Markos 5:35 - Northern Tepehuan Bible

³⁵ Dai kia ñokai go Suxi tai dada ojotoxikami kiidañdïrï Jairo daidi potïtïdai ïgai go Jairo, —Kaxi ti muu gï maara— itïtïdai. —Ka mai tipu ixtukïdï soi gï buada go Suxi dai gamo imiagi— itïtïdai go ojotoxikami.

Tepehuan Northern: Diuusi ñiooquidʌ utuducami oodamicʌdʌ

³⁵ Dai quiaa ñioocaitadai ʌSuusi tai dada ojootosicami Jairo quiidiaiñdʌrʌ daidʌ itʌtʌdai ʌali ooqui oogadʌ: ―Casi atmuu gʌmara. Casi maivaidacai gomamaatʌtuldiadami ―astʌtʌdai ʌojootosicami.

Markos 5:35 Referans Kwoze

Lukas 8:49

Dai kia aatagaitadai Suxi go oki ïmadï mai kia aïkai ïgai kiidïrï go Jairo xako kaatï maradï kokokatai. Kia aatagaitadai ïgai tudu bai ami ayi ïmo kïïrhi imïdami kiiyañdïrï go Jairo. Dai ami buidïrï ayi ïgai Suxi ïmadï Jairo dai potïtïdai ïgai go Jairo, —Ka ugidagai gï maara— itïtïdai. —Ka maiti gï agai xi soi buadagi go Mamaatïtuldiadami— itïtïdai.

VUAANA 11:39

Daidi itïtïdai Suxi go gaa, —Maigobai abïr dasa go gïï odai— itïtïdai. Daidi go Maruta itïtïdai aidï, —¡Gïr Nukadakami, Maiti gï agai ix maigo dasagi go odai ïrhi aanï! Kaxi maakoba tasai pogïdui ix muu gobai dai ka garhi ubaimi ïrhi aanï gobai— itïtïdai.

VUAANA 11:28

Dai bhodïrï jii Maruta dai mïï aagidi go Maria. Ïkobai busaitu ïgai dai dudusurhi potïtïdai sai, —Kaxi ti dibia gïr maatïtuldiadamiga dai gï nïida ïrhidi— itïtïdai.

VUAANA 5:25

Dai Suxi oi aatagidï dai itïtïdai ïpï, —Kïïga abïr gïn tïgito kaïka idi ñoki. Daiñi, aanï ïr Diuxi Maradï dai aanï aagai sai ayimu ix tuigako kaïka agai go koidadï ix ñokada aanï dai duduaka agai. Dai xibi aanï aagai sai ka ayi gobai.

Markos 10:17

Bhodïrï boiyamu imïi go Suxi ïpamu tai ïmo kïïrhi mïï dai buidïrï ayi. Gï totonakïdï kïkiba go kïïrhi Suxi buitapi daidi potïtïdai, —Aapi maatïtuldiadami gia kïï tuiga kaxkïdï ipïrhidi aanï pïxi gin aagidagi, ¿Ix dukatai duna aanï dai aiyagi Diuxi ïmadï xako kïïgakïrï oidakana ïmoko tomaxtuigako?— itïtïdai go kïïrhi.

Markos 5:22

Tai amaxi ami dibia ïmo kïïrhi Jairo tïgidukami. Ïgai ïr gubukadagai biakami ïmo kiupaigadïrï judidiu. Dai mos tïïgakai ïgai go Suxi gï totonakïdï kïïkiba go Suxi ïïkasodï abhana.

VUAANA 11:32

Daidi ka aïkai go Maria xako dajatadai go Suxi gï totonakïdï kïkiba buidïrï daidi itïtïdai, —Gïr Nukadakami, ix tami dakamudai aapi baasïki aidï gia mai mukimudai gin xiixi— itïtïdai.

VUAANA 11:25

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai.

VUAANA 11:21

Dai go Maruta itïtïdai go Suxi mïï buidïrï aïkai, —Aapi Gïr Nukadakami, ix tanai dakamudai aapi baasïkioma aidï gia mai mukimudai gin xiixi.

Mataibo 26:18

Daidi Suxi potïtïdai, —Iimibïrai nobai Jerusalenana dai ami tïïgimu aapimï ïmo kïïrhi, dai bïrai aagida sai aanï ix makïdï ïr go Mamaatïtuldiadami kaxi gïn aagidi sai ka miadaimi ix tuigako gin muatuda iñagai aanï. Aagidabïrai sai ami kiidïrï gaugimu aanï go Kïïgakïrï Bubaidaragai kuadagai aapimï gïn ïmadï, aapimï gin mamaatïrdamiga— itïtïdai.

Mataibo 9:18

Kia mesa buidïrï dakatadai Suxi aidï dai kia gamamaakaitadai aatagi bai ami dibia ïmo kïïrhi ix makïdï biakatadai ïmo sïïrhikami kiupaigadïrï go judidiu. Ami ayi ïgai dai tootonakïdï kïkiba buidïrï Suxi daidi potïtïdai, —Utudami ugidagai gin maara oki. Dïï gia buaboitudai aanï sai ix mïï taatagi aapi gï ïkakïdï, kïïga duakatuda antaada ïpamu— itïtïdai.

Mataibo 26:10

Dïï gia Suxi maatïkatadai ix kaititadai ïgai. Daidi potïtïdai ïgai, —Dagitobïrai go oki— itïtïdai. —Maiti gï agai xi buidïrï ñokadagi aapimï. Kïïga gin buididi gobai go perfumekïdï tudu.