Markos 16:1 - Northern Tepehuan Bible

¹ Dai bhodïrï goka tasaikïdï abhiadïrï xi gï yaasatu go Suxi aidï ka daibusai go ibhïxtaragai tasai. Tai go Maria Magdalena ïmadï Maria dïïdï Jakobo dai Salomé, gasabïrhi xigian ubadami dai toida agai go mukiadï.

Tepehuan Northern: Diuusi ñiooquidʌ utuducami oodamicʌdʌ

¹ Dai cadaivunucai ʌibʌstaragai tasʌrʌ, taidʌ María Madaliña ʌʌmadu María Jacovo dʌʌdʌ ʌʌmadu Salomé, ʌgai savʌli sigian uuvadami dai toida agai ʌmuuquiadʌ.

Markos 16:1 Referans Kwoze

Lukas 23:56

Dai bhodïrï aa surhi ïgai kaiyana dai mïï bhai dui ïgai asaiti xigian ubadami ïmadï especias ix makïdï tïkida agai tukugadï Suxi. Dai bhodïrï ka ayi go ibhïxtaragai tasai dai gïn ibhïxi ïgai ïmo tasai ix dukai aagai go sïïrhikami.

Markos 15:40

Dai mïkaxdïrï gukatadai oki ïpï dai nïnïidi ix dukatai ïpïbuimi. Dajatadai Maria Magdalena, dai go gïmai Maria ix makïdï ïr dïïdï Jakobo ïmadï Jose dai Salomé. Jakobo arhidukïdï aagaiña odami go Jakobo.

VUAANA 19:31

Ïmo imidagai bianaxiko muu go Suxi dai aidï tasïrï bhai gïn buadana go judidiu go bagimi bïïtarï ix makïdï Daibuñigïrï tïgidu bai kaxkïdï go bhaitï gukakami dadaxdadami maiti ipïrhiditadai ix bhobai baaxi kuruxiana biiyagi go Suxi ïmadï ï goka kïkïïrhi ix makïdï jaa kukuruxiana nagiïjï ïpï. Dai go bhaitï gukakami dadaxdadami mïï aagidi go Pilato sai ïgai gatïanïna omixaragai nonosakadï go ix makïdï kuruxiana xixixapi sai otoma kona dai bhodïrï sai otoma tïapanïna tutukugadï ka kokai ïgai. Maiti ipïrhidi ïgai ix kia ami nagiïjïka ïgai bakïkai go bagimi kaxkïdï.

VUAANA 19:25

Dai ami miadïrï go kuruxi kïakatadai go Suxi dïïdï dai dixikadï ïpï ïmadï ïmai oki Maria tïgidukami. Go Maria ïr go Kleopas oñigadïkatadai. Daidi ami kïakatadai go Maria Magdalena ïpï.

Markos 16:8

Daidi go oki duduadimu dai ka mos gigibukïi dai boopoi abhiadïrï. Mai aagidi ïgai tomarhi ïmadutai duduadimukai.

Markos 15:47

Baidi Maria Magdalena ïmadï Maria Jose dïïdï nïidi mïx xako tïï go Suxi.

Markos 14:8

—Dïï idi oki gia in duindi xïïxi ixtui ïgai. Kaxi in toi ïgai perfume ïkiaxdïrï bhaiduñaragai gin tukuga yaasaragai bïïtarï. Ka miadaimi xïxkadï mukia iñagai kaxkïdï.

Markos 14:3

Dai Suxi Betaniana dakatadai kiidïrï ïmo kïïrhi Ximuñi tïgidukami. Go Ximuñi biakana go kokodagai lepra agaikïdï dïï mos xibi ka duayi ïgai. Dai mesa buidïrï dajatadai go Suxi daidi gakuayi bai ami dibia ïmo oki. Bhïkati ïgai ïmo tukayu kïï namïakami dai sudakami perfume kïï namïakami ïpï. Nardo tïgidu go perfume. Dai murhi ïgai go tukayu kugadï dai Suxi modïana toi go perfume.

Lukas 23:54

Kaxi ïr bianaxikokatadai aidï dai karhioga ayitadai go ibhïxtaragai tasai.

Markos 15:42

Ïmo bianaxiko muu go Suxi. Dai dajatadai ïmo kïïrhi Arimateañdïrï oidakami Jose tïgidu. Ïgai ïr ïmo dunukami dai odami kïï oigïdaitadai. Tïgito ajiopaiña ïgai sai dibiagai Diuxi otosadï dai sai ïgai ïmo gïï tïanïdami dukai kïkiba aagai dibiakai. Go Jose yaasa ïrhiditadai tukugadï Suxi dïï ka uruitadai oidigi dai xadiko ka maitï aatabuayi. Kaxkïdï maigobai dáí ïgai duadimudagai dai jii dai mïï baa buidïrï go Pilato dai gatai go Suxi tukugadï.

Markos 16:2

Dai tumiñoko ïïki mos busaikai tasai iji ïgai mïïka xako yaasapi go Suxi.

Lukas 24:1

Gïn ibhïxi go oki go ibhïxtaragai tasai tudu. Dïï gia tumiñoko ïïki mos baakïkai ïkarhi iji amïka ïgai xako tïïtadai tukugadï Suxi. Dai bhïkai go xigian ubadami ix makïdï ka bhai duitadai ïgai tïkida agai tukugadï Suxi. Dai jaa oki oidi ïpï.