Markos 5:15 - Northern Tepehuan Bible

¹⁵ Dai aidïxi ayi ïgai ami xako dajatadai go Suxi tai tïï ïgai go kïïrhi ix makïdï ïgiañdïrï bubuakatadai go Diabora tïtïañikarudï dai xibi ka kïï bhïitadai ïgai tïgibudagai dai ka dodorhi daja dai kïï yukusu. Taidi go odami arhiï duduadimu.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai aidʌsi aayi ʌgai ami siaaco daacatadai ʌSuusi, tʌʌ ʌcʌʌli ismaacʌdʌ viaacatadai ʌDiaavora tʌtʌaañicarudʌ vai cacʌʌga dodoli daacatadai dai cacʌʌga yuucusu taidʌ ʌoodami aliʌ duduaadamu.

Markos 5:15 Referans Kwoze

Kolosenses 1:13

Diuxi ïgai dai kïïgakïrï gïr bubaitu abhiadïrï xako tukamugan duu gatïanïitai go diabora ami dai gïr daibuintu ïgai xako gatïanïi Diuxi Maradï ix makïdï Diuxi oigïdai. Xibi ka kudagiïrï dukai óídaga aatïmï tudu gïr tïanïitai ïgai.

2 Timoteo 1:7

Dai maiti gï agai ix duadikudagi aapi gaatabuadatai. Daiñi, maiti gïr maa Diuxi tïgibudagai ix duadikudagi aatïmï dai bhaiyoma gïr maa ïgai Diuxi Ibhïadï. Dai Diuxi Ibhïadïkïdï biakana aatïmï gubukarhigai sai gïr oigïdaiña aatïmï aipakoga dai sai mai dagitona aatïmï ix gïr tïanïdagi ïïgi gïr tïgibudaga. Gobai gïr maa Diuxi.

Lukas 8:27

Dai ami oidakatadai ïmo kïïrhi biakami tïtïañikarudï diabora. Mui umigi mai kiiyïrï oidakatadai ïgai dai mai yukusukana. Nobai yaasakaru koidadï saagida oidakatadai ïgai tudu biakatai diabora tïtïañikarudï.

Markos 5:9

Daidi potïtïdai Suxi go Diabora tïañikarudï, —¿Tïgidu aapi?— itïtïdai. Tai ïgai potïtïdai, —Legion antïïgidu aanï— itïtïdai. —Muidu aatïmï kaxkïdï po tïtïïgidu aatïmï— itïtïdai.

Lukas 10:39

Dai ami dakatadai ïpï ïmo oki sukurhidï go Maruta, Maria tïgidu ïgai. Dai ïgai miadïrï daiba go Suxi dai kaïkatadai aatagidï.

1Sa 16:4

Daidi go Samuel idui xi dukatai agaitadai Gïr Nukadakami dai jii Belenamu. Aidïxi ka aijimi ïgai Belenïrï go bhaitï gukakamigadï go óídakami duduadimu dukai buidïrï iji dai biaturhi. —¿Tumaxi gïr bhïidati aapi. Gïr buapi pïxi soi ïrhiaragai?— ikaiti ïgai.

Markos 5:18

Dai Suxi ïpamu ayi xako kïïka go barko dai ïpan tïsai baidi go kïïrhi xajadïrï bubuajatadai Diabora tïtïañikaru daañimi go Suxi sai dagitona ix oidagi.

Markos 5:16

Dai ix makïdï ïr nïijadami ixdukatai pogïduitadai go kïïrhikïdï dai go tataixorhikïdï bïï aagidi go gaa.

Markos 5:4

Muiyoko bupuraiña odami kadenakïdï modukai noonobidï dai ïïkasodï dïï mos ïïkibudaiña ïgai bai mai tiputadai xorai ixtuidana xi dodorhi daasakagi.

Mataibo 12:29

—Gïn aagidamu aanï ïmo maaxidaragai aagaitai ixdukatai bubaidi aanï tïtïañikarudï go diabora. Daiñi, go óídakami ïr ïpïan dukami buxtuidadï go diabora, dai xadïrï mos adukai baakïna ïmoko xako gatïanïi go diabora dai gaïxidagi buxtuidadï. Gï agai xi burhixikami dukai biagi ïgai ïpïgioma tudu. Ïpïamaaxi gobai xi gaïxida agadagi ïmo odami go buxtuidadï ïmo kïïrhi kïïga gubuakami. Bia ïgai xi ïpïgioma burhiagi go kïïrhi ¿aba? Dai aidï gia bhaiga xi bakiagi kiidïrï dai gaïxidagi buxtuidadï. Podukai tudu ibuayi aanï bubaiditai tïtïañikarudï go diabora odamiañdïrï. Bupurakan dukai bia aanï go diabora tudu popoida iñagaitai buxtuidadï— itïtïdai.

Mataibo 4:24

Dai bïïxi aipadïrï óídakami kajioma ix tuma buadana Suxi dai gamoko ajiopaiña xako daja ïgai. Asta go Siriañdïrï óídakami bïïxi kajioma ïpï. Dai go óídakami aipadïrï naana maaxi kokokoñiadï buapaiña ami. Buapaiña ix makïdï biakana diabora tïtïañikarudï dai ïmadï ix makïdï susuikiturhiga dai ïmadï ix makïdï mai oiñïiña tukugadï ïpï. Dai Suxi duduadaiña bïïxkatai ïgai.

Mataibo 9:33

Dai busaitu Suxi go diabora tïañikarudï bai kïïga ño go kïïrhi ïpamu. Dai go óídakami nïidi aidïxi busaitu Suxi go tïañikarudï go diabora daidi mai tïtïgaitadai go óídakami ixtumaxi gï tïtïgitoagi. Daidi ikaitiña ïgai, —Tomarhi ïmo imidagai maiti nïidiña aatïmï tami Israelïrï ix gï duadiagi ïmo odami podukai ix makïdï mai ñokaitadai biakatai ïmo diabora tïañikarudï podukai— ikaitiña.

Mataibo 26:53

—¿Maita pïx maatï tudu sai kïï bhaiga aanï xi tañiagi soiñi gin Oga baidi ïgai kïïga ixtutuidi xi gin otosdagi mui mirhi tïtïañikarudï saidi buidïrï surhigïna ïgai gin buidïrï bïïtïkamiga?

Markos 5:14

Taidi go nukadakami tataixorhi boopoi dai mïï aagidi óídakami ix makïdï go gïï kiikiïrï óídaga ïmadï ix makïdï mïïmïkaxi óídaga ïpï. Tai mïï dada odami dai nïida agai ix tumaxi pogïduitadai.