Markos 16:16 - Northern Tepehuan Bible16 Odami ix makïdï gin buaboitudagi kaïkai Diuxi ñokidï daidi gïn bakuanakagi, ïgai kïïgakïrï bubuaki agai. Dïï gia ix makïdï mai buaboitudadagi ïgai biakamu gïïdukami gïïgïbituldaragai abhana— itïtïdai. Gade chapit laTepehuan Northern: Diuusi ñiooquidʌ utuducami oodamicʌdʌ16 Dai sioorʌ vaavoitudagi dai gʌnvapaconagi ʌgai cʌʌgacʌrʌ vuvaquimu. Dai sioorʌ maivaavoitudagi ʌgai Diaavora ʌʌmadu iimimu. Gade chapit la |
—Kïïga abïr gïn tïgito kaïka idi ñoki. Daiñi, odami ix makïdï ïïgida kaïkagi gin ñoki dai buaboitudagi ïgai ix makïdï gin otoi ka bïïxkïrï bïïtarï oidaka agai. Diuxi ka mai maakimu ïgai gïgïbidaragai dai ka bubuaka abhiadïrï xako darakatadai ïgai, xako mos ïr ïï mukigami gï dukami tudu, dai ka baapa ïgai xako gia ïr kïïgakïrï oidakaragai— itïtïdai.
Dai Suxi itïtïdai, —Kïïga gï tïgito kaïka idi ñoki. Daiñi, gï aagai ix ïpamu utudui bubuakiagi odami saidi gïn tïanïna Diuxi. Ïma dukai xadïrï biakana oigaragai ix Diuxi tïanïdagi. Daiñi, odami ix makïdï mosïkaxi dïïdïañdïrï bubuaka ix dukai bubuakai bïïxi odami mos ïr odami ïpïan dukami tomaxorai dai mai bia oigaragai ix Diuxi tïanïdagi. Mosïkaxi ïgai ix makïdï Diuxi Ibhïgadï gubukarhigadïkïdï ka ïpamu utudui bubuakïi gia. Mosïkaxi ïgai bia oigaragai ix Diuxi tïanïdagi— itïtïdai.
Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.
Dai Suxi potïtïdai, —Gin aaduñi— itïtïdai. —Ïïgi aanï ïr go pan ix makïdï aagai aanï. Daiñi, go pan ix makïdï oidaga tami oidigi dama maigobai dadasai mosïkaxi gïr tukuga bhiugigaigadï dïï aanï ïr pan gï dukami ix makïdï maigobai dadasai bhiugigaigadï odami ibhïgadï sai kïïgakïrï óídakana. Dai odami ix makïdï gin buaboitudagi ka mai biïgaka agai tomarhi ïmo ixtumaxi ibhïadï bïïtarï dai ka bïïxkïrï bïïtarï óídaka agai.
Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.
Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.
Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.
Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.