Markos 12:29 - Northern Tepehuan Bible

²⁹ Dai Suxi potïtïdai, —Gï aagidamu aanï ix kaiti go bamioma namïakïdï ojai, gobai ikaiti, Kaïkabïrai aapimï Israelïrï óídakami, Mos arhi ïmaduga ïgai dai ïr Diuxi gïr Nukadakami. Mai tipu ïmai.

Tepehuan Northern: Diuusi ñiooquidʌ utuducami oodamicʌdʌ

²⁹ Taidʌ ʌSuusi itʌtʌdai: ―Pocaiti Diuusi ñiooquidʌrʌ: “Giñcaʌcavurai Isireliʌrʌ oidacami ʌcʌliodamiava ʌrgʌrDiuusiga dai mosʌca ʌmadugava Diuusi.

Markos 12:29 Referans Kwoze

Lukas 10:27

Dai go kïïrhi potïtïdai, —Ami ojixi sai, Gï agai xi oigïdada aatïmï Diuxi Gïr Nukadakami bïïxi gïr iibhïdagakïdï dai bïïxi gïr gubukarhigakïdï dai bïïxi gïr tïgibudagakïdï. Dai sai xïïxi gïr oigïdai ïïgi aatïmï pokaxi gï agai xi oigïdada aatïmï gïr aaduñi ïpï. Podukai ojixi ami tudu— itïtïdai.

Romanos 3:30

Mos arhi ïmaduga Diuxi dai ïgai kïïgakïrï nïidi judidiu ïmadï ix makïdï maiti ïr judidiu mos buaboidaitai ïgai.

Udaxi 1:25

Bïïxi gobai ka bhai dui Diuxi Suxi Kristokïdï ix makïdï ïr Gïr Nukadakami tudu. Dai kaxkïdï gï agai sai tomax tuigako kïïga ñokadagi bïïxi óídakami Diuxi buidïrï. Mai xudu xi ïr ïïki mai kia kïkibakai oidigi, xi ïr xibi, xi ïr gokiïrioma dai asta bïïxkïrï bïïtarï. Kïïga ïr ajïakami Diuxi sai toma xuduku kïïga ñokadagi óídakami ïgai bïïtarï tudu dai sai xagïdutuadagi ïgai dai sai biakagi ïgai gubukarhigai ix bïïxkïrï bïïtarï tïanïdagi bïïxi aïkatïrï. Sai pogïduna bïïxi gobai tudu. Mosïkaxi.

1 Korintios 8:4

Xibi aagamu aanï go kuadagai ix makïdï gï dadaxdi uubixi. Daiñi, kïïga maatï aatïmï sai go uubixi mai gupuka. Dai kïï maatï aatïmï ïpï sai mos arhi ïmaduga Diuxi. Mai tipu ïmai.

Santiago 2:19

Kïïga pokaitada antaada aapimï sai buaboitudai aapimï sai oidaga Diuxi dai sai ïmaduga ïgai. Kïïgadu aba gobai. Dïï gia aanï aagai sai asta go tïtïañikarudï go diabora kïïga buaboitudai sai oidaga Diuxi dai asta gigibukïiña ïgai ïbhïiditai.

1 Tomoteo 2:5

Ipïrhidi ïgai tudu sai odami maatïkana sai mos arhi ïmo Diuxi oidaga dai mos arhi ïmaduga ix makïdï bhai buayi gïr bïïtarï Diuxi ïmadï dai ïgai ïr Suxi Kristo ix makïdï ïmo kïïrhi busai. Mai tipu ïmai.

1 Tomoteo 1:5

Daiñi, aatïmï gia gatïtïïgidiña aatagi ix makïdï kïïga ïr soiñi odami bïïtarï. Ga tïtïgidiña aatïmï aatagi ipïrhiditai ix kïïga buañixikagi ibhïadï odami bai kïïga gïn oigïdada ïgai aipakoga. Ga tïtïgidiña aatïmï ipïrhiditai xi odami ïïgiadagi gïr aatagi bai podukai maatïkana ïgai sai kïïga ibuayi ïïgiditai gïr aatagi. Podukai maaxitudamu ïgai sai buaboikïdï buaboitudai ïgai.

Mataibo 23:9

Dai maiti abïr gïï gïn oga xadutudikami dukai nïijada aapimï tomarhi ïmo maatïtuldiadami tami oidigi daama ïpï. Mosïkaxi Diuxi ix makïdï tïbagiana daja ïr go adaama xadutudikami gïn Oga kaxkïdï.

Mataibo 10:37

—Muidutai gïn aaduñi bhakoikamu gin buaboitudatai aapimï tudu. Dai aanï aagai sai xorai gin dagitoagi ipïrhiditai sai mai bhakoikagi dïïdïdï, ïgai ka maiti ïr ajïakami xi gin urabakagi. Dai podukai ïpï xorai gin dagitoagi ipïrhiditai sai maamaradï mai bhakoikagi, ïgai ka maiti ïr ajïakami xi gin urabakagi ïpï— itïtïdai.