Markos 16:17 - Northern Tepehuan Bible

¹⁷ Daidi potïtïdai ïpï, —Go ix makïdï gin buaboitudadagi naana maaxi iduñimu ix makïdï odami ïïgi xadïrï ixtuidïna dai podukai maaxituda agai xi Diuxi gubukadadïkïdï aatabuayi ïgai. Odamiañdïrï bubaidamu ïgai Diabora tïtïañikarudï aanï gin gubukadakïdï. Dai ïma maaxi ñoki mui ñokadamu ïgai ix makïdï mai maatïkana ïgai.

Tepehuan Northern: Diuusi ñiooquidʌ utuducami oodamicʌdʌ

¹⁷ Dai naana maasi istumaasi gʌgʌrducami ivuaadamu sioorʌ giñvaavoitudagi. Vuviadamu ʌgai oodamiaiñdʌrʌ Diaavora tʌtʌaañicarudʌ giñguvucadacʌdʌ dai ʌmamaasi ñiooqui ñioocadamu ismaacʌdʌ maimaatʌcana ʌgai.

Markos 16:17 Referans Kwoze

Hechos 5:16

Mui odami daibuiña jaa arhi kiikiañdïrï miadïrï Jerusalen dai baidi ajiopaiña kokokoñiadï ïmadï jaa ïpï ix makïdï biakana Diabora tïtïañikarudï dai bïïxkatai duduadaiña.

1 Korintios 12:28

Daiñi, darai Diuxi naana maaxi gïr soikïdami gïr saagida. Ïpïgioma darai ïgai ix makïdï ïr ojotosadï Suxi Kristo. Dai gokiïrï darai ïgai jaa ix makïdï ïr Diuxi ñokituldiadamigadï. Dai bhodïrï darai ïgai mamaatïtuldiadami. Daidi maa ïgai gubukarhigai jaa saidi ibuadana ïgai maaxidaragai ix makïdï odami mai bhaiga ix ibuadagai. Dai jaa saidi duduadaiña kokokoñiadï. Dai jaa saidi naana maaxiïrï soikïiña go gaa. Dai jaa saidi ïr bhaitï gukakamikana. Dai jaa maa ïgai go gubukarhigai saidi todian dukai bhaigakagi ix ñokiagi ïma maaxi ñokikïdï.

1 Korintios 12:10

Ïïmoko mamaakai ïgai gubukarhigai saidi ibuadana maaxidaragai ix makïdï odami maiti ixtutuidikïi xi ibuadagi. Dai jaa saidi ïr Diuxi ñokituldiadamikagi. Dai jaa maakai ïgai gubukarhigai sai maatï kaïkana ix bhai Diuxi Ibhïadïkïdï ñokai ïmo aatagadami. Dai jaa mamaakai ïgai gubukarhigai sai todian dukai bhaigakana ix ñokadagi ïmamaaxi ñokadami ñokidïkïdï ix makïdï tomarhi ïgai dai tomarhi go gaa ix makïdï ami daraka mai maatï kaï. Dai jaa mamaakai ïgai gubukarhigai sai aagaiña ix tïiya ïrhidi ñokidï go ïma maaxi ñokadami.

Hechos 8:7

Muidutai ïgai óídakami biakana Diabora tïtïañikarudï dai Pirhi duduadi. Gïgïr iñakaiña go Diabora tïtïañikarudï dai bubuakïiña odamiañdïrï. Dai jaa odami ami óídakami mai bhaiga ix oiñadagi gïn tukuga dai Pirhi duduadi ïpï ïmadï jaa ix makïdï maiti ixtutuiditadai ix ajiopadagi.

Lukas 10:17

Daidi go ojotosadï Suxi iji dai idui bïïxi ixtumaxi aagiditadai ïgai. Baikobhai dan bhaibuxtama ïgai. Dai kïïga bhai gïn ïrhidi dadakai ïpamu dai potïtïdai ïgai go Suxi, —Aapi Suxi, aa gia kïïga aatadui gï gubukarhiga aatïmïkïdï. Asta go diabora tïtïañikarudï gïr ïïgidiña gï ñokiturhitai aatïmï— itïtïdai go ojotoxikami go Suxi.

Hechos 10:46

Dai go judidiu kaï go odami ix makïdï Diuxi Ibhïadï abhana bitadai ix ïgai ñokaitadai mui ñoki ix makïdï ïgai mai maatïkana ïkioma. Kïïga ñokaitadai ïgai Diuxi bïïtarï dai aagaiña ïgai sai Diuxi gia ïr gubuakami.

