makïdï óídakatadai ïïki mai ïmadukai gïn tïgito ïpï soimaaxi ibuadatai ïpï. Dïï gia xi nïijadamudai ïgai go naana maaxi maaxidaragai ix makïdï aapimï nïidi aidï gia ka ïïki abhiadïrï ka ïmadukai gïn tïgitokamudai. Ïgai gïn aadamudai yukuxi sïïxidakami dai gïn komaibadamudai mataikïdï soi gïn ïrhiditai. Dai podukai maaxidamudai ïgai sai ka ïmadukai gïn tïgito. Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu.

VUAANA 12:21

Dai ami dajatadai go Pirhi ïpï. Betsaidïrï oidakami ïgai ix makïdï Galileïrï bipiïyi. Dai go odami ix makïdï maiti ïr judidiu aagidi go Pirhi sai nïida ïrhidi go Suxi.

Markos 2:3

Amaxi ayi maakoba kïkïïrhi dai uxiïrï bhïkati ïmo kokoadï kïïrhi. Go kokoadï mai bhaiga ix oiñïdagi tukugadï.

Mataibo 8:15

Dai taata Suxi ïkadï go kokoadï dai otoma dagito go toiñdagai. Daidi bañi ïgai dai bhii ïgai go Suxi.

Mataibo 9:29

Daidi taata Suxi bupuidï go kïkïïrhi daidi potïtïdai, —Po gï duñimu ixdukatai buaboitudai aapimï— itïtïdai.

Mataibo 8:3

Daidi go Suxi taata nobikïdï daidi potïtïdai, —Ipïrhidiana ix gï duadiagi aapi. Xibi an aagai sai duadïna aapi— itïtïdai. Mos potïi Suxi bai amaxi kïïga duayi go kïïrhi.

Lukas 9:10

Dai gokiïrï ïpamu dada go ojotosadï Suxi ix makïdï aipakoga otoitadai ïgai. Dai dadakai aagidi ïgai go Suxi bïïxi ixtumaxi ibuadana. Dai Suxi ïïgi daka ïrhiditadai ojotosadï ïmadï dai baidakai ïmo arhi kiikiamakoga xako Betsaida tïgidu.

Mataibo 14:36

Daidi gataanïiña ïgai oigaragai sai dagitona Suxi ix mos baasaradï ugidïrï taatana ïgai. Dai bïïxkatai ix makïdï taata yukuxidï duduadixikami bii.

Markos 3:10

Go Suxi ka sïïrhikïdï mui duduadi odami gï gubukadakïdï bai kaxkïdï aa kokokoñiadï taata ïrhidi go Suxi dai aipako nïituskïiña.