VUAANA 14:12

—Kïïga abïr gïn tïgito kaïka idi ñoki. Daiñi, aapimï ix makïdï gin buaboitudai ibuadamu ï galbaaxi aaduindagai ix makïdï aanï ibuayi dai asta ibuadamu gïgïrdukamioma aaduindagai ix aanï. Aanï imimu mïïka xako daja gin Oga dai aïkai aanï amïka aidï gia aapimï ix makïdï gin buaboitudai buimu gubukarhigai daidi ibuadamu gïgïrdukamioma aaduindagai ix bhai ix makïdï aanï ibuayi.

Hechos 19:6

Dai go Pabora mos daama darai gï noonobi bai dibia Diuxi Ibhïadï ïgai ïmadï. Daidi ñiño ïgai mui naana maaxi ñokikïdï ix makïdï mai maatïkatadai ïgai dai aagai ñoki ix makïdï gïn maa Diuxi sai aagana.

1 Korintios 14:2

Gobai ïr go gubukarhigai ixtukïdï bamioma soiña antaada aapimï jaa. Daiñi, ïïmo imidagai ïmo buaboitudadami todian dukai ñokaiña Diuxi Ibhïadï gubukarhigadïkïdï ïma maaxi ñokikïdï ix makïdï tomarhi ïmadutai mai maatï kaï. Xïïxkadï podukai ñokadagi ïgai mosïkaxi Diuxi maatï kaï. Mosïkaxi ïgai bïïtarï ñokai ïgai tudu dai mai soikïi ïgai jaa. Go gaa mai maatï kaïkana ñokidï kaxkïdï. Kïïga ñokai ïgai Diuxi Ibhïadï gubukarhigadïkïdï dïï go gaa mai maatï ix kaiti.

1 Korintios 12:30

Mai xu bïïxkatai bia gubukarhigai ix duduadagi kokokoñiadï xiïpï ix ñokadagi ïmai ñokikïdï ix makïdï tomarhi ïmadutai mai maatï kaï xiïpï xi aagagi ix tïiya ïrhidi go ñoki ix makïdï ïmamaaxi ñokikïdï aagai ïmai.

1 Korintios 13:1

Gin susukurhi, sïïrhikïdï gï aagai ix gïr oigïdada aatïmï aipakoga. Daiñi, tomaxi ñokadagi ïmoko ïmai ñokidï ix makïdï tomarhi ïmadutai mai maatï kaï dai asta Diuxi tïtïañikarudï ñokidï ïpï, dïï gia ¿Tumaxi ïr soiñikana gobai ix mai oigïdadagi ïgai jaa? Ix ïmoko mai oigïdadagi jaa aidï gia mos xixiokïdan dukai ñokidï dai maiti ibuayi soiñi jaa bïïtarï.

Hechos 16:18

Mui tasai mos pobuayi ïgai dai tïbïpikïdï ojogi Pabora mos kaïkatai dai ajako kïkiba daidi bhagaimi go diabora tïañikarudï ix makïdï arhi oki ïrana dakatadai, —Suxi Kristo gubukadadïkïdï an gï aagidi pïsai busaiña go okiañdïrï— itïtïdai. Mos potïi ïgai dai otoma busai go diabora tïañikarudï.

Markos 9:38

Ïmo imidagai go Juan aataga ïmadï Suxi daidi potïtïdai, —Maatïtuldiadami— itïtïdai. —Tïï aatïmï ïmo kïïrhi no xibhïkai dai gabubaiditadai Diabora tïtïañikarudï ix makïdï oiditadai odami. Agaitadai gï tïtiaraga bubaiditai diabora tïtïañikarudï dai aatïmï dáí. Maiti gïr urabaka ïgai kaxkïdï dáí aatïmï— itïtïdai Juan.

Hechos 2:33

Diuxi baidaja go Suxi tïbagiamu sai sonoana daakana dai maa ïmo gïïdukami sïïrhikami. Dai Diuxi maa ïïgi ibhïadï go Suxi ix dukatai aagiditadai ïgai. Dai xibi Suxi gïr maa Diuxi Ibhïadï ïpï dai ix makïdï nïidi aapimï dai kaï xibi abïr ïgai duñidï.